Yirmeya 4:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Nakatangila buloba, ne mona, buakadi bubondakana ne butuhu; nakamona diulu, ne munya kawakadimu.

MUKANDA WA MYIDI MUKULU

²³ Ndi ntangila mmona ne: buloba budi amu munda mutupu bu tshipela. Mu tshibuashibuashi kamuena mitotu kabidi to. Diulu kadiena dikenka to.

Yirmeya 4:23 Referans Kwoze

Matayi 24:29

Hashika dikenga dia matuku au, diba nedifikuluke, ngondo kena ukenka, mitoto neituke mûlu, neihone, nebanyukule bukole buakadi buendesha bintu ebi mu diulu;

Yeshaya 13:10

Bualu bua mitoto ya mu diulu ne bisumbu bia mitoto bidimu kabiena bitema, diba nedifikuluke habandadi, ne ngondo kena ukenka ha buloba.

Genese 1:2

Buloba kabuakadi busunguluka, buakadi butuhu, midima yakadihu, Nyuma wa Nzambi wakadi unyunguluka ha mutu ha mai.

Amosa 8:9

Mukelenge Yehowa udi wamba ne, Hamueneka malu â dituku adi, nengenzeshe diba bua kubueladi munda munya, nenfikishe buloba hatshidi diba mulu.

Yowele 2:10

Buloba budi buzakala ku mpala kuai; diulu didi dikanka; ngondo ne diba bidi bilua mîdima, ne mitoto idi ikanda dinkenke diai.

Yeshaya 5:30

Mu dituku adi nebele bantu aba tshibingu tshidi bu tshiona tshia mai manene; ne biamona muntu buloba, ke, mîdima ne kanyinganyinga bidiku; ne munya udi ulua midima ku matutu mafike.

Matayi 24:35

Diulu ne buloba nebijimine, kadi mei anyi kêna ajimina.

Didimanyisha 20:11

Nakatangila nkuasa wa butumbi mimene mutoke, ne wakadi ushikamahu, wakanyemabo kudi buloba ne diulu ku mpala kuandi, ne kabakabisangena muaba kabidi.

Yirmeya 9:10

Nengashile mikuna muadi, nempatule binsonshi, nengashile miaba ya mu tshihela idi ne mashinde muadi mukole, bualu bua bakayosha, nunku kakuena muntu wahitshilaku; bantu kabena mua kunvua miadi ya ngombe kabidi; nyunyu ya mulu ne nyama ya mu tshisuku yakanyema, yakaya.

Yirmeya 2:12

Yehowa udi wamba ne, Diulu, ukeme biebe bikole bua bualu ebu; wikale ne buowa buhite bukole, utambe kuzakala.

Muadi 3:2

Yeye wakundombela ne wakungendesha mu mîdima, kakungendesha mu munya.

Zekâya 14:6

Mu dituku adi munya kawena utema bikole, ne mufitu kawena wikalaku;