Yobe 14:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bikala matuku a muntu mamane kuhangidisha, bikala bungi bua ngondo yandi mu bianza biebe; biwikala mujadike mikalu yandi bua yeye kayisambuki,

MUKANDA WA MYIDI MUKULU

⁵ Amu wewe ke udi mujadike bungi bua matuku, ne bungi bua ngondu bidi muntu mua kulala panu. Muntu kena mua kusakidila dituku nansha dimue.

Yobe 14:5 Referans Kwoze

Misambu 39:4

Yehowa, ummanyishe nshikidilu wa muoyo wanyi, ne tshidikishilu tshia matuku anyi ne, Adi bungi munyi? Ummanyishe mudi muoyo wanyi uhita tshituha tshihi.

Bienzedi 17:26

Yeye kabidi wakafuka bisamba bionso bia bantu, bafuma mu muntu umue, bua kuikalabo ha buloba buonso; wakatahulula bikondo biabo bidianjile kulongolola diambedi, ne mikalu ya miaba yabo yashikamabo.

Ebrewu 9:27

Bualu bua budi busunguila bantu bua kufuabo musangu umue, ne ku nyima kua hualu ebu kulumbulula kudiku;

Yobe 12:10

ne mu tshianza tshiandi mudi muoyo wa bintu bionso bidi ne muoyo ne muhuya wa bukua bantu bonso?

Misambu 104:29

Udi usokoka mpala webe, bidi bitshina; udi ubiumushila muhuya wabi, bidi bifua ne bidi bihingana ku dinfuenkenya diabi kabidi.

Yobe 21:21

Bua yeye udi ne disanka kai kudi ba mu nsubu muandi badi bashala ku nyima kuandi hashika ngondo yandi ha buloba?

Luke 12:20

Kadi Nzambi wakamuambila ne, Wewe udi muhote, butuku ebu mene badi balomba muoyo webe; bintu biwakulongolola nebikale kudi nganyi?

Danyele 5:26

Eku nkujingulula kua muanda eu: MENE, Nzambi wakubala matuku a bukelenge buebe, wakubumana.

Misambu 104:9

Wakasungula mai mukalu wakadiu kâyi mua kusambuka, bua kâhinganyi kabidi bua kubuikila buloba.

Danyele 4:35

Bonso ba ha buloba badi hatuhu ku mesu kuandi. Yeye utu wenza bu mudiye musue munkatshi mua misumba ya ba mu diulu ne munkatshi mua ba ba buloba; kakuena muntu udi mua kukauda tshianza tshiandi, anyi kumuebesha ne, Udi wenza tshinyi?

Yobe 14:14

Biafua muntu, neikale ne muoyo kabidi, anyi? Nakadi kuindila matuku onso a tshikondo tshianyi tshia kuluangana nvita, tô ne hakadi kulua tshikondo tshia kundekela.

Yobe 7:1

Muntu kena ne tshikondo tshia kuenzeye mudimu mukole hanshi ha buloba, anyi? Matuku andi kaena bu a muena mudimu wa difutu, anyi?

Didimanyisha 3:7

Fundila muanjelo wa ekelesia wa ku Filadelefia ne, Udi wa tshijila, udi wa bulelela, udi ne luvungula lua Davidi, udi unzulula ne kakuena udi winshila, udi winshila ne kakuena udi unzulula, udi wamba malu â ne,

Danyele 5:30

Mu butuku abu mene Beleshasâ, mukelenge wa Bena Kasada, wakashihibua.

Didimanyisha 1:18

ne Udi ne muoyo; nakadi mufue, ne mona, ndi ne muoyo tshiendelele, ne ndi ne nvungula ya lufu ne ya Muaba wa Bafue.

Danyele 11:36

Mukelenge au nênze bu mudi mutshima wandi musue; neadinemeshe, neadibandishe ba mutu ba nzambi yonso, neadiule Nzambi wa nzambi ne mei adi matambe bubi. Neatute dikasa dimpe tô ne hashika tshiji tshia Nzambi, bualu bua malu akahangidisheye nênjibue.

Danyele 9:24

Bakukosela bantu bebe ne musoko webe wa tshijila mbingu makumi muanda mutekete, bua kumana ditomboka, bua kuvuisha nshikidilu wa malu mabi, bua kulengeshisha bahambuki kudi Nzambi, bua kubavuishila buakane budi bushala tshiendelele, bua kujadika tshikena kumona ne buprofete, ne bua kujidila muaba muhite tshijila.

Misambu 31:15

Bikondo bianyi bidi mu bianza biebe; umpandishe mu bianza bia badi nʼanyi lukuna, kudi badi bankengesha.

Misambu 139:16

Mesu ebe akamona bituha bia mubidi wanyi kabiyi bianze kulamakana. Matuku anyi onso akadi mafunda mu mukanda webe, matuku mene awakahangidisha bua meme ngikale ne muoyo, diambedi dituku dimue dia munkatshi muau kadiyi dianze kuikalaku.

Muambi 3:2

tshikondo tshia kuledibua ne tshikondo tshia kufua; tshikondo tshia kukuna bintu ne tshikondo tshia kubihuola;

1 Samuele 26:10

Davidi wakamba ne, Bu mudi Yehowa ne muoyo, Yehowa nkayandi neamushihe; dituku diandi dia lufu nedilue anyi yeye neaye mu nvita, neafue.

Yobe 16:22

Bualu bua hahita bidimu bikese, nenye bianyi mu nshila undi tshiyi mua kuhingana kabidi.

Muambi 8:8

Kakuena muntu udi mua kukandika muhuya wa muoyo; yeye kabidi kena mua kuindisha dituku dia lufu; kabena balekela bena nvita hatshidibo baluangana; bubi kabuena mua kuhandisha muenʼabu.