Yirmeya 48:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Mushihianganyi nealue mu misoko yonso, kakuena musoko umue wahanduka. Tshibanda netshifue, ne mpata wa ha mutu ha mikuna neabutudibue; bu muakuamba Yehowa.

MUKANDA WA MYIDI MUKULU

⁸ Muena tshinyangu neapitshile ku tshimenga ne ku tshimenga, bua kubinyangakaja bionsu. Nansha bidi mu tshibandabanda, nansha bidi mu mpata nebinyanguke. Ke mudi Maweja-Nangila muambe nanku.

Yirmeya 48:8 Referans Kwoze

Yirmeya 6:26

Wewe, muana mukashi wa bantu banyi, udiluatshishe ne bilulu bikayabala, udibonde mu butue; udiashile muadi bu mudibo bashila muana mulume umuehele wa muntu, muadi muhite bukole; bualu bua mushihianganyi neatuluishe lukasa.

Yezekiyele 25:9

nunku nengunzulule luseke lua Moaba, lua ku misoko idi ku matshika a buloba tô ne ku Bete-yishimota, Bâla-meona ne Kîyata-yalima, butumbi bua buloba ebu.

Yirmeya 51:56

Bualu bua bashihianganyi bakumana kufika ku Babulona, badi bakuata bena nvita bandi, badi batshibula mata abo bituha, bualu bua Yehowa udi Nzambi wa busombuedi, yeye neabasombuele bulelela.

Yirmeya 48:18

Wewe, muana mukashi udi mushikame mu Dibona, tuluka mu nkuasa webe wa butumbi, ushikame mu buloba buminyine, bualu bua muhaudi wa Moaba wakulua kukuluisha wakushimbula misoko yebe idi ne ngumbu.

Yirmeya 25:9

monai, nentume dî bua kuangata ba mu meku onso a ku luseke lua ku nôde, mmudi Yehowa wamba; nembikile Nebukadenesâ, mukelenge wa Babulona, muntu wanyi; nendue nʼabo bua kuluisha bena buloba ebu ne bonso badi bashikamemu, ne bua kuluisha ba mu bisamba bidi binunyunguluke. Nembutule ba mu buloba ebu, nembavuishe bu tshintu tshidi tshikemesha bantu, tshidibo babingila, bu bikulu tshiendelele.

Yirmeya 15:8

Bakashi babo ba mu lufuila badi bahita nsenga ya mu mai manene bungi; nakubishila bakashi baledi ba bansongalume mushihianganyi munda munya. Nakubatumina kanyinganyinga ne buowa lukasa.

Yoshua 13:21

ne misoko yonso ya mu mpata ne bukelenge buonso bua Sihona, mukelenge wa Bena Amole, wakadi mukokeshe mu Heshebona, ne bakelenge ba Midiyana, Ewe ne Lekema, ne Sû ne Hula ne Leba, bana ba Sihona bakadi bashikama mu buloba bakashihabo kudi Mose.

Yoshua 13:17

Heshebona ne misoko yonso idi mu mpata; Dibona ne Bamota-bâla ne Bete-bâla-meona,

Yoshua 13:9

ku Aloê udi ku muelelu wa tshibanda tshia Ânona, ne musoko udi munkatshi mua tshibanda, ne mpata mujima wa Medeba tô ne ku Dibona;