Yeshaya 8:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nengindile Yehowa udi usokoka mpala wandi kudi bana ba Yakoba, nemmutekemene mene.

MUKANDA WA MYIDI MUKULU

¹⁷ Ndi muindile Maweja-Nangila. Mpindiewu udi ulengulula ndelanganyi ya Yakobe. Kadi ndi amu ndama lutulu, ntekemena kudiye.

Yeshaya 8:17 Referans Kwoze

Abakuke 2:3

Bualu bua tshikena kumona etshi ntshia tshikondo tshiakuhangishishabo bua kumuenekatshi, tshidi tshienda lukasa ku tshikondo tshiatshi, katshiena tshidinga, biajangulukatshi, utshindile; bualu bua netshimueneke bulelela, katshiena tshihanga kulua.

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Misambu 33:20

Muoyo wetu udi windila Yehowa; yeye udi dikuatshisha dietu ne ngabu wetu.

Yeshaya 54:8

Mu tshiji tshitamba hukole nakasokoka mpala wanyi kûdi katuha kihi kadi mu dinanga dia tshiendelele nenkufuile luse.

Ebrewu 9:28

nunku, Kilisto kabidi, hakafidibueye musangu umue hua kutualeye mibi ya bantu ba bungi, neamueneke musangu muibidi mutahuluke ku bubi, kudi bantu badi bamuindila tô ne ku luhandu luabo.

Misambu 27:14

Windile Yehowa; wikale ne bukole, ne mutshima webe wikale ne dikima; e, windile biebe Yehowa!

Yeshaya 59:2

Kadi malu mabi enu akadi alua hankatshi henu ne Nzambi wenu, ne mibi yenu yakadi isokoka mpala wandi kunudi, nunku yeye kena unvua.

Yeshaya 50:10

Muntu kai wa munkatshi muenu udi utshina Yehowa, udi utumikila dî dia muntu wandi? Biendeye mu mîdima kayi ne muinda, eyemene biandi dina dia Yehowa, atekemene biandi Nzambi wandi!

1 Tesalonike 1:10

ne bua kuindila Muana wandi ulualua mu diulu; wakabisheye munkatshi mua bafue, Yesu mene, udi utuhandisha ku tshishi tshilualua.

Mika 7:7

Kadi meme hanyi nentangishe mesu anyi kudi Yehowa; nengindile Nzambi wa luhandu luanyi; Nzambi wanyi neangunvuile.

Mika 3:4

Hashishe, nebadile kudi Yehowa, kadi yeye kena ubunvuila; yeye mene neusokoke mpala wandi kudibo mu tshikondo atshi, bualu bua bakuenza malu mabi.

Osheya 12:6

Nunku hinganai kudi Nzambi wenu, londai luse ne kulumbulula kuakane, indilai Nzambi wenu matuku onso.

Dielulula 32:20

Yehowa wakamba ne, Nenkudimune mesu anyi kudibo, neutangile muikala nshikidilu wabo, bualu bua badi bena tshikondo tshia tshitshu, bu bana badi kabayi mua kueyemenyibua.

2 Tesalonike 3:5

Ne Mukelenge alombole mitshima yenu mu dinanga dia Nzambi ne mu dinanukila diakadi Kilisto nʼadi.

Yeshaya 64:7

Kakuena muntu udi udibikila dina diebe, udi udisonsola bua kulamata kûdi; bua wewe wakusokoka mpala webe kutudi, wakutufila mu bukole bua malu mabi etu.

Yeshaya 1:15

Nunku, hanuolola bianza bienu kundi, nensokoke mesu anyi kunudi; e, hanuantendelela ne mitendelelu ya bungi mene, tshiena nnunvuila; bianza bienu bidi biule tente ne mashi.

Misambu 39:7

Mpindiu, Mukelenge, ndi ngindila tshinyi? Ditekemena dianyi didi anu kûdi.

Yeshaya 26:8

Bulelela, Yehowa, mu nshila wa kulumbulula kuebe, tuakukuindila; mitshima yetu idi ijinga dina diebe, idi ijinga tshivulukidi tshiebe.

Misambu 130:5

Ndi ngindila Yehowa, muoyo wanyi udi umuindile, ne mu dî diandi mundi ntekemena.

Genese 49:18

Yehowa, nakuindila luhandu luebe.

Luke 2:38

Yeye wakalua ha diba adi, wakasakidila Nzambi, wakambila bonso bakadi batekemene buhikudi bua Yelushalema bualu buandi.

Yeshaya 64:4

Bua ku bikondo bia kale kakuena muntu wakumana anyi wakujingulula ku matshu, kakuena disu diakumona Nzambi udi muomumue nʼebe, udi ukuatshila badi bamuindila mudimu.

Yeshaya 33:2

Yehowa, utuleshe dinanga diebe; tuakukuindila; wikale diboko dietu dia bukole ku dinda ne ku dinda, ne luhandu luetu mu tshikondo tshia dikenga.

Misambu 40:1

Nakindila Yehowa ne lutulu, wakatelela matshu andi kundi, wakunvua muadi wanyi.

Misambu 37:34

Windile Yehowa, ulamate nshila wandi, yeye neakubandishe bua wewe kuhiana buloba. Habutulabo bantu babi, wewe neumone muanda eu.

Luke 24:27

Wakabangila ku Mose ne ku baprofete bonso, wakabajinguluila malu akafundabo mu Mukanda wa Nzambi wonso bualu buandi.

Ebrewu 2:13

Ne udi wamba kabidi ne, Meme nengikale mu eyemena. Ne udi wamba kabidi ne, Ke meme eu ne bana bakumpabo kudi Nzambi.

Yobe 13:24

Bualu kai wewe udi usokoka mpala webe kundi, ne udi umbala bu muena lukuna webe?

Yeshaya 30:18

Nunku Yehowa udi windila bua kunulesha dinanga diandi; ne bua muanda eu neadioshe bua kunulesha luse; bualu bua Yehowa udi Nzambi udi ulumbulula biakane; bonso badi bamuindila badi bavudishibue disanka.

Yeshaya 45:15

Bulelela, wewe udi Nzambi udi usokoma, wewe Nzambi wa Isalele, Musungidi.

Yirmeya 33:5

bua kudikuatshisha bua kuihataku Bena Kasada badi balua bua kubaluisha, ne bua kûsha muaba eu tente ne bitalu bia bantu bandi nshiha mu tshifikʼa munda tshianyi ne mu tshiji tshianyi tshikole, ne bua bubi buabo bundi nsokokela musoko eu mpala wanyi.

Yobe 14:14

Biafua muntu, neikale ne muoyo kabidi, anyi? Nakadi kuindila matuku onso a tshikondo tshianyi tshia kuluangana nvita, tô ne hakadi kulua tshikondo tshia kundekela.

Yobe 35:14

Nunku neatambe kuhidia kunyua hawamba ne, Tshiena mmumona; bualu buebe budi ku mpala kuandi, umuindile!

Yeshaya 57:17

Bua bubi bua lukuka luandi nakadi nʼandi tshiji, nakamukuma, nakasokoka mpala wanyi ne nakadi ne tshiji; kadi yeye wakananukila kuhingana ku nyima mu nshila wakadi mutshima wandi musue kuendela.

Yeshaya 64:6

Buonso buetu tuakulua bu muntu mubiha, ne bienzedi bietu biakane bionso biakulua bu tshivualu tshidi tshinyanguke. Buonso buetu ludi tufubidila bu dianyi dia mutshi, ne malu mabi etu adi atûmusba bu mudi luhehele luhehula mabeshi.