Yeshaya 49:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Monai, bantu aba nebafume kule, ne bantu aba nebafume ku nôde, ne ku wesete, ne bantu aba nebafume ku buloba bua Bena Siene.

MUKANDA WA MYIDI MUKULU

¹² Tangilayi, mbobu aba bakadi bafika. Badi pa mayi manene, batumina kule. Bamue mbafumine ku mutu kua matunga, banga kudi diba dibuelela, bakuabu ku Ejipitu kuinshi kua ditunga.”

Yeshaya 49:12 Referans Kwoze

Didimanyisha 11:15

Muanjelo wa muanda mutekete wakela mpungi; ne mei makole a mu diulu akalua, amba ne, Bukelenge bua ha buloba buakulua bukelenge bua Mukelenge wetu, ne bua Kilisto wandi, ne yeye neakokeshe tô ne tshiendelele.

Didimanyisha 7:9

Ku nyima kua malu a nakatangila, ne mona, tshisumbu tshinene tshia bantu tshiakadi muntu kai mua kubala, munkatshi mua ditunga dionso, ne munkatshi mua bisamba bionso, ne bantu bonso, ne miaku yonso, bimana ku mpala kua nkuasa wa butumbi ne ku mpala kua Muana wa Mukoko, baluatshishibue maye, ka matoke, bikale ne malala a mabue mu bianza biabo.

Luke 13:29

Nebafume ku esete ne ku wesete ne ku node ne ku sude, nebashikame ku mesa mu bukelenge bua Nzambi.

Matayi 8:11

Ndi nuambila ne, Bantu ba bungi nebalue ku esete ne ku wesete, nebadie bidia ne Abalahama ne Isaka ne Yakoba mu bukelenge bua mu diulu;

Zekâya 2:11

Bisamba bia bungi nebilamate Yehowa dituku adi, nebikale bantu banyi; ne meme nenshikame munkatshi muenu, ne wewe neumanye ne Yehowa wa misumba wakuntuma kûdi.

Mika 4:2

Ba mu bisamba bia bungi bia bantu nebalue, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; yeye neatuyishe bienzedi biandi, tuetu netuende mu nshila yandi; bualu bua diyisha nediluhuke mu Siona, ne dî dia Yehowa nedihatuke mu Yelushalema.

Misambu 72:17

Dina diandi nedishaleku tshiendelele! Dina diandi netushale kudi tunkanunuma tuandi hatshidi diba ditema. Bantu nebadivudishile disanka mu bualu buandi; bisamba bionso bia bantu nebimubikile ne, Udi ne disanka.

Misambu 22:27

Ba mu kunfudilu kua buloba nebamuvuluke, nebakudimune mitshima yabo kudi Yehowa. Ba mu biota bionso bia bisamba bia bantu nebatendelele ku mpala kuebe.

Yeshaya 45:22

Hinganai kundi, nusungidibue, nuenu ba kunfudilu kua buloba; bualu bua meme ndi Nzambi, ne kakuena mukuabo muomumue nʼanyi.

Yeshaya 49:1

Nuenu, maloba a ku muelelu wa mai manene, telejai matshu kundi; nuenu bantu badi kule, nungunvuile. Yehowa wakumbikila diambedi tshiyi muanze kuedibua; hanakadi munda mua mamu wanyi, wakungidika dina dianyi.

Yeshaya 49:18

Bandulukaku, tangila nseke yonso, umone biebe! Bantu aba bonso badi badisangisha hohamue, badi balua kûdi. Yehowa udi wamba ne, Bu mundi ne muoyo, wewe neudiluatshishe ne buonso buabo bu tshilenga, neudijingile nʼabo bu mudi mukashi udi wamba kuya ku dibaka wenza.

Yeshaya 55:5

Monai, wewe neubikile tshisamba tshiudi kuyi muanze kumanya, ne bisamba bidi kabiyi bianze kukumanya nebinyemene kûdi, bualu bua Yehowa Nzambi webe, ne bua Wa Tshijila wa Isalele; bua yeye wakukutumbisha.

Yeshaya 59:19

Nunku nebatshine dina dia Yehowa ku wesete, nebanemeke butumbi buandi ku luseke ludi diba dibanda; bualu bua yeye nealue bu musulu wa mai adi ahueka lubilu, udi muhuya wa Yehowa wendesha.

Yeshaya 60:4

Banduluka biebe, tangila ku nseke yonso; buonso buabo badi badisangishe hohamue, badi balua kûdi; bana bebe ba balume nebafume ku miaba idi kule, bana bebe ba bakashi nebalue batuadibue mu lubese.

Yeshaya 11:12

Yeye neabishile ba mu bisamba bia bantu dibendela, neasangisheku ba mu Isalele bakihatabo kudi bantu ba bende, neasangishe honso bamuangalashibue ba mu Yuda hohamue, ba ku matengu anai a buloba.

Yirmeya 30:10

Nunku Yehowa udi wamba ne, Kutshinyi biebe, wewe Yakoba muntu wanyi; wewe Isalele, kuikadi ne buowa; bualu bua, mona, nenkusungile ku buloba budi kule, nensungile bana bebe mu buloba bua buhika buabo. Yakoba neahingane, neikale nolâ ne ditalala, ne kakuena muntu wamutshinyisha.

Zekâya 6:15

Bantu badi kule nebalue, nebenze mudimu wa kuasa ntempelo wa Yehowa, nenumanye ne, Yehowa wa misumba wakuntuma kunudi. Muanda eu neulue nunku, binuananukila kutumikila dî dia Yehowa Nzambi wenu.