Yeshaya 5:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua budimi bua tumuma tua nvinyo bua Yehowa wa misumba budi tshisamba tshia Bena Isalele, ne bantu ba mu Yuda badi mitshi yandi idiye munange. Yeye wakatekemena kulumbulula kuakane, kadi monai! Kumatshisha kua mashi kudiku; wakatekemena buakane, kadi monai! Muadi udiku.

MUKANDA WA MYIDI MUKULU

⁷ Budimi bua mvinyo bua Maweja-Nangila muena bukole buonsu, ntshisamba tshia bena Izrayele. Mionji mimpe ivua imusankisha, ntshisamba tshia bena Yuda. Maweja-Nangila uvua mutekemene ne: bantu bende nebenzelangane bimpe, kadi badi amu bakengeshangana. Uvua mutekemene ne: bantu bende nebenze amu bidi bimpe. Kadi miaba yonsu, badibu bakengesha, badi badila amu miadi ya kanyinganyinga. (Tun. 8-24: 10.1-4)

Yeshaya 5:7 Referans Kwoze

Yakobe 5:4

Monai, difutu dia bena mudimu bakanunowela madimi enu, dinutshidi nushala nʼadi ku buibi, didi diela dî dikole; ne muadi wa bahuodi wakubuela mu matshu a Mukelenge wa Misumba Yonso.

Yowanane 15:2

Ditamba dianyi dionso didi kadî dikuama mamuma, yeye neadiumushe, kadi ditamba dionso didi dikuama mamuma yeye neadilengeshe bua kukuamadi mamuma makuabo.

Luke 18:7

Nzambi mene kena usombuela bakasunguleye, batu badila kudiye butuku ne munya, nasha bialehesheye musangu mule bua kubakuatshisha, anyi?

Matayi 23:23

Nuenu bafundi ne Bafalese, nudi bena lubombo! Mulau ulualua kunudi; bualu bua nuenu nutu nuafila tshia dikumi tshia luenyi, ne tshia tshidibiʼa luenyi, ne tshia tshikote, kadi nuakulekela kuenza malu makole a mikenshi ya Nzambi, bulelela ne luse ne ditabusha; biakadi bimpe bia nuenu kuenza malu â a ku nyima, kambimpe nulengulule mua kuenza malu au a ku mpala kabidi.

Sefanya 3:17

Yehowa Nzambi webe udi munkatshi muenu, muena bukitu bukole udi ukusungila. Yeye neasanke bua bualu buebe ne disanka dinene, neakusangashe mu dinanga diandi, neasanke bua bualu buebe ne kuimba kua misambu.

Mika 6:8

Wewe kampanda, bakukulesha bualu budi buakane; ne Yehowa udi utekemena malu kai kûdi? Anu bua wewe kuenza malu makane, kunanga kulesha bakuabo luse, ne kuenda ne Nzambi webe ne mutshima muhuekele.

Yirmeya 12:10

Balami ba mikoko ba bungi bakunyanga budimi buanyi bua tumuma tua nvinyo, bakudiata luseke luanyi lua buhianyi mu makasa; bakuyisha luseke luanyi luakane bu tshihela tshia hatuhu.

Yeshaya 62:5

Bu mudi nsongalume ubaka mukashi utshidi kamama, muibaki webe neikale bayebe, ne bu mudi mubaki wa mukashi usanka bua mukashi udiye ubaka, nunku Nzambi webe neasanke bua bualu buebe.

Yeshaya 5:2

Yeye wakabubundulula, wakumusha mabue onso akadimu, wakakunamu mionshi ya tumuma yakatamba buimpe, wakasa tshibumba tshia batentekedi munkatshi muabu, wakumbula tshikaminu tshia tumuma mu dibue diakadimu; wakatekemena ne, Budimi nebukuamishe tumuma tua nyinyo tuimpe, kadi buakakuamisha tumuma tusasa.

Yeshaya 3:17

nunku Mukelenge neameneshe nsudi ha mbombo ya mitu ya bana bakashi ba mu Siona, Yehowa neabavule bilulu biabo bua kusokolola butaka buabo.

Yeshaya 3:14

Yehowa neabande bankolomo ne bakokeshi babo ba bantu bandi ne, Nuenu mene bakudia tumuma tuonso tua mu budimi bua tumuma tua nvinyo; bintu binuakunyenga kudi bahele bidi mu nsubu yenu.

Yeshaya 1:6

Munda mua makasa tô ne ku lubombo lua mutu kakuena muaba udi kauyi ne disama, anu mputa, biuja, ne mibundabunda mihia-mihia, bidi kabiyi bianze kukama, kabiyi bianze kujingila ne tshilulu, kabiyi bianze kutekeshibua ne manyi.

Musambu wa Solomo 7:6

Wewe udi mulengele be, udi unsankisha, wanyi munanga, dishina dia masanka.

Nsumuinu 21:13

Udi ujibika mu matshu andi bua kaunvu muadi wa muhele nêle biandi dî bikole, kabena bamunvuila nansha.

Misambu 149:4

Bualu bua Yehowa udi ne disanka mu bantu bandi. Udi ulengesha badihuekeshi ne luhandu.

Misambu 147:11

Kadi Yehowa udi usanka bua badi bamutshina, bua badi ne ditekemena diabo mu luse luandi lujalame.

