Yeshaya 48:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Bua dina dianyi ndi mpumbisha tshiji tshianyi, bua butumbi buanyi ndi nkukandilatshi, bua meme tshikûmushi ha buloba.

MUKANDA WA MYIDI MUKULU

⁹ Kadi bu mundi Mvidi Mukulu, tshiena mua kulonda tshiji tshianyi. Ndi musue bua bantu banemeke dina dianyi. Ke mundi nnufuila luse. Tshiena musue kunubutula.

Yeshaya 48:9 Referans Kwoze

Yeshaya 37:35

Bualu bua nenduile bena musoko eu nvita bua kubasungila, bua bualu buanyi ne bua bualu bua muntu wanyi Davidi.

Misambu 143:11

Yehowa, usangashe muoyo wanyi bua dina diebe. Mu buakane buebe uhatule muoyo wanyi mu dikenga.

Misambu 106:8

Kadi yeye wakabasungila bualu bua dina diandi, bua kumanyisheye bantu bua bukole buandi bunene.

Misambu 79:9

Wewe Nzambi wa luhandu luetu, utukuatshishe bua butumbi bua dina diebe! Utuhandishe, Utubuikidile malu mabi etu, bua bualu bua dina diebe!

Misambu 78:38

Kadi bualu bua yeye wakadi mûle tente ne luse, wakababuikidila tshitshu tshiabo, kakababutula. Bulelela, yeye wakakanda tshiji tshiandi misangu ya bungi, kakasonsola tshiji tshiandi tshionso nansha.

Yezekiyele 20:44

Mukelenge Yehowa udi wamba ne, Tshiena nnuenzela bu mudi malu mabi enu, anyi bu mudi bienzedi bienu binyanguke, nuenu ba mu tshisamba tshia Bena Isalele, kadi nenumanye ne, Ndi Yehowa, hananuenzela malu bua dina dianyi.

Yezekiyele 20:22

Kadi nakumusha tshianza tshianyi kudibo, nakabenzela malu â bua dina dianyi kadihendibu ku mesu kua ba mu bisamba bia bantu bakantangila hanakahatula Bena Isalele mu Ejipitu.

Yezekiyele 20:14

Kadi nakabenzela malu â bualu bua dina dianyi, bua kadihendibu ku mesu kua ba mu bisamba bia bantu bakadi bantangila banakahatula Bena Isalele mu Ejipitu.

Yirmeya 14:7

Bulelela, mihi yetu idi ituhisha, kadi wewe Yehowa, utukuatshishe bualu bua dina diebe; tuakualukila ku mibi misangu ya bungi, tuakukuenzela bibi.

Yeshaya 48:11

Bua bualu buanyi meme, anu bua bualu buanyi nkayabu, ndi ngenza bualu ebu; bua dina dianyi didi ne bua kuhendibua munyi? Tshiena mpa mukuabo butumbi buanyi.

Yeshaya 43:25

Meme, meme mene, ndi yeye udi ukubuikidila mihi yebe bua bualu buanyi bume, tshiena nvuluka malu mabi ebe kabidi.

Yeshaya 30:18

Nunku Yehowa udi windila bua kunulesha dinanga diandi; ne bua muanda eu neadioshe bua kunulesha luse; bualu bua Yehowa udi Nzambi udi ulumbulula biakane; bonso badi bamuindila badi bavudishibue disanka.

Misambu 25:11

Bualu bua dina diebe, Yehowa, umbuikidile bubi buanyi, bualu bua budi bunene.

1 Samuele 12:22

Yehowa kena ulekela bantu bandi bualu bua dina diandi dinene, bualu bua Yehowa wakasungula bua kunuvuisha bantu bandi mene.

Yezekiyele 20:9

Kadi nakabenzela malu â bualu bua dina dianyi, bua kadihendibu ku mesu kua ba mu bisamba bia bantu, kuakadibo bashikama, bantu mene bakadi bantangila hanakadimuenesha kudi Bena Isalele mu dituku dinakabahatula mu Ejipitu.

Nsumuinu 19:11

Lungenyi luimpe lua muntu ludi lukanda tshiji, ne butumbi buandi nkulekela muntu bubi.

Yoshua 7:9

Bualu bua Bena Kanâna ne bena buloba bonso nebulue lumu elu, nebatunyunguluke, nebajimishe dina dietu ha buloba; ne wewe newenze tshinyi bua dina diebe dinene?

Yeshaya 65:8

Yehowa udi wamba dî edi ne, Bu mudi bantu bamona nvinyo mihia-mihia mu tshisumbu tshia tumuma tua nvinyo, ne badi bamba ne, Kutshinyangi nansha, bualu bua disanka didi munda muatshi, nengenze muomumue bua bualu bua bantu banyi, ne tshiena nshiha buonso buabo.

Yezekiyele 36:21

Kadi nakasua bantu bonso banemeke dina dianyi dia tshijila, diakadi Bena Isalele banyanga munkatshi mua bisamba bia bantu kuakayabo.