Yobe 19:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Ba mu diku dianyi bakumpanga, bantu bakadi bammanye bimpe bakumana kumpua muoyo.

MUKANDA WA MYIDI MUKULU

¹⁴ Bana betu ne balunda banyi, mbanshiye nkayanyi, mbamane kumpua muoyi,

Yobe 19:14 Referans Kwoze

Misambu 38:11

Banangi banyi ne balunda banyi badi bashilangana nʼanyi bualu bua disama dindi nʼadi, ne bana betu badi bimana ha bule.

Yowanane 13:18

Tshiena nuamba buonso buenu; ndi mumanye banakusungula, kadi bualu ebu buakulua bua kushikisha dî diakafundabo ne, Utu wadia bidia bianyi wakuntua museba.

Matayi 10:21

Muanʼabo ne mutu neafile muanʼabo ku lufu, tatu neafile muanʼandi, bana nebatombokele batatuʼabo ne bamamuʼabo, nebabashiheshe.

Yirmeya 20:10

Bualu bua nakunvua kusonguela kua bantu ba bungi, buowa ku nseke yonso ne, Numunyoke, ne tuetu netumunyoke, mbu mudibo bamba kudi balunda banyi badi bansue, badi bakeba kumona kudishinda kuanyi; bumue yeye neitabushishibue, nênzeshibue ku bukole, netumuhite bukole, netudisombuele kudiye.

Nsumuinu 18:24

Muntu udi ne balunda ba bungi udi udibutuisba, kadi kudi mulunda udi uhita muanʼabo ne muntu kumulamata.

2 Samuele 16:23

Mei akamba Ahitofele mu matuku au akadi bu muntu mukonke dî dia Nzambi. Lungenyi luonso bakambila Ahitofele Davidi ne Abashaloma luakadi nunku.

Genese 40:23

Kadi kahita ka bena maluvu wakahua Yosefe muoyo, yeye kakamuvuluka.

Yobe 19:15

Badi bashikame mu nsubu muanyi ne bakashi benji ba mudimu wanyi badi bambala bu muenyi; ndi bu muntu wa bende ku mesu kuabo.

Yobe 19:19

Bantu bonso banakeyemena badi bandengulula, banakunanga bakungela nyima.

Muadi 1:2

Yeye udi udila bikole bufuku, muikale ne binsonshi ku matama andi; kena ne muntu wa kumusamba munkatshi mua bonso bakadi bamunanga; balunda bandi bonso bakumutungila tshitungu; bakulua bena lukuna bandi.

Yobe 42:11

Hashishe, bana babo ba balume bonso ne bana babo ba bakashi bonso ne bonso bakadi balunda bandi diambedi bakalua kumumona, bakadia nʼandi bia kudia mu nsubu muandi. Bakamulesha luse luabo, bakamusamba bua makenga onso akadi Yehowa mumutumine. Muntu yonso wakamuha tshituha tshimue tshia tshiamu tshia or ne kakanu ka or ka ku munu.

Misambu 31:12

Badi bampua muoyo mu mitshima yabo, bu mudibo bahua muntu mufue muoyo. Nakulua bu luesu ludi luhandike.