Yeshaya 51:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Telejai matshu enu kundi, nuenu badi balonda buakane, nuenu badi bakeba Yehowa. Tangilai ku dibue kuakanuhandabo, ne ku tshina tshia mabue kuakanumbulabo.

MUKANDA WA MYIDI MUKULU

¹ Maweja-Nangila udi wamba ne: “Nuenu badi bakeba lupandu, nuenu badi balukeba kundi, ntelejayi. Tangilayi mudibu banusonge ne dibue dia mu lubuebue lukole. Vulukayi mudibu banupatule muaba udibu bapandila mabue mimpe.

Yeshaya 51:1 Referans Kwoze

Yeshaya 51:7

Nungunvuile, nuenu badi bamanye buakane, badi ne diyisha dianyi dia mikenji mu mitshima yenu; kanutshinyi bihendu bia bantu, buowa kabunukuatshi bua matuka abo.

Misambu 94:15

Bualu bua dilumbulula diakane nedihingane kudi badi bakane, ne bonso badi ne mitshima miakane nebadilonde.

Ebrewu 12:14

Nukebe kuheta ditalala ne bantu bonso, ne kujidibua kudi muntu kai nʼaku kena mumanye mua kutangila Mukelenge.

Rome 14:19

Nunku tulonde bietu malu adi avuisha ditalala ne malu atudi mua kudiundishangana nʼau.

Yeshaya 48:12

Teleja matshu kundi, wewe Yakoba, Isalele mene unakubikila! Meme ndi yeye; ndi wa kumudilu, ndi wa kunshikidilu kabidi.

2 Timote 2:22

Kadi unyeme nkuka ya bansongalume; londa ku nyima kua buakane, ditabusha, dinanga, ditalala, hohamue ne badi babikila dinu dia Mukelenge ne mitshima mitoke.

Amosa 5:6

Kebai Yehowa, nenuikale ne muoyo; bua yeye katemeshi kahia mu tshiota tshia Yosefe, bua koko kakabashidishi, kakuyi muntu mu Betele udi mua kukajima;

Nsumuinu 21:21

Udi ulonda buakane ne luse lujalame udi uheta muoyo, buakane ne butumbi.

Nsumuinu 15:9

Bienzedi bia muntu mubi bidi bitondesha Yehowa, kadi yeye udi unanga muntu udi ulonda buakane.

1 Timote 6:11

Kadi wewe, muntu wa Nzambi, nyema malu â; londa malu makane ne a buimpe bua Nzambi ne ditabusha ne dinanga ne ditantamana ne kalolo.

Filipe 3:13

Bana betu, tshiena ndibala bu muntu wakamana kubukuata; kadi ndi ngenza bualu bumue: Handi mpua muoyo bua malu a ku nyima, handi ndobelela ku malu adi ku mpala,

Matayi 6:33

Kadi diambedi kebai bukelenge buandi ne buakane buandi, nunku nebanuhe bintu ebi bionso.

Matayi 5:6

Badi ne nsala ne nyota ya buakane badi ne disanka bua bobo nebûkute.

Yeshaya 45:19

Tshiakuamba dî mu musokoko, mu muaba wa mu buloba bua mîdima: tshiakuambila tunkanunuma tua Yakoba ne, Nunkebe mu muaba udi mutuhu. Meme Yehowa ndi ngamba mei a bushuwa, ndi ngamba mei adi majalame.

Misambu 24:6

Aba mbantu ba mu tshikondo etshi badi bamukeba, badi bakeba mpala webe, wewe Nzambi wa Yakoba.

Sefanya 2:3

Kebai Yehowa, nuenu bena kalolo bonso ba ha buloba, badi batumikila mikenji yandi; kebai buakane, kebai kalolo; bumue nebanusokoke mu dituku dia tshiji tshia Yehowa.

Yeshaya 55:6

Yehowa udi wamba ne, Keba Yehowa haudi mumanye mua kumusangana; umubikidile hatshidiye ha buihi.

Yeshaya 51:4

Unvuai dî dianyi, nuenu bantu banyi; telejai matshu enu kundi, nuenu ba mu tshisamba tshianyi; bualu bua diyisha dia mikenji nedihatuke kundi, ne kulumbulula kuanyi kuakane nekuikale munya kudi bantu.

Rome 10:3

Bualu bua hakahangabo kumanya buakane bua Nzambi, ne hakadibo bakeba kujadika buakane buabo mene, kabakadikokesha ku buakane bua Nzambi.

Yeshaya 65:10

Shalona nealue budimi bua mashinde bua mikoko, ne Luhongo lua Akola neluikale muaba wa bimuna kulalamu, bua bantu banyi bakunkeba.

2 Kulondolola 15:2

wakaya kusangakena ne Asa, wakamuambila ne, Unvuai, Asa ne Bena Yuda ne Bena Benyamina; Yehowa udi nʼenu, hantshidi nʼandi; binuamukeba, nenumuhete; kadi binuamulekela, yeye neanulekele.

2 Kulondolola 15:4

kadi mu ntatu yabo hakakudimunabo mitshima yabo kudi Yehowa, Nzambi wa Isalele, bobo bakamuheta.

Yeshaya 48:1

Unvuai bualu ebu, nuenu bana ba Yakoba, badibo babikila ku dina diandi dia Isalele, ne badi bahatuka munda mua Yuda; badi baditshiha ku dina dia Yehowa, badi batela dina dia Nzambi wa Isalele, kadi kabena baditela mu bushuwa anyi mu buakane.