Yirmeya 34:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Baminyampala bonso ne bantu bonso bakatumikila mukenji eu, bakadi bahunga tshihungidi etshi tshia kulekela bahika babo, ne balume ne bakashi, baye hatuhu, bua kababakuatshi mu buhika kabidi; bakatumikila mukenji eu diambedi, bakabalekela ne, Baye.

MUKANDA WA MYIDI MUKULU

¹⁰ Balombodi bonsu ba bantu ne bena Yerushalayime bavua bitaba diumvuangana adi. Nanku bavua banyisha bua kabenzeji kabidi bantu balume nansha bakaji bavua bapika babu mudimu wa bapika to. Bavua ne bua kubapikula. Muntu yonsu uvua muitabe diumvuangana adi. Uvua mupikule bapika bende.

Yirmeya 34:10 Referans Kwoze

Yirmeya 26:16

Hashishe baminyampala ne bantu bonso bakambila bakuidi ne baprofete ne, Muntu eu kena ne bualu bua kufua, bualu bua yeye wakutuambila dî mu dina dia Yehowa, Nzambi wetu.

Yirmeya 26:10

Hakunvua baminyampala ba mu Yuda lumu lua malu â, bakafuma mu nsubu wa mukelenge, bakabanda ku nsubu wa Yehowa; bakashikama ku mbelu kua tshibi tshihia-tshihia tshia mu nsubu wa Yehowa.

Marke 6:20

bualu bua Helode wakadi Utshina Yone, wakamanya ne, Yeye udi muntu muakane ne wa tshijila, wakamulama bimpe. Hakunvua Helode mei a Yone, wakalubakana, wakunvua mei andi ne disanka.

Yirmeya 38:4

Hashishe baminyampala bakambila mukelenge ne, Tudi tukusengelela bua bashihe muntu eu, bualu bua udi utekesha maboko a bena nvita badi bashala mu musoko eu, ne maboko a bantu bakuabo bonso, habambileye mei a nunku; bualu bua muntu eu kena ukebela bantu diakalengele, kadi udi ubakebela dikenga.

Yirmeya 36:12

yeye wakahueka ku nsubu wa mukelenge, ubuela mu nsubu wa secrétaire. Monai, baminyampala bonso bakadi bashikamamu, menʼabo ne, Elishama secrétaire, ne Delaya, muana wa Shemaya, Elenatana, muana wa Akabo, Gemaleya, muana wa Shafana, Sedekiya, muana wa Hananya, ne baminyampala bakuabo bonso.

Yeshaya 29:13

Mukelenge wakamba ne, Bualu bua bantu aba badi basemena hehi nʼanyi ne badi bantumbisha ne mukana muabo ne mishiku yabo, kadi bakumusha mitshima yabo kundi ne idi kule, ne badi bantshina anu bualu bua mukenji wa bantu wakuyilabo mu mitu yabo;

Yirmeya 34:11

Kadi ku nyima bakakudimuna muanda eu, bakahingasha bahika aba bakadibo bahikula, ne balume ne bakashi, bakababuesha mu buhika tshiakabidi.

Yirmeya 34:19

baminyampala ba Bena Yuda ne ba Yelushalema mene, bantu babo batungula, bakuidi ne bantu bonso ba mu buloba ebu bakahitshila munkatshi mua nseke ibidi ya muana wa ngombe.

Ekesode 21:2

Biwasumba muhika, Muena Ebelu, yeye neakukuatshile mudimu bidimu bisambombo, ne tshidimu tshia muanda mutekete yeye neahete budishikaminyi hatuhu.

Lewitiki 25:10

Wewe neujidile tshidimu tshia makumi atanu, newele di bua bantu bonso bahete budishikaminyi, etshi ntshidimu tshia disanka dinene kunudi, neuhingishe buloba buonso kudi bena buloba, ne muntu yonso neahingane kudi bana babo.