Yirmeya 11:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ tshinakahunga ne bankambua benu dituku dinakabaluhula mu buloba bua Ejipitu, mu ditanda mudibo bafula tshiamu, ngamba bianyi ne, Nutumikile dî dianyi, nuenze malu onso andi nnuambila. Nunku nenuikale bantu banyi, ne meme nengikale Nzambi wenu;

MUKANDA WA MYIDI MUKULU

⁴ Mu matuku amvua mupatule bankambua benu mu dikenga dikole mu Ejipitu, meme kutua nabu ndondu. Meme kubambila ne: Nuteleje bionsu bindi nnuambila, nubikumbaje. Nanku, nenuikale bantu banyi, meme nengikale Mvidi Mukulu wenu. Ke mukenji undi nnuelela.

Yirmeya 11:4 Referans Kwoze

Dielulula 4:20

Kadi Yehowa wakanusungula bienu, wakanuhatula mu tshikutu tshia kahia, mu Ejipitu mene, bua nuenu nuikale bantu ba buhianyi buandi, bu mu dituku edi.

Lewitiki 26:12

Meme nengendakane munkatshi muenu, nengikale Nzambi wenu, ne nuenu nenuikale bantu banyi.

2 Korente 6:16

Ntempelo wa Nzambi udi uhunga di kai ne mpingu? Bualu bua tuetu tudi bu ntempelo wa Nzambi udi ne muoyo; bu muakamba Nzambi ne, Nengikale munda muabo, nengendakane munda muabo; Nengikale Nzambi wabo ne bobo nebikale bantu banyi.

Zekâya 8:8

Nembahingashe bua kushikamabo munkatshi mua Yelushalema, nebikale bantu banyi, ne meme nengikale Nzambi wabo mu bushuwa ne mu buakane.

Yirmeya 24:7

Nembahe mitshima ya kummanya ne, Meme ndi Yehowa; bobo nebikale bantu banyi, ne meme nengikale Nzambi wabo; bualu bua nebahingane kundi ne mitshima yabo mijima.

1 Bakalenga 8:51

(bualu bua bobo badi bantu bebe ne buhianyi buebe buwakalua nʼabo mu buloba bua Ejipitu munkatshi mua tshikutu tshia biamu)

Zekâya 13:9

Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Yezekiyele 37:23

Kabena badinyanga kabidi ne mpingu yabo ne bintu biabo bidi bibahihisha, anyi ne malu mabi abo makuabo; ne nembasungile ku matomboka abo onso akadibo bantombokela nʼau, nembalengeshe; nunku nebikale bantu banyi, ne meme nengikale Nzambi wabo.

Yezekiyele 36:28

Nenushikame mu buloba bunakaha batatu benu; nenuikale bantu banyi, meme nengikale Nzambi wenu.

Yezekiyele 14:11

bua ba mu tshisamba tshia Bena Isalele kabahambuki kundi kabidi, kabadinyangi kabidi ne malu mabi abo onso, kadi bua bobo bikale bantu banyi, ne meme ngikale Nzambi wabo.

Yezekiyele 11:20

bua bobo balonde mikenji yanyi ne batumikile mei anyi ne babienze. Nunku nebikale bantu banyi ne meme nengikale Nzambi wabo.

Yirmeya 30:22

Nuenu nenuikale bantu banyi, ne meme nengikale Nzambi wenu.

Yirmeya 26:13

Nunku nulengeshe nshila yenu ne bienzedi bienu bibi, nutumikile dî dia Yehowa, Nzambi wenu; ne Yehowa neakudimune mutshima wandi bua makenga akuambeye bua kunutumina.

Dielulula 11:27

Binunvua mikenji ya Yehowa, Nzambi wenu, inakunuambila lelu, nenuhete disanka;

Lewitiki 26:3

Binualonda mei, anyi binuatumikila mikenji yanyi, binuayenza,

Genese 17:8

Nenkuhe wewe ne tunkanunuina tuebe buloba buonso bua Kanana bûdi wendakanamu, bu buhianyi buenu bua tshiendelele, nengikale Nzambi wabo.

Ebrewu 5:9

Hakavuishibueye ne buakane buonso, yeye wakalua muenzeshi wa luhandu lua tshiendelele kudi bonso badi bamutumikila;

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Zekâya 6:15

Bantu badi kule nebalue, nebenze mudimu wa kuasa ntempelo wa Yehowa, nenumanye ne, Yehowa wa misumba wakuntuma kunudi. Muanda eu neulue nunku, binuananukila kutumikila dî dia Yehowa Nzambi wenu.

Yezekiyele 37:27

Nenshikame hohamue nʼabo; nengikale Nzambi wabo, ne bobo nebikale bantu banyi.

Yirmeya 32:28

Nunku Yehowa udi wamba ne, Mona, nenfile musoko eu mu bianza bia Bena Kasada ne mu bianza bia Nebukadenesâ, mukelenge wa Babulona, ne yeye neaunyenge.

Yeshaya 48:10

Mona, nakukulengesha, kadi tshiakukulengesha bu mudibo balengesha tshiamu tshia argent; nakukuteta mu tshikutu tshia makenga.

1 Samuele 15:22

Samuele wakakonka ne, Yehowa udi utamba kusanka bua milambu ya kuosha ne nyama mishiha bu mudiye usanka bua kutumikila kua dî dia Yehowa, anyi? Tangila, kutumikila kudi kuhita mulambu wa kuosha ne kunvua kudi kuhita manyi a bimpanga bulengele.

Ekesode 20:6

Ntu ngalesha bihungu tshinunu badi bansue ne badi benza mikenji yanyi luse lujalame.

Yeshaya 30:6

Dî dia tshijila bua nyama ya ku luseke lua Sude. Badi bahitshila mu buloba bua dikenga ne kanyinganyinga, kudi nyama wa ntambue mukashi ne nyama wa ntambue mulume, kudi kufuma nyoka wa ntoka ne nyoka wa kahia udi uhahala, badi batuala biuma biabo bidibo bateka ha nyima ha nkungulu ya mpunda, ne bintu biabo bia mushinga mukole ha nyama ya tumelo, baya nʼabi kudi bantu badi kabayi mua kubakuatshisha.

Yirmeya 11:7

Bualu bua nakasengelela bankambua benu bikole mu dituku dinakabaluhula mu buloba bua Ejipitu tô ne ku dituku edi, mbika ne lunkelu bua kubadimusha ne, Nutumikile dî dianyi.

Yirmeya 38:20

Kadi Yelemiya wakamba ne, Kabena bakufila kudibo. Ndi nkusengelela ne, Utumikile dî dia Yehowa dindi nkuambila, bua wewe wikale ne diakalengele ne bua mutshima webe wikale ne muoyo.

Danyele 3:26

Hashishe, Nebukadenesâ wakaya ha buihi ne mushiku wa tshikutu tshia kahia kakole, wakela dî ne, Shadalaka, Meshaka ne Abedenego, nuenu bantu ba Nzambi Mutambe Bunene wa mu diulu, hatukai, luai kunoku. Shadalaka, Meshaka ne Abedenego bakaluhuka munkatshi mua kahia.

Dielulula 5:6

Meme ndi Yehowa, Nzambi wenu, wakanuhatula mu buloba bua Ejipitu ne mu nsubu wa lukanu.

2 Bakalenga 18:6

Bualu bua yeye wakalamata Yehowa; kakasesuka mu nshila wandi, kadi wakatumikila mikenji yandi yakambila Yehowa Mose.