Yezekiyele 13:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bua bakahambuisha bantu banyi, bamba biabo ne, Ditalala didiku, kadi ditalala kadiyiku; ne bibaka muntu mukuabo lumbu lutekete, bobo badi balabahu anu luhemba.

MUKANDA WA MYIDI MUKULU

¹⁰ “Bambi badi bashima bantu banyi, padibu babambila ne: malu onsu adi anu mempe, eku malu kaayi mempe to. Bantu badi bibaka bimana ne mabue adi kaayi malamakane, kadi bobu badi anu baalaba lupemba.

Yezekiyele 13:10 Referans Kwoze

Yezekiyele 22:28

Baprofete bandi badi balaba luhemba ku bimanu bia nsubu yabo, badi baula bikena kumona bidi bibadinga, badi babadinga ne ditempa dia mbuku ya mashimi, bamba ne, Mukelenge Yehowa udi wamba nunku, Yehowa kayi muanze kuamba dî nansha.

Yezekiyele 13:16

mbaprofete ba Bena Isalele mene badi bamba mei abo bua Yelushalema ne badi bamona bikena kumona bia ditalala, kadi ditalala kadiyiku.

Yirmeya 14:13

Hashishe nakamba ne, Aka, Mukelenge Yehowa. Mona, baprofete babo badi babambila ne, Kanuena numona muele wa nvita, kanuena nuikala ne tshiole; kadi nuenu nenuikale ne ditalala dia bushuwa mu muaba eu.

Yirmeya 8:11

Bakûmisha mputa wa bantu banyi anu kakese, bamba ne, Ditalala, ditalala, ne ditalala kadiyiku.

Yirmeya 6:14

Bakûmisha mputa wa bantu ba nyi anu kakese, bamba ne, Ditalala, ditalala; ne ditalala kadiyiku.

2 Bakalenga 21:9

Kadi bobo kabakangunvuila; Manashe wakabenzesha malu mabi akahita a bisamba biakabutula Yehowa ku mesu kua Bena Isalele bubi.

Didimanyisha 2:20

Kadi ndi nʼebe bualu ebu ne, udi witabusha mukashi au Izebele, udi udibikila muprofete mukashi; ne udi uyisha ne udi uhambuisha bahika banyi bua kuendabo masandi ne bua kudiabo bintu bishihela mpingu.

1 Yone 2:26

Nakunufundila malu â bua bobo badi basue kunuhambuisha.

2 Timote 3:13

Kadi bantu babi ne badingi ba bakuabo nebadiundadiunde mu malu mabi abo matuku onso, badingangana, badingila.

1 Timote 4:1

Kadi Nyuma udi wamba batoke ne, Halua bikondo bia kunshikidilu ha buihi, bantu bakuabo nebalekele ditabusha diabo, balamata ku nyuma idi ihambuisha ne ku mayisha a bademon;

Malaki 3:15

Mpindiu tudi tubikila badi badisue ne, Badi ne dikasa dimpe; bulelela, benji ba malu mabi hadi bajadikibua; bulelela, badi bateta Nzambi badi bahanduka.

Mika 2:11

Bianudinga muntu ne mei a mashimi, wamba ne, Nennuambile mei bua nvinyo ne maluvu makole, yeye neikale muprofete wa bantu aba.

Yezekiyele 7:25

Kanyinganyinga kalualua; bobo nebakebe ditalala, ne diodio kadiena dikalaku,

Yirmeya 50:6

Bantu banyi bakadi bu mikoko mijimine, balami babo bakubahambuisha mu nshila, bakubalekelela bua kuendakanabo hatuhu ha mikuna; bakuendakana ku mukuna munene tô ne ku mukuna mukese; bakuhua muaba wa tshikishilu tshiabo muoyo.

Yirmeya 28:9

Hamba muprofete dî bua ditalala, halua dî dia muprofete dilelela, nunku nebamanye bua muprofete eu ne, Yehowa udi mumutume bulelela.

Yirmeya 23:17

Batu bambila bantu babi bampetula ne, Yehowa wakuamba ne, Nenuikale ne ditalala. Badi bambila muntu yonso udi wenda mu tshitshu tshia mu mutshima wandi ne, Dikenga kadiena dikukuata.

Yirmeya 8:15

Tuakatekemena ditalala, kadi diakalengele kadiakulua kutudi; tuakatekemena tshikondo tshia kusangala, kadi monai, kabutu kadiku!

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Yirmeya 4:10

Hashishe nakamba ne, Aka! Mukelenge Yehowa! Bulelela, wakudinga bantu aba ne ba mu Yelushalema bikole hawakamba ne, Nenuikale ne ditalala, kadi muele wa nvita udi ubatubula tô ne ku mioyo yabo.

Yeshaya 57:21

Nzambi wanyi udi wamba ne, Kakuena ditalala kudi bantu babi.

Yeshaya 30:10

Badi bambila bamonyi ba bikena kumona ne, Kanubimonyi; badi bambila baprofete ne, Kanutuambidi mei a malu makane, nutuambile mei mashemakane, nutuambile malu adi mua kufu dinga!

Nsumuinu 12:26

Muntu muakane udi ulombola muena mutumba nʼandi, kadi bienzedi bia bantu babi bidi bibahambuisha.

2 Kulondolola 18:12

Kahita kakaya kubikila Mikaya, kakamuambila ne, Mona, baprofete bonso badi bambila mukelenge mei mimpe mukana mumue; ndi nkusengelela ne, Di diebe dikale bu diabo, wambe biebe mei mimpe.

1 Tesalonike 5:3

Hatshidibo bamba ne, Tudi ne ditalala, katui ne bualu; ahu dibutuka dia tshintuluntulu dilualua kudibo, bu mudi kanyinganyinga kalua kudi mukashi udi ne difu; ne bobo kabena bahanduka nasha kakese.

Yirmeya 23:32

Yehowa udi wamba ne, Tangilai, ndi mbenga baprofete badi bamba mei a mashimi bua bilota biabo, badi babiawila bantu bakuabo, badi benzesha bantu banyi bua kuenzabo malu mabi ne ku mashimi abo ku kufuna kuabo; kadi tshiakabatuma, tshiakabelela mukenji bua kuyabo; Yehowa udi wamba ne, Kabena bakuatshisha bantu aba, nansha kakese.

Osheya 9:7

Matuku a kubakengesha akufika, matuku a kubafuta akulua; Bena Isalele nebamanye muanda eu ne, Muprofete udi muhote, muntu udi ne nyuma udi muhale, bualu bua bubi buenu buvule, ne bualu bua lukuna luenu ludi lukole.