Yeshaya 5:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nakadi kumanya mua kuenza tshinyi mu budimi buanyi tshindi tshiyi muanze kuenza? Bualu kai, hanakatekemena ne, Nebukuamishe tumuma tuimpe tua nvinyo, buakakuamisha anu tumuma tuzaza?

MUKANDA WA MYIDI MUKULU

⁴ Tshingenzela kabidi budimi buanyi, tshimvua tshiyi muanji kuenza ntshinyi? Meme kutekemena tumuma tua nsongu, kadi bobu kukuama amu tua bululu!

Yeshaya 5:4 Referans Kwoze

Matayi 23:37

Wewe Yelushalema, Yelushalema, udi ushiha baprofete, udi ukuma bakukutuminabo mabue! Misangu ya bungi nakasua kusangisha bana bebe bu mudi nsolo usangisha bana bandi mu mahuahua andi, kadi nuenu nuakuhidia.

Yirmeya 2:5

Yehowa udi ukonka ne, Batatu benu bakasangana dihanga kai munda muanyi bua bobo bakandekela, bakaya kule, bakalonda tshintu tshia hatuhu, ne bobo bine bakalua ba hatuhu?

Yezekiyele 24:13

Nunku, bualu bua bukoya bua malu ebe a tshikama, bualu bua nakukeba kukulengesha ne wewe kuena muanze kulengeshibua, kuena ulengeshibua ku bukoya buebe kabidi tô ne hanalekela tshiji tshianyi tshindi nʼatshi kûdi.

Yeshaya 1:5

Bualu kai nutshidi ne bualu bua banukume kabidi, bua nudi nunanukila kutombokela? Mutu wonso udi musame, mutshima wonso udi muhungile.

Yirmeya 2:21

Kadi nakakutentula bu muonshi mutambe buimpe, bu muonshi wakadi anu ne maminu makane; wakandamuka kundi bu matamba munyanguke a muonshi wa bende munyi?

Yirmeya 7:25

Ku dituku diakaluhuka bankambua benu mu buloba bua Ejipitu tô ne ku dituku edi nakabatumina bantu banyi bonso, baprofete mene, mbika bianyi ha lunkelu buatshia-buatshia bua kubatuma kudibo;

Yirmeya 7:26

kadi kabaka-ngunvuila, kabakateleja matshu abo kundi; kadi bakakolesha tshishiku tshiabo, bakahita batatu babo bubi.

Yirmeya 24:2

Tshibondo tshimue tshiakadi ne mamuma a nfigi mimpe, bu mamuma a nfigi akulua diambedi; tshibondo tshikuabo tshiakadi ne mamuma a nfigi mahite bubi, akadibo kabayi mua kudia.

Ekesode 37:22

Bihanga ne mahu a tshitekelu biakadi bia tshituha tshia or tshimue, bakatula bintu bionso ne tshiamu tshia or nkayandi.

Osheya 10:1

Bena Isalele badi bu muonshi udi ulamba bikole, udi ukuama mamuma a bungi. Bu muakakuamabo mamuma a bungi, mbu muakavudishabo bioshelu bia bungi; bu muakadi buimpe bua buloba buabo, mbu muakalengeshabo makunshi a tshijila.