Yirmeya 44:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Bualu kai nuenu nuakunkuatshisha tshiji ku bintu binudi nuenza ne bianza bienu, hanuoshila nzambi mikuabo musenga wa manananshi mu buloba bua Ejipitu, munuakuya bua kushikama; bua nuenu kudifuisha ne bua kudivuisha tshintu tshidibo bahenda ne bahetula munkatshi mua bisamba bionso bia ha buloba.

MUKANDA WA MYIDI MUKULU

⁸ Nudi nukeba kumfikisha munda ne malu enu mabi, ne milambu inudi nulambula mvidie ya bantu ba bisamba bikuabu mu ditunga dia Ejipitu, munuvua baye kusokoma. Nudi basue bua banubutule, banuteke tshilejilu tshibi tshia kutshipa natshi bantu, tshia kufuisha natshi bantu bundu ku mesu a bisamba bionsu bia pa buloba anyi?

Yirmeya 44:8 Referans Kwoze

Yirmeya 42:18

Bualu bua Yehowa wa misumba, Nzambi wa Isalele, udi wamba ne, Bu munakukuatshila Bena Yelushalema tshifikʼa munda ne tshiji tshianyi tshikole, nunku nennukuatshile tshiji tshianyi tshikole hanuabuela mu Ejipitu. Nenuikale bu tshintu tshidibo bahenda, tshidi tshikuatshisha bantu buowa, tshidibo bela mulau ne tshidibo bahetula. Kanuena nutangila muaba eu kabidi.

Yirmeya 44:3

bualu bua malu mabi abo akenzabo bua kunkuatshishabo tshiji, hakayabo kuosha musenga wa manananshi ne kutendelelabo nzambi mikuabo yakadibo kabayi bamanye, nansha bobo nansha nuenu nansha batatu benu.

Yirmeya 18:16

Bua malu â badi bavuisha buloba buabo bu tshintu tshia kukuatshisha bakuabo buowa, tshia kuelabo tshibingu tshiendelele; muntu yonso udi uhitaku neakeme, neakuhe mutu.

2 Kulondolola 7:20

nenjule bantu aba tô ne ku miji mu buloba buanyi bunakabaha; ne nsubu eu unakajidila dina dianyi, nemmûmushe ku mesu kuanyi, nemmuvuishe bu lusumuinu ne tshihendu munkatshi mua bantu bonso.

Ebrewu 3:16

Bua banganyi, hakunvuabo dî dia Nzambi, bakafikisha munda muandi? Kabobo bonso bakaluhuka mu Ejipitu ne Mose kabakenza nunku, anyi?

Yirmeya 44:12

Nengangate bantu ba mu Yuda batshidi bashala bakutangisha mpala yabo bua kuya ku Ejipitu bua kushikamaku, buonso buabo nebabutudibue; nebashihibue mu buloba bua Ejipitu; nebashihibue ku muele wa nvita ne ku tshiole; nebafue, kudi udi mutambe kuhuekela tô ne kudi udi mutambe bunene, nebafue ku muele wa nvita ne ku tshiole; nebikale bu tshintu tshidibo bahenda ne tshidi tshikuatshisha buowa, tshidibo bela mulau ne bahetula.

Yirmeya 44:7

Nunku Yehowa, Nzambi wa misumba, Nzambi wa Isalele, udi wamba mpindiu ne, Nudi nuenzela mioyo yenu mene bualu bubi, bua meme kunûmushila balume ne bakashi, muana mukese ne muana utshidi wamua mabele, munkatshi mua Bena Yuda, tshiyi nnushila muntu umue, bua tshinyi?

Yirmeya 29:18

Nembihate ne muele wa nvita, tshiole ne tshihuhu, ne nembafile bua kuikalabo bu tshidi tshikuatshisha buowa munkatshi mua makelenge onso a ha buloba, nebikale bu tshintu tshiela mulau, tshidi tshibakemesha, tshidibo babingila ne tshidibo bahenda kudi ba munkatshi mua bisamba bionso bia bantu kunabatuma.

Yirmeya 26:6

nunku nenvuishe nsubu eu bu Shilo, ne musoko eu newikale wa mulau kudi bisamba bionso bia ha buloba.

