Yirmeya 9:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Muntu ne muntu neadinge muena mutumba nʼandi, kabena bamba dî dilelela; bakayisha ndimi yabo bua kuambayi mashimi; badi baditekesha ne kuenza kuabo kua malu mabi.

MUKANDA WA MYIDI MUKULU

⁵ Maweja-Nangila udi wamba ne: “Bantu aba badi anu bena buenzavi. Badi anu bashimangana. Kabena basue nansha kakese kumvuangana nanyi to.”

Yirmeya 9:5 Referans Kwoze

Abakuke 2:13

Monai, Yehowa wa Misumba kena muhangidishe bua midimu ya bantu kujiminayi mu kahia, anyi? ba mu bisamba bia bantu kabena baditatshisha hatuhu, anyi?

Mika 6:12

Bualu bua bantu babanji ba mu musoko eu badi bûle tente ne tshimbambila, ne bena musoko badi bamba malu a mashimi, ludimi luabo ludi anu ne mashimi mukana muabo.

Yeshaya 57:10

Wakadihangisha bualu bua bule bua luendu luebe, kadi kuakamba ne, Bualu ebu budi hatuhu! Wakamona bukole buebe buhingana kûdi, nunku kuakahunga nansha.

Yobe 15:5

Bualu bua bubi buebe budi buyisha mukana muebe, ne wewe udi udisunguila ludimi lua muena budimu.

1 Timote 4:2

bualu bua lubombo lua bantu badi bamba mei a mashimi, badi boshibua mu muoyo-mukese wabo ne tshiamu tshibia ne kadilu.

Efeze 4:25

Nunku nulekele mashimi, muntu ne muntu nuambilangane ne muena mutumba nʼenu mei malelela; bualu bua tuetu tudi bituha bia mubidi tunue ne bakuabo.

Mika 6:3

Bantu banyi, nakunuenzela tshinyi? Nakunutonda munyi? Nungambile.

Yezekiyele 24:12

Musoko wakuditondesha ne midimu mikole, kadi dimoma diau dinene kadiena dianze kumuka munda muau, dimoma kadiena diumushibua kudi kahia.

Yirmeya 9:8

Ludimi luabo ludi bu mukete wa lufu, ludi luamba mashimi; muntu udi wambila muena mutumba nʼandi mei a ditalala mukana muandi, kadi mu mutshima wandi udi umualamina bua kumukuata.

Yirmeya 9:3

Yehowa udi wamba ne, Badi banana ndimi yabo bua kushimabo bu mudibo banana buta; bakulua bantu bakole mu buloba, kadi kabena ne bukole bua kunanukila mu buakane, bualu bua badi baya kuenza bualu bubi butentekasha ha mutu ha bualu bubi ne kabena bammanye meme.

Yeshaya 5:18

Mulau wikale kudi badi bakoka malu mabi kudibo ne mionshi ya mashimi, badi bakoka bualu bubi bu muakadibo babukoka ne nshinga ya ku dikalu,

Nsumuinu 4:16

Bualu bua kabena balala tulu bikalabo kabayi benze bibi; tulu ludi tumuka kudibo bikalabo kabayi bahoneshe muntu.

Misambu 140:3

Badi basakisha ndimi yabo bua kutuayi bu ya nyoka, lulengu lua nyoka wa mbanvu ludi mukana muabo.

Misambu 64:3

Badi basakisha ndimi yabo bua kuikalabu bu miele ya nvita, badi baludikila mei a bululu bu mikete,

Misambu 50:19

Udi ufidisha mukana muebe bua kuambau malu mabi, ludimi luebe ludi lusangakasha mei a kudinga.

Misambu 7:14

Monai, muntu eu mubi udi utantamana ne malu mabi; wakimita bubi, wakulela mashimi.

Yobe 11:3

Kufunafuna kuebe kudi kumanya mua kuhuwisha bantu, anyi? Hawaseka Nzambi, kakuena muntu udi ukufuisha bundu, anyi?

Genese 19:11

Bobo bakafofomesha mesu a balume bakadi bimane ku tshibi tshia nsubu, bakese ne banene, bakateketa, kabakamona tshibi.

Misambu 52:3

Wewe udi utamba kunanga malu mabi ku mpala kua malu mimpe; wewe udi utamba kunanga kuamba kua mashimi ku mpala kua kuamba kua mei a bushuwa.

Yirmeya 7:28

Nunku ubambile ne, Etshi ntshisamba tshidi katshiyi tshiunvua dî dia Yehowa Nzambi wabo, tshidi katshiyi tshianji kubuesha diyisha diandi mu mitshima yabo; dî dilelela diakujimina kudibo, diakûmuka mukana muabo.

Yirmeya 12:6

Bualu bua bana benu mene ne ba mu tshiota tshia tatu webe bakukutungila tshitungu; bobo mene badi bakulonda ne mbila; kuitabushi mei abo, nansha biakuambilabo mei mimpe.

Yirmeya 12:13

Bakukuna maminu a blé, bakuhuola meba; bakudikengesha ne mudimu mukole, kabakudihetela luhetu; nebikale ne bundu bua mamuma abo, bualu bua tshiji tshikole tshia Yehowa.

Yirmeya 13:23

Muena Atiopa udi mua kuandamuna dikoba diandi, anyi nkashama udi mua kuandamuna matoba andi, anyi? Nunku nuenu batu benza malu mabi nenumanye mua kuenza malu makane.

Yirmeya 51:58

Yehowa wa misumba udi wamba ne, Ngumbu minene ya Babulona nevishimbudibue kashidi, ne bibi biandi bile nebioshibue ne kahia; nunku bantu badi bakuata mudimu hatuhu, ne bisamba bia bantu bidi biditatshisha anu bua kumona midimu yabo mihie mu kahia.

Yirmeya 51:64

Amba kabidi ne, Babulona neadine nunku, kena ubika kabidi, bualu bua malu makole andualua kumutumina; nebabange bikole. Tô ne aha hadi mei a Yelemiya.

Malaki 2:10

Tuetu bonso katuena ne tatu umue, anyi? Nzambi umue kakatufuka, anyi? Bualu kai tudi tusonguelangana, tunyanga bietu dihungila dia batatu betu?

Balombodi 2:10

Bantu bonso ba mu tshikondo atshi bakasangishibua kudi bankambua babo kabidi, ne ba mu tshikondo tshikuabo tshiakabalonda ku nyima kabakamanya Yehowa anyi mudimu munene wakenzeleye Bena Isalele.

Nsumuinu 12:5

Meji adi bakane bahangidisha adi malulame, kadi malu adi bantu babi bahangidisha adi a mashimi.

Yirmeya 4:22

Bantu banyi badi bahote, kabena bammanye; badi bu bana badi kabayi ne lungenyi, kabena ne dijingulula dia malu; badi ne lungenyi lua kuenzabo malu mabi, kadi kabena ne lungenyi lua kuenzabo malu mimpe.