Yirmeya 16:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mu diba edi, hawalesha bantu aba mei â onso, nebakukonke ne, Yehowa wakuamba mei â onso bua kutuhisha nʼau bualu kai? Tuakuhambuka kudi kunyi? Tuakuenzela Yehowa Nzambi wetu bubi kai?

MUKANDA WA MYIDI MUKULU

¹⁰ Pawambila bantu aba bualu ebu, nebakukonke ne: “Maweja-Nangila udi musue kututumina dikenga bunene nanku bua tshinyi? Tudi benze bualu bubi kaayi? Tudi benzele Maweja-Nangila Mvidi Mukulu bibi mushindu kaayi?”

Yirmeya 16:10 Referans Kwoze

Yirmeya 5:19

Mu matuku au hanuakonkangana ne, Yehowa Nzambi wetu wakutuenzela malu â onso bua tshinyi? Mu diba adi mene ubahingishe dî dia Yehowa ne, Bu munuakulekela meme, ne bu munuakukuatshila nzambi ya bende mudimu mu buloba buenu mene, nunku nenukuatshile bantu ba bende mudimu mu buloba budi kabuyi buenu.

Yirmeya 13:22

Biwadikonka mu mutshima webe ne, Malu â onso akunkuata bua tshinyi? Mbua malu mabi ebe a bungi badi bavula bivualu biebe, ne dikenga didi dikukuata to ne ku bikankanyi biebe.

Osheya 12:8

Bena Efelayima bakuamba ne, Tuakulua babanji, tuakuheta biuma; mu malu onso atuakuenza kabena banji kutusangana ne dihanga dia bubi.

Yirmeya 2:35

Kadi wewe udi wamba ne, Tshiena ne tshilumbu; bulelela, tshiji tshiandi tshiakûmuka kundi; mona, ndi nkulumbuluisha bualu bua udi wamba ne, Tshiakuenza bualu bubi.

Yirmeya 11:17

Bualu bua Yehowa wa misumba, wakukukuna, wakukuhisha bua wewe kukenga, bualu bua bubi bua Bena Isalele ne bua Bena Yuda, budibo bankuatshishe nʼabu tshiji, hakafilabo musenga wa manananshi kudi Bâla.

Yirmeya 2:23

Udi mua kuamba ne, Tshiena munyanguke, tshiakulonda Babala munyi? Mona nshila uwakuendela wa mu tshibanda, umanye malu awakuenza; bu nsongakashi wa kamelo ka lubilu kadi kanyunguluka mu nshila,

Yirmeya 9:11

Nenvuishe Yelushalema bu diala ne bu muaba udi mibuabua nushikame; nenvuishe misoko ya mu Yuda bikulu bidi kabiyi ne bantu.

Yirmeya 44:3

bualu bua malu mabi abo akenzabo bua kunkuatshishabo tshiji, hakayabo kuosha musenga wa manananshi ne kutendelelabo nzambi mikuabo yakadibo kabayi bamanye, nansha bobo nansha nuenu nansha batatu benu.