Yobe 17:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Mpindiu ungeyeke tshieya, wikale mueyeki wa tshieya bua bualu buetu nʼebe, nganyi watutakasha nʼanyi bianza bua kuhunga tshihungidi?

MUKANDA WA MYIDI MUKULU

³ Mvidi Mukulu wanyi udi musue kundumbuluisha, kadi wewe mene undumbuluile. Wewe kuyiku, udi mua kungambuluisha nnganyi?

Yobe 17:3 Referans Kwoze

Ebrewu 7:22

nunku bua malu â kabidi, Yesu wakulua tshieya tshia dihungila didi ditamba buimpe.

Yeshaya 38:14

Nakadila bu mudi nyunyu wa kandindi anyi nyunyu wa mudinga udila, nakadila bu nyunyu wa nkutshi. Mesu anyi adi ahanga ne kutangila kuau mulu; Mukelenge, badi bankengesha; wikale tshieya tshianyi!

Nsumuinu 11:15

Muntu ndi weyeka muntu wa bende tshieya neatate, kadi udi ukina kueyela kua bieya udi ushala talalâ.

Misambu 119:122

Wikale tshieya kudi umena mudimu webe bua kumuenzela bimpe; badi badisue kabankengeshi nansha.

Genese 44:32

Bualu bukuabo kabidi, meme, muntu webe nakadieyeka bu tshieya tshia nsongalume eu kudi tatu wanyi. Nakamuambila ne, Binahanga kuhingana nʼandi kûdi, hashishe nendituadile bujitu bua bualu ebu tshiendelele.

Genese 43:9

Meme nendieyeke kudiye bu tshieya mu muaba wandi, udi mua kumusombuela ku tshianza tshianyi binahanga kuhingana nʼandi kudi ne kumuteka ku mpala kuebe hashishe nendibadile bujitu ebu tshiendelele;

Yobe 9:33

Kakuena musungi hankatshi betu udi mua kutulenga bubidi buetu tshianza.

Nsumuinu 22:26

Kuikadi munkatshi mua badi batutangana bianza bua kuhunga dî, anyi badi beyeka bantu bieya ku mabanza.

Nsumuinu 20:16

Angata tshivualu tshia muntu udi mueyeke muenyi tshieya; ukuate udi mueyeke ba tshisamba tshia bende tshieya lukola.

Nsumuinu 17:18

Muntu udi kayi ne lungenyi udi uhunga tshihungidi, udi weyeka tshieya ku mesu kua muena mutumba nʼandi.

Nsumuinu 6:11

Hashishe buhele buebe nebukukuate bu munyengi, ne tshiole netshikukuate bu muena nvita.

Yobe 5:1

Ela di diebe mpindiu; mukuabo udiku udi mua kuitaba kûdi, anyi? Neuye kudi muntu kai wa munkatshi mua ba tshijila?