Yirmeya 3:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Dî didi diunvuibua ku mutu kua mukuna udi kauyi ne tshintu tshidiundahu, didi muadi ne kutendekena bia bana ba Bena Isalele: bualu bua bakakonyangasha nshila wabo, bakahua Yehowa Nzambi wabo muoyo.

MUKANDA WA MYIDI MUKULU

²¹ Meyi adi umvuika pa mikuna. Bena Izrayele ke badi badila, batendakana. Bualu bavua bambenge, bapambuke mu njila. Bavua bampue muoyi, meme Maweja-Nangila Mvidi Mukulu wabu.

Yirmeya 3:21 Referans Kwoze

2 Korente 7:10

Bualu bua kanyinganyinga kadi Nzambi musue kadi kenzesha dikudimuna dia mutshima tô ne ku luhandu ludi kalui luvuisha dibungama; kadi kanyinganyinga ka ha buloba ebu kadi kavuisha lufu.

Yirmeya 31:9

Nebalue badila muadi; nembalombole ne disengelela; nembendeshe ha buihi ne misulu ya mai, mu nshila mululame mudibo kabayi mua kulenduka; bualu bua ndi tatu wa Bena Isalele, ne Efelayima udi muanʼa bute wanyi.

Yirmeya 3:2

Banduluka, umone miaba idi ha mutu ha mukuna idi kayiyi ne mitshi. Ha muaba kai hadibo kabayi banze kulala nʼebe? Wewe wakushikama kukala kua nshila ubalamina bu mudi Muena Alaba wenza mu tshihela; wakunyanga buloba ne masandi ebe ne malu mabi ebe.

Yirmeya 2:32

Mushikankunde utshidi kamama udi mua kuhua bilenga biau muoyo, anyi mukashi uyaya ku dibaka udi mua kuhua bilulu biandi bia dibaka muoyo, anyi? Kadi bantu banyi bakumpua muoyo matuku adi kâyi mua kubadibua.

Yeshaya 17:10

Bualu bua wewe wakuhua Nzambi wa luhandu luebe muoyo ne kuakuvuluka Dibue dia tshinyemenu tshiebe, nunku ukadi ukuna mitshi mimpe, ukadi utentula ntonga ya mioshi ya nzambi wa bende.

Yeshaya 15:2

Muana mukashi wa Dibona wakubanda ku bitendelelu bia mu mukuna bua kudilaku; ba mu Moaba badi badila ha mukuna wa Nebo, ne ha mukuna wa Medeba. Ha mitu yabo yonso hadi mabala, muedi wonso udi mubeyibue.

Mika 3:9

Ndi nnusengelela bua nunvue bienu muanda eu, nuenu badi ha mutu ha tshiota tshia Yakoba, ne bakokeshi ba tshisamba tshia Bena Isalele, badi bakina kulumbulula kuakane, badi banyanga malu makane.

Osheya 13:6

Hakadibo mu buloba bua mashinde, bakukuta; bakukuta, ne mitshima yabo yakadibandisha; nunku bakumpua meme muoyo.

Osheya 8:14

Bua Bena Isalele bakuhua Mufuki wabo muoyo, bakuasa nsubu minene ya bakelenge; Bena Yuda bakuvudisha misoko ya nvita idi ne ngumbu ya mabue; kadi nentume kahia mu misoko yabo, nekoshe nsubu yabo ya bakelenge.

Yezekiyele 23:35

Bua malu â Mukelenge Yehowa udi wamba ne, Bualu bua wakumpua muoyo, wakungela nyima, nunku wewe neudituadile makenga adi alonda malu ebe a tshikama ne a masandi.

Yezekiyele 7:16

Biahanduka bakuabo ba munkatshi mua bantu batshidi bashala ne muoyo, nebikale ha mitu ha mikuna bu nyunyu ya nkutshi ya mu bibanda idila, buonso buabo badila bua bubi buabo.

Nsumuinu 19:3

Buhote bua muntu budi bunyanga nshila wandi; mutshima wandi udi ukuatshila Yehowa tshiji.

Nsumuinu 10:9

Udi wenda ne mutshima mutoke kena ne ditshina, kadi udi ukonyangasha nshila yandi neamanyibue.

Yobe 33:27

Udi wimba ku mpala kua bantu, wamba ne, Nakuenza bibi, nakukonyangasha malu akadi malulame diambedi, Nzambi kakanfutshisha dikenga diakanangane ne bubi buanyi.

Dibadika 22:32

Muanjelo wa Yehowa wakamuambila ne, Wakakuma mpunda webe misangu isatu bualu kai? Tangila, meme nakulua bu muhumbishi webe, bualu bua nshila webe kena muakane ku mesu kuanyi,

Yeshaya 57:11

Wakutshina nganyi ne nganyi wakunkuatshisha buowa, bua wewe udi ushima, ne kuakunvuluka, kuakuteka bualu buanyi mu mutshima webe? Tshiena muhuwe talalâ, tô ne musangu mule mene, ne bua muanda eu kuena untshina, anyi?

Yirmeya 7:29

Beyai nsuki yenu ne nuyimashe, nuase muadi ha mutu ha mikuna idi hatuhu; bualu bua Yehowa wakahidia ne wakalekela ba mu tshikondo etshi bakabisha tshiji tshiandi.

Yirmeya 12:12

Bahaudi bakulua ha mutu ha mikuna yonso ya mu tshihela idi hatuhu, bualu bua muele wa Yehowa udi ushiha bantu ku ditengu dia buloba to ne kunfudilu kuabu; kakuena muntu udi ne ditalala.

Yirmeya 13:25

Yehowa udi wamba ne, Elu nduseke luebe lua buhianyi, ne tshituha tshinakukuidikishila, bualu bua wakumpua meme muoyo, wakueyemena mashimi.

Yirmeya 18:15

Bualu bua bantu banyi bakumpua muoyo, bakuoshila nzambi ya hatuhu musenga wa manananshi; bakulenduka hakuyilabo mu nshila yabo, mu nshila yabo ya kale, bua kuendabo mu tushila tukuabo, mu tushila didi katuyi tulongolola bimpe.