Yeshaya 64:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi wewe Yehowa udi Tatu wetu; tuetu tudi dima ne wewe udi mufumbi; buonso buetu tudi bintu biwakuenza ku bianza biebe.

MUKANDA WA MYIDI MUKULU

⁸ Maweja-Nangila, kutuleji tshiji tshipite bukole. Kuvuluki kashidi ntupakanyi itudi nayi. Tudi tukusengelela ne: vuluka mutudi bonsu bantu bebe.

Yeshaya 64:8 Referans Kwoze

Efeze 2:10

Tuetu iudi mudimu wandi wakenzeye, tuakafukibua mu Kilisto Yesu bua tuetu tuenze midimu mimpe yakadianjila Nzambi kulongolola bua tuetu kuendamu.

Misambu 119:73

Bianza biebe biakunfuka, biakunvuisha bu mundi; Umpe lungenyi bua meme kuyila mikenji yebe.

Misambu 138:8

Yehowa neamane malu adiye uhangidisha bua bualu buanyi. Yehowa, luse luebe ludi lujalame tô ne tshiendelele. Kulekedi mudimu uwakenza ne bianza biebe.

Misambu 100:3

Numanye bienu ne, Yehowa udi Nzambi! Nyeye mene wakatufuka, tudi bantu bandi; tudi bantu bandi ne mikoko ya mu mpata wandi.

Yeshaya 63:16

Bualu bua wewe udi Tatu wetu, nansha bikala Abalahama kayi mutumanye, nansha bikala Isalele kayi mutuitabushe bu bana bandi. Wewe, Yehowa, udi Tatu wetu; Muhikudi wetu wa ku tshibangidilu ndina diebe.

Yeshaya 29:16

Monai tshitshu tshienu! Mufumbi neabadibue bu dima, anyi, bua tshintu tshidiye ufumba tshiambe bua mufumbi watshi ne, Yeye kakunfumba nansha? Tshintu tshienjibue netshiambe bua yeye wakutshienza ne, Yeye kena ne lungenyi, anyi?

Yeshaya 45:9

Mulau wikale kudi muntu udi ufuilangana ne Mufuki wandi! Ntshiyoyo munkatshi mua biyoyo bia ha buloba! Dima nedikonke mufumbi udi udifumba ne, Udi wenza tshinyi, anyi? Anyi mudimu webe udi mua kukuambila ne, Wewe kuena ne bianza, anyi?

Yeshaya 44:24

Yehowa, Muhikudi webe, wakakufuanyikisha munda mua mamu webe, udi wamba ne, Meme ndi Yehowa udi ufuka bintu bionso; udi ubalula bintu bia mu diulu nkayandi; udi ubalula buloba kabidi (wakadi nʼanyi nganyi?).

Yeshaya 43:7

Nulue ne muntu yonso udibo bidika dina dianyi, unakafuka ne unakufuanyikisha, unakuenza bua butumbi buanyi.

Yeshaya 44:21

Vuluka malu â, Yakoba, Isalele mene; bualu bua wewe udi muntu wanyi! Nakukufuka, wewe udi muntu wanyi; tshiena nkuhua muoyo, Isalele.

Dielulula 32:6

Nuenu bantu bahote badi kabayi ne meji, nudi nuhingishila Yehowa malu mabi nunku, anyi? Yeye kena tatu wenu wakanuafuka, wakanuenza, wakanujadika, anyi?

Ngalate 3:26

Bua buonso buetu tudi bana ba Nzambi bua ditabusha dia mu Kilisto Yesu.

Ngalate 3:29

Binuikala ba Kilisto, nunku nudi tunkanunuina tua Abalahama, nudi bahianyi bandi bu mudi mulayi wamba.

Ekesode 4:22

Wewe newambile Palô ne, Yehowa udi Wamba ne, Isalele udi muanʼanyi wa balume, muanʼa bute wanyi,

Yowanane 8:41

Nutu nuenza bienzedi bia tatu wenu. Bakamuambila kabidi ne, Katuena baledibue mu masandi; tudi ne Tatu umue, Nzambi mene.

