Yirmeya 20:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Wewe Yehowa wa misumba, udi uteta buakane bua bantu, udi umona mutshima ne meji, witabushe bua meme ntangile kusombuela kuebe kubakuata, bualu bua nakukusokoluela tshilumbu tshianyi.

MUKANDA WA MYIDI MUKULU

¹² Wewe Maweja-Nangila wa bukole buonsu, udi mumanye muntu udi ukulamata. Udi ujingulula meji adi muntu nawu munda. Mvua muteke tshilumbu tshianyi mu bianza biebe. Nanku ndi musue kumona muudi unyoka bena lukuna banyi.

Yirmeya 20:12 Referans Kwoze

Yirmeya 11:20

Kadi Yehowa wa misumba udi ne kulumbulula kuakane, udi uteta mutshima ne meji bia muntu, nentangile busombuedi buebe hamʼbidi habo, bualu bua nakuteka bualu buanyi mu bianza biebe.

Misambu 62:8

Nuenu bantu, numueyemene misangu yonso, nuhumune milombu ya mu mitshima yenu ku mpala kuandi; Nzambi udi tshinyemenu tshietu.

Misambu 54:7

Bualu bua wakumpandisha mu makenga anyi onso, ne mesu anyi akumona ne disanka mudi bena lukuna banyi batambibue bukole.

Yirmeya 17:10

Meme Yehowa, ndi ntangila meji a muntu, ndi nteta malu adi mu mutshima bua kufuta muntu yonso bu mudi bienzedi biandi, ne bu mamuma a bienzedi biandi.

Misambu 59:10

Nzambi wanyi nealue kungakidila bua luse luandi lujalame. Nzambi neitabushe bua meme ntangile badi nʼanyi lukuna batambibue bukole.

Misambu 139:23

Nzambi, utangile munda muanyi, umanye mutshima wanyi. Untete, Umanye meji anyi.

Misambu 7:9

Bubi bua bantu babi bushike, kadi ujadike bantu bakane; bualu bua Nzambi muakane udi uteta meji abo ne mitshima yabo.

Yirmeya 17:18

Bantu badi bankengesha bafuishibue bundu kadi kuitabushi bua meme kufuishibua bundu; bobo batshinyishibue, kadi kuitabushi bua meme kutshinyishibua; ubavuishile dituku dia dikenga, ne ubabutule ne kubutuka kua misangu ibidi.

Yeshaya 37:14

Hezikiya wakangata mukanda mu bianza bia ba-messager, wakaubala. Hashishe, Hezikiya wakabuela mu nsubu wa Yehowa, wakauvungulula ku mpala kua Yehowa.

Misambu 17:3

Wewe wakuteta mutshima wanyi; wewe wakulua kundi mu butuku; wewe wakunteta, kukumangana ne meji mabi. Mukana muanyi kabidi kamuena muamba malu mabi.

Misambu 11:5

Yehowa udi uteta muntu muakane; kadi mutshima wandi udi ne muntu mubi ne muntu udi musue malu a tshimbambila lukuna.

Didimanyisha 18:20

Nusanke bua bualu buau, wewe diulu, ne nuenu basanto, ne nuenu bapostolo, ne nuenu baprofete; bualu bua Nzambi wakamulumbuluisha ne dilumbuluisha dienu.

Didimanyisha 6:10

ne bakadila ne dî dikole, bamba ne, O Mukelenge wa tshijila ne mulelela, udi windisha musangu bule munyi bua kulumbuluisha ne bua kutusombuela bua mashi etu kudi badi bikala ha buloba?

Didimanyisha 2:23

Nenfuishe bana bandi ne lufu, ne ekelesia yonso neimanye ne meme nyeye udi uteta meshi ne mitshima; ne nempe kudi muntu ne muntu wa munkatshi muenu difutu bu mudi midimu yandi.

1 Petro 4:19

Nunku bantu badi bakenga bu mu disua dia Nzambi bafile mioyo yabo mu kuenza kua malu mimpe kudi Mufuki udi wa kueyemenyibua.

1 Petro 2:23

hakamuhendabo, yeye kakabahenda kabidi; hakakengeye, yeye kakabakanyina, kadi wakadifila mu bianza bia udi ulumbulula biakane.

Yirmeya 12:8

Yuda, buhianyi buanyi, wakulua kundi bu nyama wa ntambue wa mu ditu; yeye wakungela dî bua kumpidia, nunku ndi nʼandi lukuna.

Yeshaya 38:14

Nakadila bu mudi nyunyu wa kandindi anyi nyunyu wa mudinga udila, nakadila bu nyunyu wa nkutshi. Mesu anyi adi ahanga ne kutangila kuau mulu; Mukelenge, badi bankengesha; wikale tshieya tshianyi!

Misambu 86:4

Usankishe muoyo wa muntu webe, Mukelenge, bualu bua ndi ngambula mutshima wanyi kûdi.

2 Kulondolola 24:22

Nunku mukelenge Yoasha kakavuluka luse luakamulesha Yehoyada tatu wandi; kadi wakashiha muanʼandi. Hakafueye, yeye wakamba ne, Yehowa atangile bualu ebu, anufute.

1 Samuele 1:15

Hana wakamukudimuna ne, Nansha, mukelenge wanyi, ndi mukashi udi ne mutshima munyingalala; tshiakanua nvinyo anyi maluvu makole; kadi nakuambila Yehowa malu onso adi mu mutshima wanyi.

Misambu 58:10

Muntu muakane neasanke hamoneye kudisombuela kuandi, neuvuwe makasa andi mu mashi a bantu babi.