Yobe 18:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yeye kena ne muana anyi kankanunuina munkatshi mua bantu bandi, kakuena muntu washala ne muoyo mu miaba yakadiye ushikama.

MUKANDA WA MYIDI MUKULU

¹⁹ Muana nansha umue kakusangula diku diende. Muntu nansha umue wa mu muaba wabu, kakushala ne muoyi.

Yobe 18:19 Referans Kwoze

Yirmeya 22:30

Yehowa udi wamba ne, Funda muntu eu bu muntu udi kayi ushala ne muana, bu muntu udi kayi uheta diakalengele mu matuku andi; bualu hua kakuena kuikala kabidi muana wa munkatshi mua bana bandi waheta diakalengele, washikama biandi mu nkuasa wa bukelenge wa Davidi, wakokesha kabidi mu buloba bua Yuda.

Misambu 109:13

Tunkanunuma tuandi tujimishibue; dina diandi dijimine mu tshikondo tshidi tshilonda.

Yobe 8:4

Bikala bana bebe bamuenzele bibi, yeye wakubafila mu dikenga dikole bua bubi buabo;

Yobe 1:19

mena, tshihehele tshikole tshiakafumina ku tshihela, tshiakakuma ku matumba a nsubu anai, nsubu wakuhukila bansongalume, bakafua biabo. Anu meme nkayanyi nakuhanduka bua kukuambila.

Yeshaya 14:20

Wewe kuena usangishibue nʼabo mu dijikibua diebe, bualu bua wakubutula buloba buebe, wakushiha bantu bebe. Kabena batela mena a tunkanunuina tua benji ba malu mabi tshiendelele!

Yobe 20:21

Kakuakadi tshintu tshimue tshiakadiye kayi udia bua lukuka luandi; nunku diakalengele kadiena dishala kudiye.

Misambu 37:28

Bualu bua Yehowa udi unanga kulumbulula kuakane, kena ulekela bansanto bandi. Bantu bakane nebalamibue tshiendelele, kadi bana ba bantu babi nebajimishibue.