Yobe 10:3

Bidi bimpe ku mesu kuebe bua wewe kunkengesha, bua wewe kubenga mudimu wa bianza biebe, ne bua wewe kutemesha munya webe ku meji a bantu babi, anyi?

Yeshaya 9:6

Bualu bua bakungelela muana, bakutuha muana mulume; bukokeshi nebuikale ha diaha diandi. Nebamuidike dina ne, Mubakemeshi, Muena Meji, Nzambi Mukole, Tatu wa Tshiendelele, Mukelenge wa Ditalala.

Yeshaya 19:25

Bualu bua Yehowa wa misumba wakabavudishila disanka, wamba ne, Nuvudishibue disanka, ba mu Ejipitu, bantu banyi, ne Bena Ashû, mudimu wa bianza bianyi, ne Bena Isalele, buhianyi buanyi.

Yeshaya 45:11

Yehowa, Wa Tshijila wa Isalele, ne Mufuki wandi, udi wamba ne, Nenungebeshe bua malu adi kâyi manji kulua, anyi? Nenungelele mukenji bua bana banyi balume, anyi bua mudimu wa bianza bianyi, anyi?

Yeshaya 60:21

Bantu bebe bonso nebikale bakane; nebahiane buloba tshiendelele, bu lutonga lua dikuna dianyi, bu mudimu wa bianza bianyi, bua meme ntumbishibue.

Yirmeya 31:9

Nebalue badila muadi; nembalombole ne disengelela; nembendeshe ha buihi ne misulu ya mai, mu nshila mululame mudibo kabayi mua kulenduka; bualu bua ndi tatu wa Bena Isalele, ne Efelayima udi muanʼa bute wanyi.

Osheya 1:10

Kadi bungi bua Bena Isalele nebuikale bu nsenga ya ku mai manene, idibo kabayi mua kuidikisha anyi kubala; ne mu muaba wakadibo bamba ne, Kanuena bantu banyi, nebabambile ne, Nudi bana balume ba Nzambi wa muoyo.

Malaki 2:10

Tuetu bonso katuena ne tatu umue, anyi? Nzambi umue kakatufuka, anyi? Bualu kai tudi tusonguelangana, tunyanga bietu dihungila dia batatu betu?

Ekesode 32:12

Munyi mudi Bena Ejipitu mua kuamba ne, Yeye wakabaluhula bua kubenzela bibi, ne bua kubashiha ku mikuna, ne bua kubajimisha ha buloba? Lekela tshiji tshiebe tshikole, ukudimune mutshima bua malu audi musue kuenzela bantu bebe.

Dielulula 9:29

Bobo batshidi bantu bebe ne buhianyi buebe, bawakahatula ne bukole buebe bunene ne diboko diebe diolola.

Misambu 74:1

Wewe Nzambi, bualu kai wakutubenga tshiendelele? Tshiji tshiebe tshidi tshihatuila mikoko ya mu tshidilu tshiebe tshidi ne mashinde muishi wa kahia bua tshinyi?

Misambu 95:6

Luai bienu, tumutendelele ne tumukukuile; tutue binu bietu hanshi ku mpala kua Yehowa Mufuki wetu.

Yeshaya 43:25

Meme, meme mene, ndi yeye udi ukubuikidila mihi yebe bua bualu buanyi bume, tshiena nvuluka malu mabi ebe kabidi.

Yeshaya 57:16

Bualu bua tshiena ntandangana nʼandi tshiendelele, tshiena ngikala ne tshiji matuku onso; bua nyuma wa muntu udi ufuma kundi, ne nakufuka muhuya wa muoyo.

Yeshaya 63:8

Bualu bua yeye wakamba ne, Bulelela, badi bantu banyi, badi bana banyi badi kabayi bandinga; nunku yeye wakalua Musungidi wabo.