Yirmeya 24:9

Nembafile bua kuikalabo bintu bia kukuatshisha bakuabo buowa munkatshi mua makelenge onso a ha buloba, bua kudivuishilabo tshihendu ne lusumuinu lubi, bu tshintu tshidibo baseka ne bela mulau, mu miaba yonso indualua kubihata.

Yeshaya 65:15

Nenushile bantu banyi banakusungula dina dienu bu dia mulau, ne Mukelenge Yehowa neanushihe; kadi neabikile bantu bandi ku dina dikuabo.

Yeshaya 3:8

Bualu bua Yelushalema wakulenduka, ne Yuda wakuhona; bualu bua mei abo ne bienzedi biabo bidi bihidia Yehowa, bidi bivuisha tshiji ku mesu kua udi ne butumbi.

Yeshaya 19:1

Di dia tshijila bualu bua Ejipitu. Monai, Yehowa udi wenda mubande ba ditutu didi diya lukasa, ne neafike ku Ejipitu. Mpingu ya mu Ejipitu neyizakale ku mpala kuandi, mitshima ya ba mu Ejipitu neyivingutuke munda muabo.

Yirmeya 7:9

Kia! Nenuibe, nenushihe bakuabo, nenuende masandi, nenuditshihe ne mashimi, nenuoshile Bâla musenga wa manananshi, nenulonde nzambi ya hatuhu mudi kanuyi bamanye, anyi?

Yirmeya 11:12

Mu diba adi ba mu misoko ya mu Yuda ne ba mu Yelushalema nebaye kudila kudi nzambi idibo boshila musenga wa manananshi, kadi yoyo kayena ibasungila mu dituku dia dikenga diabo.

Yirmeya 11:17

Bualu bua Yehowa wa misumba, wakukukuna, wakukuhisha bua wewe kukenga, bualu bua bubi bua Bena Isalele ne bua Bena Yuda, budibo bankuatshishe nʼabu tshiji, hakafilabo musenga wa manananshi kudi Bâla.

Osheya 4:13

Badi bashihela mpingu milambu ha mitu ha mikuna mile, badi bayoshela musenga wa manananshi ha mikuna mikese, muinshi mua mitshi ya chêne, ya peuplier ne ya térébinthe, bualu bua dileshi diai didi dimpe. Nunku bana benu ba bakashi badi balonda malu a masandi, ne bakashi ba bana benu ba balume badi benda masandi.

Abakuke 1:16

Bua malu â yeye udi ushihela kahamba kandi milambu, udi woshila bukuondo buandi musenga wa manananshi; bualu bua luseke luandi lua bintu ludi luvulangana ne bia kudia biandi bidi bikumbane bia bungi.

Dielulula 32:25

Muele wa nvita neubashihe ha bula, ne buowa nebubuele mu nsubu yabo; nebashihe bansongalume ne bansongakashi batshidi tumama, ne bana batshidi bamua mabele ne bakulumpe badi ne nvi ku mitu kuabo.

Yirmeya 32:30

Yehowa udi wamba ne, Bua Bena Isalele ne Bena Yuda bakuenza anu malu adi mabi ku mesu kuanyi ku buana buabo tô ne katataka; Bena Isalele kabena benza bunga bualu, anu buobu budi bunkuatshisha tshiji bua mudimu wa bianza biabo.

Yezekiyele 9:6

shihai bantu bakulumpe, bansongalume ne mishikankunde, bana batekete ne bakashi; kadi kanuyi ha buihi ne muntu umue udi ne tshimanyinu atshi. Bangilai ku nsubu wanyi wa tshijila. Nunku bakabanga kushiha bakulu bakadi ku mpala kua nsubu.

Yezekiyele 33:11

Ubambile ne, Mukelenge Yehowa udi wamba ne, Bu mundi meme ne muoyo, tshiena ne disanka bua lufu lua muntu mubi, kadi ndi nsanka bua muntu mubi umuke mu nshila wandi mubi bua ikale ne muoyo. Tshingulukai! Tshingulukai! Lekelai bienzedi bienu bibi! Bualu kai nudi basue kufua, nuenu Bena Isalele?