Yirmeya 2:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Mukelenge Yehowa wa misumba udi wamba ne, Bubi buebe buine nebukusamine, kundekela kuebe bua kuhingana ku malu a tshianana nekukubele. Nunku neumanye, neumone kabidi, bu mudi muanda eu wa kulekela Yehowa Nzambi webe mmuanda mubi ne wa bululu, ne mudi ditshina dianyi kadiyi munda muebe.

MUKANDA WA MYIDI MUKULU

¹⁹ Nuenu bena Izrayele, badi banunyoka bua bubi buenu. Badi banukengesha bualu nudi bantomboji! Nenku, mimanye ne: kulekela Maweja-Nangila Mvidi Mukulu wenu, kubenga kumutshina, mbualu butambe bubi. Meme Maweja-Nangila Mvidi Mukulu wa bukole buonsu, ndi njadika nanku. eku ne eku

Yirmeya 2:19 Referans Kwoze

Yeshaya 3:9

Kansungusungu kabo ka mu bilumbu kadi kabahisha; badi balesha bakuabo bubi buabo, kabena babusokoka, bu muakenza Bena Sodoma. Mulau wikale kudibo! Bualu bua badi badivuishila malu mabi!

Yirmeya 4:18

Nshila webe ne bienzedi biebe biakukuhetesha malu â; au mmamuma a bubi buebe; adi a bululu, adi afika tô ne ku mutshima webe.

Yirmeya 2:17

Kadi wewe muine kuena mudikebele bualu ebu hawakulekela Yehowa Nzambi webe, mu tshikondo tshiakakulomboleye mu nshila, anyi?

Misambu 36:1

Ditomboka diandi didi diambila muntu mubi dî munda mua mutshima wandi; kakuena ditshina dia Nzambi ku mesu kuandi.

Osheya 5:5

Dihetu dia Bena Isalele didi dibahisha ku mesu kuabo, Bena Efelayima nebalenduke mu bubi buabo; Bena Yuda nebalenduke nʼabo.

Amosa 8:10

Nenkudimune bikondo bienu bia kudia bia disanka bua kulabi bu bia madilu, ne misambu yenu yonso bua kuluayi miadi; nenvuadike bantu bonso bilulu bikayabala mu bifuka biabo, nentule dibala ha mutu wonso; nenvuishe tshikondo atshi bu tshia madilu adibo bashila muana umuehele muledibue, ne kunshikidilu kuatshi nekuikale bu dituku dia kanyinganyinga kakole.

Osheya 11:7

Bantu banyi badi basue anu kuntombokela; nansha biababikilabo kudi Wa mu Diulu, kakuena umue wabo wamutumbisha.

Yirmeya 5:6

Nunku nyama wa ntambue wa mu ditu neabashihe, tshimungu tshia mu tshihela netshibabutule, nkashama neabalamine mu misoko yabo; muntu yonso wahatukamu neahandibue bihesa bihesa; bualu bua mibi yabo idi ya bungi, ne kundekela kuabo kuakutamba.

Rome 3:18

Ditshina dia Nzambi kadiena ku mesu kuabo.

Zekâya 7:11

Kadi bobo bakabenga kungunvuila, bakasaka makaya, bakajibika matshu abo bua bobo kabunvu.

Osheya 14:1

Nuenu, Bena Isalele, hinganai kudi Yehowa Nzambi wenu, bualu bua nuakudishinda hanshi bua mibi yenu.

Yirmeya 8:5

Kadi Bena Yelushalema badi balukila ku nyima tshiendelele bualu kai? Badi bakuata malu a mashimi bikole; badi babenga kuhingana.

Osheya 4:16

Bena Isalele bakulua bena tshitshu bu lukungulu lua ngombe ludi ne tshitshu; Yehowa neamanye mua kubadisha bu mudiye udisha muana wa mukoko mu mpata mimene, anyi?

Yirmeya 5:22

Yehowa udi ukonka ne, Kanuena nuntshina, anyi? Kanuena nuzakala ku mpala kuanyi, meme nguakuteka nsenga bu mukalu wa mai manene, bu nkila wa tshiendelele udi mai manene kâyi mua kuhitaku, anyi? Bialua mavuala bua kuditutaku, kaena mua kumubumbula; bialuau ne tshiona tshikole, kaena mua kumusambuka.

Yirmeya 3:22

Nuenu, bana banyi bandekedi, hinganai kundi, nennuondahe ku buhidia buenu. Mona, tuakulua kûdi; bualu bua wewe udi Yehowa Nzambi wetu.

Yeshaya 50:1

Yehowa udi ukonka ne, Mukanda wa kushiha kua dibaka unakuha mamu webe hanakumûmusha udi hanyi? Nakukuhana kudi musombeshanganyi kai? Mona, bakukuhana bua malu mabi ebe, ne bua mantombokela ebe bakûmusha mamu webe.

