Yirmeya 44:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi nakanutumina bena mudimu banyi bonso baprofete, njuka hanyi ne lunkelu bua kubatuma, ngamba hanyi ne, Kanuenji bualu ebu budi bunfuisha bundu, bundi nkina.

MUKANDA WA MYIDI MUKULU

⁴ Meme kunutumina bambi misangu ne misangu, bena mudimu banyi, bua nulekele kuenza malu mabi andi mubenge.

Yirmeya 44:4 Referans Kwoze

Yirmeya 26:5

ne bua kunvua bienu mei a bantu banyi baprofete bandi nnutumina, njuka hanyi dinda dinda bua kubatuma kunudi, kadi kanuakubunvuila;

Yirmeya 7:25

Ku dituku diakaluhuka bankambua benu mu buloba bua Ejipitu tô ne ku dituku edi nakabatumina bantu banyi bonso, baprofete mene, mbika bianyi ha lunkelu buatshia-buatshia bua kubatuma kudibo;

Yirmeya 7:13

Yehowa udi wamba kabidi ne, Katataka, bualu bua nuenu nuakuenza bienzedi ebi bionso, ne meme nakakula nʼenu, mbika lunkelu bua kuakula nʼenu, kadi nuenu kanuakunvua; nakanubikila kabidi, kadi kanuakuitaba kundi;

Zekâya 7:7

Kanuakunvua mei akamba Yehowa mukana mua baprofete ba diambedi, hakadi Yelushalema ne bantu ne diakalengele, ne hakadi misoko numunyunguluke, ne hakadi bantu bashikame mu buloba ku Sude ne mu tshibanda, anyi?

Yezekiyele 16:47

Kadi wewe wakuenda mu nshila yabo ne wakuenza malu abo a bundu; kadi kuakuenza malu au nkayau, malu abo akadi bu makese habalabo malu ebe, wewe wakubatamba kunyanguka mu bienzedi biebe bionso.

Yezekiyele 8:10

Nunku nakabuelamu, nakatangila, ekumona! Bifuanyikishi bionso bia bintu bidi bidikoka hanshi, bia nyama mibiha, ne bia mpingu yonso ya Bena Isalele, biakadi bifunda ku nseke yonso ya bimanu bia nsubu.

Yirmeya 29:19

Bualu bua Yehowa udi wamba ne, Kabakutumikila mei anyi anakabatumina kudi bantu banyi baprofete, njuka bianyi ne lunkelu bua kubatuma; kadi kabakasua kunvua.

Yirmeya 16:18

Nendianjile kubafuta dikenga dia musangu muibidi bua malu mabi abo ne bua mibi yabo, bualu bua bakunyanga buloba buanyi ne bitalu bia bintu biabo bibi, ne bakûsha buhianyi buanyi tente ne malu abo a bundu.

2 Kulondolola 36:15

Yehowa, Nzambi wa bankambua babo, wakananukila kubatumina bambi bandi; bualu bua wakadi ne bantu bandi ne muaba wandi luse;

1 Petro 4:3

Bualu bua matuku mahite akakumbana bua nuenu nulonde disua dia bisamba bia bende, ne bua nuenu nuende mu tshienzenza tshia masandi, mu nkuka, mu kukuatshika kua malulu, mu manaya a bundu, mu tshingu tshia banu ba malulu, ne mu kutendelela kua mpingu mibi.

Yezekiyele 16:36

Mukelenge Yehowa udi wamba nunku ne, Bualu bua wakadifuishisha bundu, ne butaka buebe buakamueneka hawakenda masandi ne balunda bebe, ne bua mpingu yonso ya tshikama tshiebe kabidi, ne bua mashi a bana bebe bawakafila kudiyi,

Yirmeya 35:17

nunku Yehowa, Nzambi wa misumba, Nzambi wa Isalele, udi wamba ne, Monai, nentumine Bena Yuda ne bantu bonso ba mu Yelushalema makenga onso anakubambila; bualu bua nakubambila dî, ne kabena bunvua, nakubabikila, ne kabena bitabe.

Yirmeya 32:33

Bakunkoma nyima, kabena bandesha mpala yabo; nansha hanakubayisha, mbika ne lunkelu mene bua kubayisha, kabakuteleja matshu bua kunvua diyisha dianyi,

Yirmeya 32:34

kadi bakateka bintu biabo bidi bimunyanga mu nsubu udibo binyika dina dianyi, bua kumunyangabo.

Yirmeya 32:35

Bakasa bibumba bia Bâla bidi mu tshibanda tshia muana wa Hinoma, bua kufilahu bana babo ba balume ne bana babo ba bakashi bu milambu ya kuoshila Moleke; muanda undi tshiyi mubambile bua kuenzabo, udi kauyi mubuele mu mutshima wanyi, bua bobo benze tshinyangu etshi, bua kuenzesha ba mu Yuda malu mabi.

Yirmeya 35:15

Nakunutumina kabidi bena mudimu banyi honso, baprofete mene, mbika ne lunkelu bua kubatuma kunudi bua kunuambila ne, Muntu yonso alekele kuenda mu nshila wandi mubi, alongolole bienzedi biandi, kalondi nzambi mikuabo bua kuyikuatshila mudimu, bua nushikame mu buloba bunakanuha nuenu ne batatu benu. Kadi kanuakuteleja matshu enu kundi, kanuakungunvuila.

Danyele 9:6

Katuakunvuila bantu bebe, baprofete, bakuamba mei mu dina diebe kudi bakelenge betu, bakokeshi betu, batatu etu ne kudi bantu bonso ba mu buloba buetu.

Nehemya 9:30

Kadi wewe wakabafuila luse bidimu bia bungi, wakabadimusha kudi Nyuma webe mukana mua baprofete bebe; kadi bobo kabakateleja matshu abo; nunku wewe wakabafila mu bianza bia bena maloba makuabo.

Nehemya 9:34

bualu hua bakelenge betu ne bantu betu banene ne bakuidi betu ne batatu betu kabakatumikila mikenji yebe, kabakunvua mei ebe ne himanyishilu biebe biwakabadimusha nʼabi.

Yirmeya 7:17

Kuena utangila malu adibo benza mu misoko ya mu Yuda ne mu misesu ya Yelushalema, anyi?

Yirmeya 7:18

Bana badi bangula nkunyi, batatu babo badi batemesha kahia, bamamu babo badi benza mampa, badi balambila mukelenge mukashi wa mu diulu mikata, badi bahongoluela nzambi mikuabo milambu ya bia kunua bua kunkuatshisha tshiji.

Yezekiyele 18:31

Nudiumushile malu mabi enu onso anuakungenzela, nudiangatshile mutshima muhia-muhia ne nyuma muhia-muhia. Bualu kai nudi basue kufua, nuenu ba mu tshisamba tshia Bena Isalele?