Yeshaya 5:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Mulau wikale kudi badi bakoka malu mabi kudibo ne mionshi ya mashimi, badi bakoka bualu bubi bu muakadibo babukoka ne nshinga ya ku dikalu,

MUKANDA WA MYIDI MUKULU

¹⁸ Bantu badi badikebela dinyoka, bualu badi bakoka malu abu mabi, mudi ngombe ukoka ditempu dia bujitu. Bonsu aba mbena diakabi.

Yeshaya 5:18 Referans Kwoze

Yirmeya 23:14

Nakumona malu mahite bubi munkatshi mua baprofete ba mu Yelushalema kabidi; badi benda masandi, badi benda mu mashimi; badi bakolesha maboko a benji ba malu mabi, nunku kakuena muntu udi walukila kundi, ulekela bubi buandi; nunku buonso buabo bakulua bu Bena Sodoma ku mesu kuanyi, ne bena musoko eu bakulua bu Bena Amola.

Yezekiyele 13:22

Bualu bua ku mashimi enu nuakunyingalasha mutshima wa muntu muakane, undi tshiyi munyingalashe; nuakukolesha mutshima wa muntu mubi bua yeye kalekedi kuenda mu nshila wandi mubi bua kuhandisha muoyo wandi.

Yirmeya 23:10

Bualu bua buloba budi bûle tente ne bena masandi; buloba budi bujinga bualu bua mulau, ne mpata ya mu tshihela yakudishila mikoko yakufubidila Badi benda mu malu mabi, bukole buabo kabuena buakane.

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Misambu 36:2

Bualu bua didi dimubomba ku mesu kuandi ne, Kabena bamuenesha dihambuka diebe dia ku buakane, kabena badikina.

Bienzedi 26:9

Bulelela, meme kabidi nakadi ngelangana meshi ne, Bundi nʼabu mbua kuenza malu a bungi adi abihisha dina dia Yesu wa ku Nazaleta.

Yowanane 16:2

Nebanuhatule mu nsunagoga; bulelela, diba nedilue diela munushihi meshi ne, Ndi ngenzela Nzambi mudimu.

Sefanya 1:12

Mu tshikondo atshi nenkebekebe mu Yelushalema ne minda, nenkengeshe bantu badi bashikame tshianana bua maluvu a nyinyo musambakena ha bisekeseke, badi bamba mu mitshima yabo ne, Yehowa kena wenza malu mimpe, kena wenza malu mabi.

Yirmeya 23:24

Yehowa udi ukonka ne, Muntu udi mua kusokoma miaba ya mu busokoko indi tshiyi mumanye mua kumutangila, anyi? Yehowa udi ukonka ne, Tshiena ngûsha diulu ne buloba tente, anyi?

Yeshaya 28:15

Bualu bua nuakuamba bienu ne, Tuakuhunga tshihungidi ne lufu, tuakuhungakasha dî ne Muaba wa Bafue; halua tshihuhu tshidi tshihongoloka kuhitshilamu, katshiena tshifika kutudi; bualu bua tuakuvisha mashimi tshinyemenu tshietu, tuakusokoma muinshi mua kudinga.

Misambu 14:1

Muhote udi wamba mu mutshima wandi ne, Kakuena Nzambi. Bobo badi banyanguke, badi benza malu mabi adi afuisha bundu; kakuena nansha umue wabo udi wenzaku malu mimpe.

Misambu 10:11

Yeye udi udiamba mu mutshima wandi ne, Nzambi wakuhua muoyo; udi usokoka mpala wandi, kena utangila bualu ebu kashidi.

Balombodi 17:13

Hashishe Mika wakamba ne, Katataka ndi mumanye ne Yehowa neangenzele bimpe, bualu bua meme ndi ne Muena Lewi bu muakuidi wanyi.

Balombodi 17:5

Muntu eu Mika wakadi ne nsubu wa mpingu, Wakenza kabidi efoda ne telafima, wakajidila umue wa bana bandi balume, wakalua muakuidi wandi.

Yirmeya 36:23

Hakabala Yehudi mabeshi asatu anyi anai, mukelenge wakâkosa ne kele, wakaela mu kahia kakadi muiku tô ne hakahia mukanda mujima mu kahia kakadi muiku.

Nsumuinu 4:17

Bualu bua badi badia bia kudia bia bubi, badi banua nvinyo ya tshimbambila.