Yirmeya 3:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Nuenu, bana banyi bandekedi, hinganai kundi, nennuondahe ku buhidia buenu. Mona, tuakulua kûdi; bualu bua wewe udi Yehowa Nzambi wetu.

MUKANDA WA MYIDI MUKULU

²² Nuenu bana bavua bambenge, pinganayi kundi. Nennufuile luse bua buenzavi buenu! Ke tuetu aba, tudi tupingana kuudi, bualu wewe, Maweja-Nangila, ke Mvidi Mukulu wetu.

Yirmeya 3:22 Referans Kwoze

Osheya 14:1

Nuenu, Bena Isalele, hinganai kudi Yehowa Nzambi wenu, bualu bua nuakudishinda hanshi bua mibi yenu.

Osheya 14:4

Meme nengondahe, nenshikishe kutomboka kuabo; nembanange ne mutshima wanyi wonso; bualu bua tshiji tshianyi tshinakadi nʼatshi kudibo tshiakûmuka.

Zekâya 13:9

Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Osheya 13:4

Kadi meme ndi Yehowa Nzambi wenu, kutuadisha ku buloba bua Ejipitu tô ne lelu, ne kanuena bamanye Nzambi mukuabo, anu meme; kakuena musungidi mukuabo, anu meme.

Osheya 3:5

Hashishe, Bena Isalele nebahingane ne nebakebe Yehowa Nzambi wabo ne Davidi mukelenge wabo; nebalue kudi Yehowa ne ditshina, ne ku buimpe buandi mu matuku adi alua.

Yirmeya 30:17

Yehowa udi wamba ne, Nenkusangashe, nengumishe mputa yebe, bualu bua badi bakubikila ne, Muntu udibo bihata, Siona, udi muntu kayi nʼandi bualu.

Yirmeya 31:18

Bulelela, nakunvua Efelayima udila nunku ne, Wewe wakunkengesha, ne nakuitabusha bua bankengeshe, bu muana wa ngombe udi kayi mumanye mutshi wa tshikokedi bimpe; umpingashe, ne nempingane kûdi; bualu bua wewe udi Yehowa Nzambi wanyi.

Musambu wa Solomo 1:4

Unkoke; netukulonde lukasa. Mukelenge wakulua nʼanyi mu nsubu muandi. Netusanke bua bualu buebe; kutumbisha kuetu kua dinanga diebe kudi kutamba kutumbisha kuetu kua nvinyo; badi bakunanga bulelela.

Osheya 14:8

Bena Efelayima, mpingu yenu idi ne mushinga kai kundi kabidi? Mmeme ndi nnunvuila ne adi nnulama. Ndi bu mutshi wa cyprès udi ne muoyo, nudi nuheta mamuma enu kundi.

Yirmeya 33:6

Monai, nempe ba mu musoko eu kusangala ne bukole bia mubidi, nenshikishe disama diabo; nembaleshe ditalala ne bushuwa bikumbana.

Yeshaya 27:8

Hawabihata, hawabatuma kukuabo, udi ufuilangana nʼabo; wakabumusha ne luhehele luandi lukole mu dituku diakafuma tshihehele ku luseke lua esete.

Yeshaya 1:2

Diulu, unvua biebe, ne wewe buloba, teleja matshu ebe, bualu bua Yehowa wakuamba dî ne, Nakudisha, nakukolesha bana, ne bakuntombokela.

Yeshaya 57:17

Bua bubi bua lukuka luandi nakadi nʼandi tshiji, nakamukuma, nakasokoka mpala wanyi ne nakadi ne tshiji; kadi yeye wakananukila kuhingana ku nyima mu nshila wakadi mutshima wandi musue kuendela.

Yirmeya 3:12

Ya, wele mbila ei ku luseke lua node, wamba ne, Yehowa udi wamba ne, Wewe Isalele, mundekedi, hingana kundi, Yehowa udi wamba ne, Tshiena nkutangila ne tshiji; bualu bua ndi ne luse; tshiena ngikala ne tshiji tshiendelele.

Yirmeya 4:1

Yehowa udi wamba ne, Biwahingana kundi, wewe Isalele, biwahingana kundi, ne biûmusha malu a tshinyangu tshiebe ku mesu kuanyi, nunku wewe kuena umushibua.

Yezekiyele 33:11

Ubambile ne, Mukelenge Yehowa udi wamba ne, Bu mundi meme ne muoyo, tshiena ne disanka bua lufu lua muntu mubi, kadi ndi nsanka bua muntu mubi umuke mu nshila wandi mubi bua ikale ne muoyo. Tshingulukai! Tshingulukai! Lekelai bienzedi bienu bibi! Bualu kai nudi basue kufua, nuenu Bena Isalele?

Yeshaya 31:6

Hinganai bienu, nuenu bana ba Isalele, kudi yeye unuakutamba kutombokela.

Yezekiyele 18:30

Nunku, Mukelenge Yehowa udi wamba ne, Nuenu Bena Isalele, nennulumbuluishe, muntu yonso bu mudi bienzedi biandi. Alukilai, kudimunai mitshima yenu bua kulekela malu mabi enu, bua bubi buenu kabuikadi bu tshilenduishi kunudi.

Osheya 14:5

Nengikale bu mume kudi Bena Isalele, bobo nebele bilongo bu tshilongo tshilengele, nebele miji bu mitshi ya mu Lebanona;

Yowele 2:12

Yehowa udi wamba ne, Mpindiu mene, nuhingane kundi ne mitshima yenu yonso, jilai bia kudia, dilai, asai miadi.