Yobe 21:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Hanavuluka muanda eu, ndi ne dishina, buowa budi bunkuata.

MUKANDA WA MYIDI MUKULU

⁶ Pandi ngela meji a bionsu bivua bingenzekele, mubidi wanyi mujima udi uzakala ne bowa.

Yobe 21:6 Referans Kwoze

Abakuke 3:16

Nakunua malu â, ne mutshima wanyi wakuhampakana, mishiku yanyi yakukanka bua tshiona atshi. Mifuba yanyi yakuvingutuka, nakuzakala mu muaba unakuimana; ndi ne bua kuindila dituku dia ntatu, muhuwe talalâ; tô ne haluadi kudi bantu badi batukengesha.

Misambu 119:120

Mubidi wanyi udi uzakala bua dikutshina dianyi; ne ndi ntshina kulumbulula kuebe.

Misambu 88:15

Ndi mukengeshibue ne nakadi hehi ne lufu ku matuku a buana buanyi tô ne mpindiu. Nakumana kukenga ne malu ebe adi ankuatshisha buowa tô ne handi ngamba kuhanga.

Misambu 77:3

Ndi nvuluka Nzambi, ndi ntua mikemu; ndi ngelangana meji munda muanyi, nyuma wanyi udi uhanga.

Misambu 55:5

Kutshina ne kuzakala kudi kufika kundi, kuvuayila kudi kukuata mubidi wanyi wonso.

Yezekiyele 7:18

Nebadiluatshishe ne bilulu bikayabala ne buowa nebubakuate; bundu nebukuate buonso buabo ku mesu, nebatuke mabala ha nutu habo bonso.

Yobe 9:28

ndi ntshina makenga anyi onso, ndi mumanye ne, Wewe kuena umbingisha.