Yeshaya 6:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Biashalamu tshia dikumi, tshiotshi netshioshibue mu kahia tshiakabidi, bu mudi mutshi wa telebinta anyi mutshi wa chêne ishiya bikuka hayitahabo hanshi. Tunkanunuina tua tshijila netuikale tshikuka tshia bantu aba.

MUKANDA WA MYIDI MUKULU

¹³ Ku bantu dikumi, anu umue neapanduke ku tshinyangu. Yeye awu neabutuke kabidi. Neikale bu lutonga ludi lutoloka ku tshikuku tshia lusanga, nansha tshia mutshi wa terebinte. Nebaludie kudi nyama. Kadi tshikuku tshidi tshishala, netshisangule bantu badi banemeka Maweja-Nangila.

Yeshaya 6:13 Referans Kwoze

Genese 22:18

bisamba bionso bia ha buloba nebisanke bualu bua tunkanunuma tuebe, bualu bua wewe wakatumikila di dianyi.

Ezela 9:2

Bualu bua bobo ne bana babo balume bakadiangatshila bana bakashi ba bantu aba bu bakashi babo; nunku bantu ba tshijila bakabuelakana ne bena maloba â; bulelela, bantu banene ne bakokeshi bakadianjila kuenza bubi ebu.

Marke 13:20

Bu Mukelenge kai mukeheshe matuku au, muntu umue kakadi kuhanduka; kadi yeye wakukehesha matuku au bualu bua bantu bandi bakusunguleye.

Malaki 2:15

Nzambi kakatufuka ne kakatuha muoyo, anyi? Yeye udi ukeba tshinyi? Udi ukeba bana badi banemeka Nzambi. Nunku nudimuke bienu bua umue wenu kalekedi mukashi wa ku bunsongalume buandi.

Yeshaya 1:9

Bu Yehowa wa misumba kayi mutushile difuka dikese dia bantu bakahanduka munkatshi mua bantu bakadiku diambedi, tuakadi kuikala bu Sodoma, tuakadi kufuanangana ne Amola.

Rome 9:5

Bankambua betu mbabo, kudibo nkudi Kilisto mufume mu buntu buandi, udi biandi ku mutu kua bonso, Nzambi mene, mutumbishibue tshiendelele. Amen.

Yeshaya 4:3

Hashishe, nebabikile muntu udibo bashiya mu Siona ne utshidi mushale mu Yelushalema ne, Wa Tshijila, mmuntu yonso mene udibo bafunda dina diandi munkatshi mua bantu basungudibue bua kuikaleye ne muoyo mu Yelushalema.

Matayi 24:22

Bu matuku au kâi makeheshibue kudi Nzambi, nasha muntu wakadi kuhanduka; kadi Yeye neateheshe matuku au bualu bua badibo basungula kudi Nzambi.

Dielulula 7:6

Bualu bua nuenu nudi bantu ba tshijila kudi Yehowa, Nzambi wenu; Yehowa, Nzambi wenu, wakanusungula munkatshi mua bisamba bionso bidi hanshi ha buloba, bua nuenu nuikale bantu ba buhianyi buandi.

Yeshaya 11:1

Lutonga nelutoloke ku tshikuku tshia Yishai, ne ditamba dia ku miji yandi nedikuame mamuma.

Yezekiyele 6:8

Kadi nenshiye difuka dia bantu bakuabo munkatshi muenu bahanduke ku muele wa nvita wa munkatshi mua bisamba bikuabo, hanuamuangalashibua mu maloba makuabo.

Amosa 5:3

Bualu bua Mukelenge Yehowa udi wamba ne, Mu musoko mudi muhatuke bantu tshinunu nemushale anu lukama; ne mu musoko mudi muhatuke bantu lukama nemushale anu dikumi dia Bena Isalele.

Zekâya 13:8

Yehowa udi wamba ne, Muanda eu newikale mu buloba ebu buonso, nebashihe bituha bibidi, nebafue; kadi tshituha tshisatu netshishalemu.

Dielulula 28:62

Diambedi nuakadi bungi bua mitoto ya mu diulu kadi nenushale anu banya-banya, bualu bua kanuakunvua dî dia Yehowa, Nzambi wenu.

Ezela 9:8

Katataka mu tshituha tshikese Yehowa, Nzambi wetu, wakutulesha luse luandi bua kutushila difuka dikese dia bantu ne bua kutuha mutshi wa tshikuminu mu muaba wandi wa tshijila, bua Nzambi wetu atabashe mesu etu, bua kutusangasha mu buhika buetu.

Mika 5:6

Nebabutule buloba bua Ashû ne muele wa nvita, ne buloba bua Nimeloda tô ne ku bibuelelu biabu. Yeye neatuhandishe kudi Muena Ashû halueye mu buloha buetu, hadiateye ku mikalu yetu.

Sefanya 3:12

Bualu bua nenshiye bantu bakengeshibue ne bahele munkatshi muenu, bobo nebanyemene ku dina dia Yehowa.