Yirmeya 8:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Badi bunvua kufembula kua tubalu tuabo kufuma mu Dana; hunvua buloba bujima muadi wa balume ba tubalu tuabo, budi bukanka; bualu bua bakumana kufika, bakudia buloba ne bintu bionso bidimu, musoko ne bantu bonso badi bashikamemu.

MUKANDA WA MYIDI MUKULU

¹⁶ Muluishi wenu mmumane kufika ku Dane. Muadi wa tubalu tuende ukadi umvuika. Padi tubalu atu tukekemena, buloba bujima budi buzakala. Padi nyama ya tubalu ayi ifika, bionsu bidi bibutuka. Idi inyanga ditunga ne bintu bionsu bidimu, tshimenga ne bonsu badimu.

Yirmeya 8:16 Referans Kwoze

Balombodi 18:29

Bakidika musoko eu dina ne, Dana, ndina dia Dana nkambua wabo, wakaledibua kudi Isalele; kadi dina dia musoko diakadi Layisha diambedi.

Balombodi 5:22

Hashishe tubalu tuakatua mikono yatu hanshi, ditua diatu, ditua diatu ne bukole.

1 Korente 10:28

Kadi biamu atu bila muntu ne, Tshintu etshi ntshishihela mpingu; kanutshidî, bua bualu buandi wakanumanyisha bualu ebu, ne bua muoyo-mukese kabidi.

1 Korente 10:26

bualu bua buloba mbua Mukelenge ne tshiuwidi tshiabu.

Abakuke 3:10

Mikuna yakakumona, yakadi ne didinyenga; matutu akalokeshisha nvula; ndondo wa mai wakela dî diandi, wakabandisha bianza biandi mulu.

Nahume 3:2

Tshiona tshia nfimbu ne tshiona tshia nkata ya makalu bidi biunvuika, tubalu didi tuenda tutuhika, makalu adi alundumuka.

Yirmeya 47:3

Hunvuabo tshiona tshia kutua kua mikono ya tubalu tuandi, hamonabo kuenda kua lubilu kua makalu a nvita ne tshiona tshia nkata yau, batatu kabena batangila ku nyima bua kusungila bana babo, bualu bua maboko abo adi ateketa.

Yirmeya 10:25

Hongolola tshiji tshiebe ha mutu ha bisamba bidi kabiyi bikumanye, ne ha mutu ha bantu badi kabayi babikila dina diebe; bualu bua biakabutula bana ba Yakoba; bulelela, biakubabutula, biakubamana, biakuhaula tshishikaminu tshiabo.

Yirmeya 6:23

Badi bakuata buta ne difuma; badi ne lukisu, kabena ne luse; tshiona tshiabo tshidi bu tshiona tshia mai manene; badi babanda ha nyima ha tubalu, muntu yonso mudilongolole bua kukuluisha, wewe, muana mukashi wa Siona.

Yirmeya 4:24

Nakamona mikuna mile; mona, yoyo yakazakala, ne mikuna mihi yakanyungakana.

Misambu 24:1

Buloba budi bua Yehowa ne tshiuwidi tshiabu, buloba buine ne badi bashikamamu.

Balombodi 20:1

Hashishe Bena Isalele bonso bakaluhuka bafume ku Dana tô ne ku Bê-sheba ne ba mu buloba bua Gilada, bakadisangisha bu muntu umue kudi Yehowa ku Misepa.

Yobe 39:20

Wakukenzesha bua kutuhikaku bu mudi mukumbi utuhika, anyi? Kadi ne butumbi ne kuhembula kudi kukuatshisha bantu buowa.

Yirmeya 3:24

Kadi luhingu elu ludi lufuisha bundu luakumana kudia mamuma a midimu ya batatu betu ku buana buetu mene, bisumbu bia mikoko yabo, ne bia bimuna biabo, bana babo balume ne bana babo bakashi.

Yirmeya 5:17

Nebadie bintu bia mu madimi enu ne bidia bienu, nebashihe bana benu ba balume ne bana benu ba bakashi; nebadie bisumbu bienu bia mikoko ne bimuna; nebanyange mionshi yenu ya tumuma ne mitshi ya nfigi; nebashimbule misoko yenu ya ngumbu inuakueyemena ne muele wa nvita.

Yirmeya 30:5

Bualu bua Yehowa udi wamba ne, Tuakunvua dî dia buowa ne tua kuzakala, kandi dia ditalala nansha.

Yirmeya 30:16

Nunku bantu bonso badi bakukengesha nebakengeshibue kabidi; bena lukuna bebe bonso, buonso buabo mene, nebaye mu buhika; badi banuhaula nebikale bintu bia bakuabo kuhaula; nenfile bonso badi banyenga bintu bienu bu tshintu tshidi bakuabo banyenga.

Yirmeya 50:42

Badi batubula buta ne difuma, badi ne lukinu ne kabena ne luse. Dî diabo didi dikungula bu tshiona tshia mai manene; badi babanda ha nyima ha tubalu, buonso buabo badi badilongolola mu mualu wa nvita bu muntu umue bua kuluangana nʼebe, wewe muana mukashi wa Babulona.

Yirmeya 51:29

Buloba budi buzakala, budi ne dikenga, bualu bua malu adi Yehowa muhangidishe bua kuenzela Babulona adi majalame, bua kuvuisheye buloba bua Babulona bu tshikisu, kakuyi muntu mushikamemu to.

Yirmeya 4:7

Nyama wa ntambue wakubandaku, mufume mu tshihuka muakadiye, mubutudi wa bisamba bia bantu; udi mu nshila wandi, muhatuke mu muaba wandi bua kuvuisha buloba buenu tshihela, bua misoko yebe ibutuke, ikale kayiyi ne bantu.