Yirmeya 10:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Unvuai! Lumu luakufika, ne tshintompatompa tshifume ku buloba bua ku node tshidiku! Mbua kuyuisha misoko ya mu Yuda bikulu, bishikaminu bia nyama ya mibuabua.

MUKANDA WA MYIDI MUKULU

²² Telejayi, umvuayi. Mutoyi munene udi wenda usemena pabuipi, ufuma ku mutu kua ditunga. Bena mvita mbanyange bimenga bia bena Yuda, bishale tshipela, bishale miaba idi nyama ya mibuabua isomba.

Yirmeya 10:22 Referans Kwoze

Yirmeya 9:11

Nenvuishe Yelushalema bu diala ne bu muaba udi mibuabua nushikame; nenvuishe misoko ya mu Yuda bikulu bidi kabiyi ne bantu.

Malaki 1:3

kadi nakadi ne Esau lukuna; nakavuisha mikuna yandi tshihela tshia tshianana, nakavuisha buhianyi buandi muaba wa mibuabua ya mu mpata.

Yirmeya 6:22

Yehowa udi wamba ne, Tangilai, bantu badi bafuma ku buloba bua ku nôde; tshisamba tshihite bukole netshibike kunfudilu kua buloba.

Yirmeya 6:1

Nuenu, hana ba Benyamina, nyemai bua kudihandisha, numuke mu Yelushalema, elai mpungi mu Tekoa, ne bandishai tshimuenu ha mutu ha Bete-hakeleme; bualu bua makenga mafume ku luseke lua node adi amha kunukuata, ne kubutuka kunene.

Yirmeya 5:15

Yehowa udi wamba kabidi ne, Unvuai, nendue ne tshisamba tshidi kule bua kuluangana nʼenu, nuenu ba mu Bena Isalele. Tshidi tshisamba tshikele, tshidi tshisamba tshiakadiku kale, tshidi tshisamba tshidi ne muaku unudi kanuyi bamanye, tshidi tshisamba tshidi ne mei anudi kanuyi njingulula.

Yirmeya 4:6

Jadikai dibendela ditangilangana ne Siona; nyemai bua kudibandisha, kanujanguluki nansha; bualu bua nenyishe makenga ku luseke lua nôde, ne kubutuka kunene.

Yirmeya 1:15

Yehowa wakamba ne, Mona, ndi mbikila ba mu meku onso a mu makelenge a ku node; nebalue, buonso buabo nebajadike nkuasa yabo ya bunfumu ku bibuelelu bia ku bibi bia mu Yelushalema, bua kushimbulabo ngumbu idi inyungulula musoko ku nseke yonso, ne bua kuluishabo bena misoko yonso ya mu Yuda.

Yeshaya 34:13

Meba neatoloke mu mbalasa yabo ya bunfumu, mpesa ne mingonge nebitoloke munda mua ngumbu yabo ya nvita; nebuikale muaba wa mibuabua kuendakanayimu, tshiendelu tshia nyunyu ya nfiondo.

Yirmeya 1:14

Hashishe Yehowa wakangambila ne, Makenga neahatuke mafume ku node; nealue kukuata bonso badi bashikame mu buloba ebu.

Yirmeya 4:15

Bualu bua dî didi difuma ku Dana, didi diamba lumu lubi lufuma ku mikuna ya Efelayima!

Yirmeya 25:9

monai, nentume dî bua kuangata ba mu meku onso a ku luseke lua ku nôde, mmudi Yehowa wamba; nembikile Nebukadenesâ, mukelenge wa Babulona, muntu wanyi; nendue nʼabo bua kuluisha bena buloba ebu ne bonso badi bashikamemu, ne bua kuluisha ba mu bisamba bidi binunyunguluke. Nembutule ba mu buloba ebu, nembavuishe bu tshintu tshidi tshikemesha bantu, tshidibo babingila, bu bikulu tshiendelele.

Yirmeya 49:33

Hasô newikale muaba wa mibuabua kushikamayi, newikale tshikutu tshiendelele; kakuena muntu washikamamu, kakuena muana wa muntu washalamu.

Muadi 1:4

Nshila ya ku Siona idi idila muadi, bualu bua kakuena badi bendelamu bua kuya ku masanka a tshijila a Yehowa; bibuelelu biandi bidi bishala hatuhu; bakuidi bandi badi batua mikemu. Mishikankunde yandi yakukengeshibua, ne yeye muine wakushala mu kanyinganyinga.

Yezekiyele 12:19

Ambila ba mu buloba ebu ne, Mukelenge Yehowa udi wamba bua badi bashikame mu Yelushalema mu buloba bua Isalele ne, Nebadie bidia biabo ne kuhampakana, nebanue mai abo ne tutshina; bua buloba buabo nebuikale tshikulu, nebuhaudibue ne bintu bionso bidimu, bualu bua ditomboka dia bantu bonso badi bashikamemu.

Yirmeya 2:15

Bana ba nyama ya ntambue bakadila muadi wa luonji kudiye, badi babandisha mei abo; bakanyanga buloba buabo; misoko idi mihia ne kahia, kayiyi ne hatu ba kushikamamu.