Yezekiyele 8:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshisambombo, mu ngondo muisambombo, mu dituku ditanu dia ngondo, hanakadi nshikama mu nsubu muanyi, hakadi bakulu ba Yuda bashikama ku mpala kuanyi, tshianza tshia Mukelenge Yehowa tshiakakuma hamʼbidi hanyi.

MUKANDA WA MYIDI MUKULU

¹ Mu tshidimu tshisambombu tshitua bena Izrayele mu bupika, mu matuku atanu a ngondu muisambombu, bakulu ba bena Yuda batua bafike kuanyi bua kunsombesha. Diakamue bukole bua Maweja-Nangila Mvidi Mukulu kuntulukila muaba awu.

Yezekiyele 8:1 Referans Kwoze

Yezekiyele 20:1

Mu tshidimu tshia muanda mutekete, mu ngondo muitanu ne mu dituku dia dikumi dia ngondo, bakuabo ba munkatshi mua bakulu ba Bena Isalele bakalua kulomba lungenyi kudi Yehowa, bakashikama ku mpala kuanyi.

Yezekiyele 33:31

Nunku badi balua kûdi bu muakadibo balua diambedi, ne badi bashikama ku mpala kuebe badifuanyikisha bu bantu banyi; badi bunvua mei ebe, kadi kabena baenza; badi ne dinanga dinene ku mishiku, kadi mitshima yabo idi mitangisha ku luhetu luabo.

Yezekiyele 14:1

Hashishe bakulu bakuabo ba mu Bena Isalele bakahia kundi, bakashikama ku mpala kuanyi.

Yezekiyele 14:4

Nunku akula nʼabo, ubambile ne, Mukelenge Yehowa udi wamba ne, Muntu yonso wa mu tshisamba tshia Bena Isalele wajadika mpingu yandi mu mutshima wandi, waditekela tshilenduishi ku mpala kuandi bua kudibuesha mu bubi, bialueye kudi muprofete bua yeye amulombele lungenyi, meme Yehowa nkayanyi nemmukudimune dî bu mudi bungi bua mpingu yandi,

Bienzedi 20:33

Mutshima wanyi kawakukuma ku argent wa muntu, anyi ku ngolo wandi, anyi ku bilulu biandi.

Malaki 2:7

Bualu bua mishiku ya muakuidi idi ne bua kulama lungenyi, ne bantu badi ne bua kukeba diyisha diakane mukana muandi; bualu bua yeye udi messager wa Yehowa.

Yezekiyele 40:1

Mu tshidimu tshia makumi abidi ne tshitanu tshia buhika buetu, ku tshibangidilu tshia tshidimu, mu dituku dia dikumi dia ngondo, tshiakadi tshidimu tshia dikumi ne tshinai tshia ku nyima kua tshidimu tshiakashihabo musoko, mu dituku adi mene tshianza tshia Yehowa tshiakadi hamʼbidi hanyi, ne yeye wakalua nʼanyi kuinaku.

Yezekiyele 37:1

Tshianza tshia Yehowa tshiakadi hamʼbidi hanyi, ne yeye wakaya nʼanyi mu Nyuma wa Yehowa, wakanshikika munkatshi mua tshibanda tshiakadi tshiule tente ne mifuba.

Yezekiyele 32:17

Mu tshidimu tshia dikumi ne ibidi, mu ngondo wa kumudilu, mu dituku dia dikumi ne itanu dia ngondo, dî dia Yehowa diakalua kundi ne,

Yezekiyele 31:1

Mu tshidimu tshia dikumi ne tshimue, mu ngondo muisatu, mu dituku dia kumudilu dia ngondo, dî dia Yehowa diakalua kundi ne,

Yezekiyele 29:17

Mu tshidimu tshia makumi abidi ne muanda mutekete mu ngondo wa kumudilu, mu dituku dia kumudilu dia ngondo, dî dia Yehowa diakalua kundi ne,

Yezekiyele 29:1

Mu tshidimu tshia dikumi, mu ngondo wa dikumi, mu dituku dia dikumi ne dibidi dia ngondo, dî dia Yehowa diakalua kundi ne,

Yezekiyele 26:1

Mu tshidimu tshia dikumi ne tshimue, mu dituku dia kumudilu dia ngondo, dî dia Yehowa diakalua kundi ne,

Yezekiyele 24:1

Mu tshidimu tshia tshitema, mu ngondo wa dikumi, ne mu dituku dia dikumi dia ngondo, dî dia Yehowa diakalua kundi ne,

Yezekiyele 3:22

Tshianza tshia Yehowa tshiakalua hamʼbidi hanyi mu muaba au, yeye wakangambila ne, Juka, ya biebe mu mpata, nenyikile nʼebe aku.

Yezekiyele 3:14

Ka Nyuma wakanjula, wakaya nʼanyi; nakaya ne kanyinganyinga ne nyuma wanyi utema bikole, tshianza tshia Yehowa tshiakanema bikole hamʼbidi hanyi.

Yezekiyele 3:12

Hakumuka butumbi bua Yehowa mu muaba wakadibu, Nyuma wakanjula, ne nakuhua ku nyima kuanyi tshiona tshia kukanka kua buloba kunene;

2 Bakalenga 6:32

Elisha ne bakulu bakadiye nʼabo bakadi bashikame mu nsubu muandi; mukelenge wakatuma muntu wandi kudiye, kadi diambedi yeye kayi muanze kufika ha buihi nʼandi, yeye wakambila bakulu ne, Monai muakuntumina muana wa mushihianganyi au muntu eu bua kunkoseye mutu wanyi; halua messager, nuinshile tshibi anu ku mesu kuandi, nutshikuate bikole; mikumu ya makasa a mukelenge wandi kayena ku nyima kuandi, anyi?

Yezekiyele 7:27

Mukelenge neabuele mu madilu, muenyampala neadiluatshishe ne bivualu bia kukuatshika kua buowa, ne bianza bia bena buloba nebizakale. Nembenzele anu bu mudi bienzedi biabo, nembalumbuluishe bu mudi midimu yabo; nebamanye ne, Ndi Yehowa.

Yezekiyele 8:2

Mu diba adi nakatangila, ekumona! Tshinfuanyi tshiakadiku bu tshinfuanyi tshia muntu, ku tshifuka tshiandi tô ue kuinshi kuakadi tshinfuanyi tshia kahia; ne ku tshifuka tshiandi tô ne ku mutu kuakadi tshinfuanyi tshia dinkenke bu dia tshiamu tshikunze tshinonoke.

Yezekiyele 33:22

Tshianza tshia Yehowa tshiakadi hamʼbidi hanyi dilolo diambedi muntu au muhanduke kayi muanze kufika kundi; ne Yehowa wakamana kubulula mukana muanyi mu diba adi diakalua muntu au kundi dinda; nunku mukana muanyi muakabuluibua ne tshiakadi bu kamama kabidi.

Yezekiyele 30:20

Mu tshidimu tshia dikumi ne tshimue, mu ngondo wa kumudilu, mu dituku dia muanda mutekete dia ngondo, dî dia Yehowa diakalua kundi ne,

Yezekiyele 32:1

Mu tshidimu tshia dikumi ne tshibidi, mu ngondo wa dikumi ne muibidi, mu dituku dia kumudilu dia ngondo, dî dia Yehowa diakalua kundi ne,