Yirmeya 10:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Bualu bua balami bonso bakuandamuka bahote, kabakulomba lungenyi kudi Yehowa; nunku kabakuheta diakalengele, ne bisumbu bionso bia bimuna biabo biakutangadika.

MUKANDA WA MYIDI MUKULU

²¹ Balombodi betu mbenze tshilema. Bavua bu bantu ba bidingidingi. Kabena bakonka Maweja-Nangila malu. Ke muvuabu bapange malu bikole. Ke muvuabu batangalaje bana betu bena tshisamba tshietu bonsu.

Yirmeya 10:21 Referans Kwoze

Yirmeya 12:10

Balami ba mikoko ba bungi bakunyanga budimi buanyi bua tumuma tua nvinyo, bakudiata luseke luanyi lua buhianyi mu makasa; bakuyisha luseke luanyi luakane bu tshihela tshia hatuhu.

Zekâya 13:7

Bika, muele wa nvita, taha mulami wanyi wa mikoko, ne muntu udi nyanʼanyi mu mudimu! Edi ndi dia Yehowa wa misumba. Taha mulami wa mikoko, mikoko itangadishibue; nengolole tshianza tshianyi kudi bana ba mikoko.

Zekâya 10:3

Tshiji tshianyi tshidi kudi balami, nenkengeshe balombodi; bualu bua Yehowa wa misumba udi ulama mikoko yandi, Bena Yuda mene, neabavuishe bu kabalu kandi ka lumu mu nvita.

Yezekiyele 34:12

Bu mudi mulami wa mikoko ukeba tshisumbu tshia mikoko yandi mu dituku didiyi mitangadishibue, nunku nenkebe mikoko yanyi; nenyisungile ku miaba kudiyi mitangadishibue mu dituku dia matutu ne dia mîdima mikole.

Yirmeya 10:8

Kadi bantu kabena ne meji, badi anu ne buhote; diyisha dia mpingu didi hatuhu; idi anu tshituha tshia mutshi!

Yirmeya 8:9

Bena meji badi bafuishibue bundu, badi bakuatshika buowa ne badi bakuatshibua; monai, bakahetula dî dia Yehowa; meji kai adi munda muabo?

Yirmeya 2:8

Bakuidi kabakakonka ne, Yehowa udi hanyi? Bayishi ba mikenji yanyi kabakammanya; bakokeshi kabidi bakatombokela, baprofete bakamba mei abo mu dina dia Bâla, bakalonda bintu bidi kabiyi mua kubakuatshisha.

Yirmeya 50:17

Isalele udi bu tshisumbu tshia mikoko idi mitangadisha, nyama ya ntambue yakumuihata. Diambedi mukelenge wa Ashû wakamumina, hashishe, mu tshikondo etshi Nebukadenesâ, mukelenge wa Babulona, wakutshibula mifuba yandi.

Yirmeya 49:32

Yehowa udi wamba ne, Tumelo tuabo netuikale bintu bia kunyengabo, bisumbu biabo bia bimuna bingi nebikale bintu bia kuhaulabo; nentangadishe bantu badi ne nsuki yabo mikosa biketu ku mpehele yonso; nembatumine makenga adi afuma ku nseke yabo yonso.

Yirmeya 10:14

Muntu yonso wakuandamuka bu muhote udi kayi ne meji; mutudi wa or yonso wakufuishibua bundu ku mpingu yakusongeye; bualu bua mpingu yakufulabo idi ya mashimi, kakuena muhuya munda muai.

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Yirmeya 22:30

Yehowa udi wamba ne, Funda muntu eu bu muntu udi kayi ushala ne muana, bu muntu udi kayi uheta diakalengele mu matuku andi; bualu hua kakuena kuikala kabidi muana wa munkatshi mua bana bandi waheta diakalengele, washikama biandi mu nkuasa wa bukelenge wa Davidi, wakokesha kabidi mu buloba bua Yuda.