Yirmeya 44:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi kabakunvua, kabakateleja matshu bua kukudimunabo mitshima yabo ku bubi buabo, bua kulekela kuoshila nzambi mikuabo musenga wa manananshi.

MUKANDA WA MYIDI MUKULU

⁵ Kadi kanuena banteleje, kanuena bangata mibelu yabu ne mushinga, kanuena balekele kuenza malu mabi, nansha kulambula milambu kudi mvidie ya bantu ba bisamba bikuabu.

Yirmeya 44:5 Referans Kwoze

Yirmeya 19:13

Nsubu ya mu Yelushalema ne nsubu ya bakelenge ba Yuda, nsubu idibo banyanga, neyikale bu muaba wa Tofete, nsubu yonso mene kuakadibo boshila bintu bionso bia mu diulu musenga wa manananshi ha mutu hai, kuakadibo bahongoluela nzambi mikuabo milambu ya bia kunua.

Yirmeya 11:10

Bakahingana ku malu mabi akenza bankambua babo, mbakabenga kunvua mei anyi; bakulonda nzambi mikuabo bua kuyikuatshilabo mudimu. Bena Isalele ne Bena Yuda bakushiha tshihungidi tshinakuhunga ne bankambua babo.

Yirmeya 11:8

Kadi kabakatumikila dî dianyi, kabakateleja matshu kundi; kadi buonso buabo bakenda anu mu tshitshu tshia mu mitshima yabo mibi; nunku nakabavuishila mei onso a mu tshihungidi etshi anakabambila bua kuenzabo, kadi kabakenza nansha.

Yirmeya 7:24

Kadi bobo kabakunvua, kabakateleja matshu, bakalonda anu lungenyi luabo ne tshitshu tshia mu mitshima yabo mibi; bakalukila ku nyima, kabakaya ku mpala nansha.

Yeshaya 48:18

Aka! Bu wewe munvue mikenji yanyi, ditalala diebe diakadi kuikala bu musulu, ne buakane buebe buakadi kuikala bu mavuala a mai manene!

Yeshaya 48:4

Bualu bua nakamanya ne, Wewe udi muena tshitshu, nshingu webe udi bu mulungu mukole bu tshiamu, ne mpala webe udi bu tshiamu tshia mitaku;

2 Kulondolola 36:16

kadi bobo bakaseka bambi ba Nzambi; bakahetula mei andi, bakahenda baprofete bandi tô ne hakamueneka tshiji tshia Yehowa kudi bantu bandi tshidi katshiyi tshishika.

Yirmeya 13:10

Bantu aba babi badi bahidia kunvua mei anyi, badi benda mu tshitshu tshia mu mitshima yabo, bakalonda nzambi mikuabo bua kuyikuatshilabo mudimu ne bua kuyitendelelabo, nebikale bu mukaba eu udi kauyi ne mudimu kabidi.

Yirmeya 43:4

Nunku Yohanana, muana wa Kalea, ne tupitene tuonso tua bena nvita ne bantu bonso kabakatumikila dî dia Yehowa ne, Bashikame mu buloba bua Yuda.

Danyele 9:6

Katuakunvuila bantu bebe, baprofete, bakuamba mei mu dina diebe kudi bakelenge betu, bakokeshi betu, batatu etu ne kudi bantu bonso ba mu buloba buetu.

Nehemya 9:30

Kadi wewe wakabafuila luse bidimu bia bungi, wakabadimusha kudi Nyuma webe mukana mua baprofete bebe; kadi bobo kabakateleja matshu abo; nunku wewe wakabafila mu bianza bia bena maloba makuabo.

Yirmeya 11:13

Bualu bua bu mudi bungi bua misoko yenu, nuenu Bena Yuda, mbu mudi bungi bua nzambi yenu; bu mudi bungi bua misesu ya mu Yelushalema, mbu mudi bioshelu binuakuashila tshintu etshi tshia bundu, bioshelu mene bia kuoshilahu Bâla musenga wa manananshi.

Yirmeya 11:17

Bualu bua Yehowa wa misumba, wakukukuna, wakukuhisha bua wewe kukenga, bualu bua bubi bua Bena Isalele ne bua Bena Yuda, budibo bankuatshishe nʼabu tshiji, hakafilabo musenga wa manananshi kudi Bâla.

Osheya 11:2

Kadi hanakananukila kubabikila, bobo bakatamba kumuka kundi. Bakashihela Ba-Bâla milambu ya nyama, bakoshila mpingu musenga wa manananshi.