Yeshaya 5:5

Mpindiu nennuambile malu andi ngamba kuenzela budimi buanyi: nentule luhangu luabu lua mingonge ya meba, nebabunyange; nenshimbule lumbu luabu lua mabue, ne nebanudiate muinshi mua makasa.

Nsumuinu 5:22

Malu a tshishiku a muntu mubi adi umukuata mu buteyi, udi musuikibue ne mionshi ya bubi buandi.

Nsumuinu 1:31

Bua malu â nebadie mamuma adi bienzedi biabo bikuama, nebukute ne malu adibo bahangidisha.

Nsumuinu 1:32

Bualu hua dihingana tshianyima dia batshimbakanyi nedibashihe, ne kalengu ka bahote nekababutule.

Yirmeya 5:24

Kabena bamba mu mitshima yabo ne, Tutshine Yehowa Nzambi wetu, udi untokeshila nvula, ne nvula ya diambedi ne nvula mishishe, mu bikondo biai; udi utulamina mbingu yakutusunguileye bua tuetu kuhuola bintu bia kudia.

Yezekiyele 39:24

Bu muakadi bukoya buabo ne bu muakadi kuntombokela kuabo mbu munakabenzela; nunku nakabasokoka mpala wanyi.

Osheya 7:2

Kabena belangana meji mu mitshima yabo ne, Yehowa udi uvuluka bubi buetu buonso, bienzedi bietu bibi bidi bitunyunguluka, bidi ku mpala kuandi.

Osheya 13:9

Bena Isalele, eku akubutuka kuenu, kuena ku luseke luanyi, meme mukuatshishi wenu.

Mika 1:5

Bua kutomboka kua Bena Yakoba malu â onso adi alua, ne bua mibi ya tshisamba tshia Bena Isalele. Kutomboka kua Bena Yakoba ntshinyi? KanSamalea, anyi? Bubi bua Bena Yuda budi tshinyi? KanYelushalema, anyi?

Ekesode 33:6

Bena Isalele bakavula bintu bia kudilengesha nʼabi ku mukuna wa Holeba tô ne ku mpala kuakadibo baya.

Balombodi 10:13

Kadi nuenu nuakandekela, nuakakuatshila nzambi mikuabo mudimu, tshiena nnusungila kabidi.

1 Bakalenga 18:18

Yeye wakamukudimuna ne, Tshiakatatshisha Bena Isalele, kadi anu wewe ne ba mu nsubu wa tatu webe, bualu bua nuenu nuakahetula mikenji ya Yehowa, nuakalonda Bâla.

2 Kulondolola 12:5

Hashishe Shemaya muprofete wakalua kudi Lehabama ne bantu banene ba mu Yuda, bakadi badisangisha mu Yelushalema bualu bua Shishaka, wakabambila ne, Yehowa udi wamba ne, Nuenu nuakundekela, nunku nakunushiya mu bianza bia Shishaka.

2 Kulondolola 21:10

Nunku Bena Edome badi batombokela Bena Yuda tô ne ku dituku edi; hashishe Bena Libina bakamutombokela kabidi, bualu bua yeye wakahidia Yehowa, Nzambi wa batatuʼandi.

2 Kulondolola 25:16

Hashishe, hakadiye wakula nʼandi, mukelenge wakamuebesha ne, Tuetu tuakukuvuisha mufidi wa meji wa mukelenge, anyi? Uhuwe biebe, butudi nʼabu mbua kukutaha bishi? Hashishe muprofete wakahuwa, wamba ne, Ndi mumanye ne, Nzambi wakulongolola bua kukushiha bua wewe wakuenza bualu ebu, kuena mutumikile mei anyi.

Yirmeya 1:16

Nembambile mei onso a kulumbulula kuanyi bua malu mabi abo onso, bualu bua bakundekela, bakuoshila nzambi mikuabo musenga wa manananshi, bakutendelela bintu biakusongabo ne bianza biabo.

Yirmeya 7:19

Yehowa udi ukonka ne, Badi bankuatshisha meme tshiji, anyi? Kabena badihishisha bua kudifuisha bundu, anyi?

Yirmeya 13:22

Biwadikonka mu mutshima webe ne, Malu â onso akunkuata bua tshinyi? Mbua malu mabi ebe a bungi badi bavula bivualu biebe, ne dikenga didi dikukuata to ne ku bikankanyi biebe.

Yezekiyele 23:30

Nebakuenzele malu â bualu bua wewe wakenda masandi ne ba mu bisamba bia bantu hawakadinyanga ne ditendelela dia mpingu yabo.

Osheya 9:1

Bena Isalele, kanusanki bua kutumba bu mudi ba mu bisamba bia bende hatumba! Bua nuakulonda malu a masandi hanuakulekela Nzambi wenu; nuakunanga difutu dia bena masandi dia ha bishihuidi bionso bia maminu.