Misambu 80:15

Ukube muonshi munene wakadi tshianga tshiebe tshia bukole tshikuna, ne muana eu wa balume uwakukolesha bua bualu buebe.

Yobe 34:28

Bua bualu ebu bakafikisha muadi wa bahele kudiye, ne yeye wakunvua muadi wa bakengi.

Dielulula 15:9

Nudimuke, kanuedianganyi meji mabi mu mitshima yenu ne, Tshidimu tshia muanda mutekete, tshidibo balekelelangana bintu tshikadi ha kulua, ne kanuenzedi muanʼenu muhele bibi, bua kubenga kumuha tshintu; bua kadidi kudi Yehowa bualu buebe, ne bua wewe kushadi ne bubi.

Ekesode 3:7

Yehowa wakamba ne, Nakutangila dikenga dia bantu banyi badi mu Ejipitu bulelela, nakunvua muadi wabo bualu bua tuhita tuabo, bualu bua ndi mumanye kanyinganyinga kabo.

Genese 4:10

Yeye wakamukonka ne, Wewe wakuenza tshinyi? Muadi wa mashi a muakunyʼebe udi wela di kundi difume ha buloba.

2 Samuele 7:10

Nensunguile bantu banyi Bena Isalele muaba, nembajadikemu bua bobo bashikame mu muaba wabo, kabena bumukamu kabidi; bantu babi kabena babatatshisha bu muakenzabo diambedi;

Muambi 4:1

Nakatangila kabidi makenga onso adibo bakengesha nʼau bantu muinshi mua diba; monai binsonshi bia bakadi bakengeshibua kabayi ne musambi! Bakabakengesha bakadi ne bukole, bobo kabakadi ne musambi.

Yeshaya 3:15

Nudi nudiata bantu banyi muinshi mua makasa enu, nudi nuhela mpala ya bahele ne mpelu yenu munyi? Edi ndikonka didi Mukelenge, Yehowa wa misumba mene, unukonka.

Yeshaya 27:2

Mu dituku adi nebimbe musambu eu: Budimi bua tumuma tua nvinyo buimpe budiku, nuimbe musambu bualu buabu!

Yeshaya 30:12

Bua mei â Wa Tshijila wa Isalele udi wamba ne, Bualu bua nuakuhetula dî dianyi, ne nudi nueyemena anu malu a tshinyangu ne a tshitshu, ne nudi nuatekemena kabidi;

Yeshaya 59:4

Kakuena muntu udi ufunda tshilumbu ne mutshima muakane, kakuena muntu udi wakula tshilumbu tshiandi mu bulelela; buonso buabo badi beyemena malu a hatuhu, badi bamba mashimi; badi bimita mafu adi ne malu mabi ne badi balela bualu bubi.

Yeshaya 59:13

ludi tumutombokela, ne tudi tuhidia Yehowa; tudi tuhingana, katuyi tulonda Nzambi wetu; tudi tuamba mei a dikengesha ne ditomboka; tudi tuelangana meji a mashimi ne tudi tuamba mei a mashimi adi afuma mu mitshima yetu.

Yeshaya 59:14

Ka kulumbulula kuakane kudi kuhingashila ku nyima, ne buakane budi buimana ha bule; bua bushuwa budi bulenduka, dudishinda mu muaba munene wa musoko, ne buakane kabuena bumanye mua kubuelamu.

Yirmeya 24:2

Tshibondo tshimue tshiakadi ne mamuma a nfigi mimpe, bu mamuma a nfigi akulua diambedi; tshibondo tshikuabo tshiakadi ne mamuma a nfigi mahite bubi, akadibo kabayi mua kudia.

Yirmeya 50:46

Buloba nebuzakale, bua diyoyo dia ha kutambabo Babulona bukole, ne muadi wandi neufike mu matshu a ba mu bisamba bia bantu.

Yezekiyele 22:29

Bena buloba bakukengeshangana hatuhu, bakunyenga bintu bia bakuabo; bakutatshisha bahele ne bakengi, bakukengesha muntu wa bende wakadi kayi ne bualu.

Mika 6:12

Bualu bua bantu babanji ba mu musoko eu badi bûle tente ne tshimbambila, ne bena musoko badi bamba malu a mashimi, ludimi luabo ludi anu ne mashimi mukana muabo.

Yeshaya 1:21

Monai mudi musoko eu wakamanyabo mua kueyemena diambedi muandamuke mukashi wa masandi! Wowo wakadi mule tente ne kulumbulula kuakane, kuakadi buakane bushikamemu diambedi, kadi katataka anu bashihianganyi badimu!

Yeshaya 46:12

Nuenu, badi ne mitshima idi ne tshitshu, badi bashilangana ne buakane kule, telejai matshu enu kundi.

Osheya 10:1

Bena Isalele badi bu muonshi udi ulamba bikole, udi ukuama mamuma a bungi. Bu muakakuamabo mamuma a bungi, mbu muakavudishabo bioshelu bia bungi; bu muakadi buimpe bua buloba buabo, mbu muakalengeshabo makunshi a tshijila.

Abakuke 1:3

Bualu kai udi ummueneshisha bienzedi bibi ne utangishisha mesu anyi ku dikengeshangana dia bantu? Kubutuka ne malu makole bidi ku mpala kuanyi; nvita ne kufuilangana bidi bijuka.