Yezekiyele 3:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Wakangambila ne, Muana wa muntu, diaku mukanda eu undi nkuha, ûhatshishe munda muebe tente. Nunku nakaudia; ne wakadi mutue nse-nse bu buitshi mukana muanyi.

MUKANDA WA MYIDI MUKULU

³ Kungambilaye kabidi ne: — Muntu, diaku mukanda undi nkupa ewu ukute difu tente. Meme kuudia. Utua musheme mukana muanyi bu buitshi.

Yezekiyele 3:3 Referans Kwoze

Yirmeya 15:16

Nakasangana mei ebe, nakâdia; mei ebe akadi kundi bu disanka ne akasankisha mutshima wanyi; bualu bua badi bambikila ku dina diebe, wewe Yehowa, Nzambi wa misumba.

Misambu 119:103

Mona mudi mei ebe mashemakane handi ngalabula, mahite buitshi kushemakana mukana muanyi!

Misambu 19:10

Kubinanga kudi kuhita kunanga or buimpe; e, kudi kuhita kunanga or wa mushinga mukole wa bungi buimpe. Bidi bihita buitshi ne mamata a buitshi a ku dihula kushemakana.

Kolose 3:16

Dî dia Kilisto dikale munda muenu ne bubanshi buadi; mu meshi onso nuyishangane ne nudimushangane ne misambu ya bena kuitabusha ba kale ne ya bena Kilisto ne ya Nyuma; nuimbile Nzambi misambu ne ngasa mu mitshima yenu.

Misambu 119:97

Mona mundi munange mikenji yebe! Ndi ngelangana meji bualu buai dinda tô ne ku dilolo.

Misambu 119:11

Nakulama dî diebe mu mutshima wanyi, bua meme tshikuenzedi bibi.

Yowanane 7:38

Misulu ya mai a muoyo nebatuke munda mua wangitabusha, bu muakamba Mukanda wa Nzambi.

Yezekiyele 2:10

Yeye wakauvungulula ku mpala kuanyi. Wakadi ne mei mafunda munda muau ne ha nyima hau; mei a muadi, madilu ne mulau akadi mafundamu.

Yirmeya 20:9

Bingamba kabidi ne, Tshiena ntela dina diandi, ne tshiena ngambila bantu dî diandi kabidi, mu diba adi didi mu mutshima wanyi bu kahia kadi kosha munda mua mifuba yanyi; kudikanda kudi kuntonda, ne tshiena mua kuhuwa.

Yirmeya 6:11

Nunku nakûla tente ne tshiji tshidi Yehowa nʼatshi; kutshikanda kudi kuntonda. Utshihumuine ha bana badi mu misesu, ne bansongalume bunguila hohamue; nebakuate mulume ne mukashi wandi, nebakuate muntu mununu ne muntu udi ne matuku makumbane.

Yobe 23:12

Tshiakulekela kutumikila mukenji wa ku mishiku yandi; nakubuta mei a mukana muandi mu mutshima wanyi.

Yezekiyele 2:8

Kadi wewe, muana wa muntu, unvua dî dindi nkuambila; kuntombokedi bu mudibo benza kudi tshisamba atshi tshia bantombokedi. Bulula mukana muebe, udie tshintu tshindi nkuha.

Yezekiyele 3:4

Yeye wakangambila ne, Muana wa muntu, ya kudi ba mu tshisamba tshia Bena Isalele, ubambile mei andi mbatumina.

Misambu 19:11

Muntu webe udi mudimushibue kabidi kudibi; ne mu kutumikila kuabi mudi bukenji bunene.