Yobe 17:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Matuku anyi akumana kuhita; malu anakuhangidisha mu mutshima akulua tshianana, meji mene a mu mutshima wanyi.

MUKANDA WA MYIDI MUKULU

¹¹ Matuku anyi a panu mmamane kusemena, bimvua muele meji bua kuenza, bimvua mujinge kabiakukumbana nansha.

Yobe 17:11 Referans Kwoze

Yobe 7:6

Matuku anyi adi ahita mundongo wa mukumi wa bilulu kuenda lubilu, adi afika kunshikidilu kuau tshiyi ne ditekemena.

Yeshaya 38:10

Nakuamba ne, Nembuele mu bibuelelu bia ku Muaba wa Bafue mu matuku a munda munya a bidimu bianyi; bakunyenga tshituha tshia bidimu bia muoyo wanyi tshiakadi tshishala.

Nsumuinu 16:9

Mutshima wa muntu udi uhangidisha bua kuya ku luendu, kadi Yehowa udi ulombola makasa andi.

Muadi 3:37

Muntu kai udi mua kuela dî ne, Bualu buenjibue, bikata Mukelenge kayi muanze kuela dî diandi?

Yeshaya 8:10

Elai tshifufu tshienu, kadi netshiandamuke bualu bua hatuhu; ambai dî, kadi kadiena dijalama, bualu bua Nzambi udi nʼetu.

Rome 1:13

Bana betu, tshiena musue nuhange kumanya ne, Misangu ya bungi nakadisunguila bua kulua kunudi (ne nakuhumbishibua tô ne katataka), bua meme kuangata mamuma munkatshi muenu kabidi bu munakuângata munkatshi mua bisamba bikuabo bia bende.

Muambi 9:10

Malu onso audi wenza wenze ne bukole buebe buonso; bualu bua kakuena mudimu, kakuena kulongolola kua malu, kakuena lungenyi anyi meji ku Muaba wa Bafue kûdi uya.

Nsumuinu 19:21

Mutshima wa muntu udi ne malu a bungi adiye uhangidisha, kadi malu adi Yehowa Usungula neajadikibue.

Yobe 17:12

Badi bandamuna butuku bua kuikalabu munya, badi bamba ne, Munya udi hehi, hamba butuku kuila.

Yobe 17:1

Muoyo wanyi wakubutuka, matuku anyi adi ahuwa; lukita ludi lungalamina.

Nsumuinu 16:1

Malu adi bantu bahangidisha mu mitshima adi afuma kudibo, kadi dî didi ludimi lukudimuna didi difuma kudi Yehowa.