Yeshaya 5:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nenkubutule, ne kabena balengesha matamba a mionshi yabu kabidi, kabena babulula; kadi meba ne mingonge nehimenemu; nengele matutu mukenji bua kalokeshi nvula hamʼbidi habu.

MUKANDA WA MYIDI MUKULU

⁶ Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Yeshaya 5:6 Referans Kwoze

Yirmeya 25:11

Buloba ebu bujima nebushale bu tshikulu, ne bu tshintu tshidi tshikemesha bantu; ba mu bisamba ebi nebakuatshile mukelenge wa Babulona mudimu bidimu makumi muanda mutekete.

Didimanyisha 11:6

Bobo badi ne bukole bua kuinshila diulu, bua nvula kailoki mu matuku a mayisha abo a baprofete, ne badi ne bukole ha mutu ha mai bua kuândamuna mashi ne bua kukuma buloba ne bihuhu misangu yonso yasuabo.

Luke 21:24

Nebahone ku muele wa nvita, nebaye nʼabo bakuata mu bisamba bionso; bantu ba bisamba bia bende nebadiate Yelushalema munshi mua makasa abo tô ne hashika tshikondo tshia bantu ba bisamba bia bende.

Amosa 4:7

Meme kabidi nakakanda nvula bua kanulokedi, hakadi ngondo isatu mishale tshikondo tshia kunowa katshiyi tshianji kufika; nakalokeshila musoko mukuabo mula, nakakanda nvula bua kalokedi musoko mukuabo. Nvula yakalokela budimi bukuabo, kadi bintu bia mu budimi buakadi kabuyi ne nvula biakafubidila.

Osheya 3:4

Bualu bua Bena Isalele nebashale matuku a bungi kabayi ne mukelenge, kabayi ne mukokeshi, kabayi ne milambu mishihela Yehowa, kabayi ne dikunshi dia tshijila, kabayi ne tshilamba tshia efoda, ne kabayi ne telafima.

Yirmeya 45:4

Umuambile dî edi ne, Yehowa udi wamba ne, Mona, nensasule tshintu tshinakuasa, nentule tshintu tshinakukuna; nengenze nunku mu buloba bujima.

Yirmeya 14:22

Mukuabo udiku wa munkatshi mua nzambi ya hatuhu ya bantu ba bende udi mua kulokesha nvula, anyi? Diulu dine didi mua kulokesha nvula nkayadi, anyi? Kenguewe, Yehowa Nzambi wetu, udi mua kuenza nunku, anyi? Nunku netukuindile, bualu bua wewe wakuenza malu â onso.

Yirmeya 14:1

Dî dia Yehowa diakalua kudi Yelemiya bualu bua munanga:

Yeshaya 30:23

Yeye neakutumine nvula bua maminu ebe audi ukuna mu buloba, ne bidia bia ku matete adi buloba budiundisha nebikale ne manyi, nebikale bia bungi. Mu dituku adi bimuna biebe nebidie mashinde mu madimi manene.

Yeshaya 24:12

Mu musoko mudi mushala dibutuka, ne tshibuelelu tshiau tshiakubutudibua, tshiakutshihuka bituha bituha.

1 Bakalenga 17:1

Eliya, Muena Tishebe, wakadi usomba mu Gilada, wakambila Ahaba ne, Bu mudi Yehowa, Nzambi wa Isalele, ne muoyo, undi ngimana ku mpala kuandi, nansha mume nansha nvula kabiena bimueneka bidimu ebi anu ku dî dianyi.

Dielulula 29:23

ne buloba buonso budi bu butue ne luehu ne bintu bioshibue, kabena bakunamu tshintu, kabena bahuolamu tshintu; ne mashinde kaena amenamu: buloba budi buikala bu kubutuka kua misoko ya Sodoma ne Amola ne Adema ne Seboima yakashiha Yehowa mu tshiji tshiandi tshikole;

1 Bakalenga 8:35

Hawakanda diulu bua nvula kayimatshi, bualu bua bobo bakukuenzela bibi; biatendelelabo ku muaba eu, bitabushabo dina diebe, biakudimunabo mitshima yabo bua mibi yabo hawabakengesha,

Yobe 31:40

nunku, meba adiunde mu muaba wa blé, bisonsa bia tshianana bunene mu muaba wa orge. Mei a Yobo akuhuwa.

Yeshaya 7:19

Yoyo neyilue, ne buonso buai neyikile mu mpongo ya hatuhu, ne mu mitanta ya mabue, ne hamʼbidi ha mitshi idi ne meba, ne ha madimi onso a kudishamu bimuna.

Yeshaya 32:10

Hahita tshidimu tshijima ne matuku makese ha mutu, nemuikale, nuenu badi badieyemena; bualu bua mionshi ya tumuma tua nvinyo neyihange kukuama, kuhuola kuatu kakuena kumueneka.

Yeshaya 49:19

Bualu bua miaba yebe minyanguke ne misoko yebe yakadi bikulu, ne buloba buebe buakadi bubutuke, nebitambe kubumbakana bua bantu bashikamemu. Bantu bakakumina diambedi nebikale kule.

Yeshaya 55:13

Mu muaba muakadi meba mutshi wa cyprès neutoloke, mu muaba muakadi mungonge mutshi wa myrte neutoloke; Yoyo neyikale kudi Yehowa bu tshivulukidi, bu tshimanyinu tshia tshiendelele tshidibo kabayi mua kujimisha.

Osheya 9:6

Monai, bakuya kukuabo bualu bua kubutuka kua buloba buabo, kadi Ejipitu neabasangishe kudiye, Mempi neabajike. Mpesa neyihiane bintu biabo bilengele bia argent; mingonge ya meba neyikale mu ntenta yabo.

Yowele 1:7

Tshiakunyanga mionshi yanyi ya tumuma tua nvinyo, tshiakuvuisha mitshi yanyi ya nfigi bu mitshi miume; tshiakubula bihusu ne tshiakubimasha; matamba au akulua matoke tô.

Nsumuinu 24:31

Monai! Buakadi ne mingonge mitoloka kuonso, buakadi tente ne mpesa, ne luhangu luabu lua mabue luakadi lushimbuke.

Muadi 2:6

Wakusasula tshitendelelu tshiandi ku bukole, tshitandatanda tshia mu budimi; wakubutula tshisangishilu tshiandi. Yehowa wakuenzesha bantu tshihua muoyo bua masangisha abo masungula bua kudia bidia ne bua dituku dia Lumingu, mu Siona; bua tshiji tshiandi tshikole wakuhetula mukelenge ne muakuidi.