Yeshaya 45:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Meme ndi Yehowa, kakuena mukuabo nansha; kakuena nzambi mukuabo muomumue nʼanyi nansha; nenkusuike mukaba, wewe kuyi muanze kummanya nansha;

MUKANDA WA MYIDI MUKULU

⁵ Maweja-Nangila ke meme, kakuena mukuabu to. Kakuena Mvidi Mukulu mukuabu, amu meme. Kuena mummanye to. Kadi ndi nkuangata ku mudimu.

Yeshaya 45:5 Referans Kwoze

Yeshaya 46:9

nuvuluke malu akadiku diambedi, bua meme ndi Nzambi, ne kakuena mukuabo; meme ndi Nzambi ne kakuena mukuabo bu meme,

Yeshaya 44:8

Kanutshinyi, kanuikadi ne buowa. Tshiakukuambila bualu ebu kale, tshiakukuleshabu, anyi? Nuenu nudi bamanyi bianyi. Nzambi mukuabo udiku muomumue nʼanyi, anyi? Nansha dibue dikuabo kadienaku; tshiena mumanye dikuabo nansha.

Yeshaya 44:6

Yehowa, Mukelenge wa Isalele, Muhikudi wandi, Yehowa wa misumba, udi wamba ne, Ndi wa kumudilu, ndi wa kunshikidilu; kakuena nzambi mukuabo, anu meme nkayanyi.

Yowele 2:27

Nenumanye ne meme ndi munkatshi mua Bena Isalele, meme Yehowa, ndi Nzambi wenu, ne kakuena Nzambi mukuabo; bantu banyi kabena bafuishibua bundu kabidi kashidi.

1 Bakalenga 8:60

bua bantu bonso ba ha buloba bamanye ne, Yehowa udi Nzambi; kakuena mukuabo.

Dielulula 32:39

Katataka, tangilai, anu meme nkayanyi, nYeye mene, kakuena nzambi mukuabo, anu meme; meme ndi nshiha bantu, ndi mbabisha ku lufu; meme ndi ntaha bantu mputa, ndi mbondaha kabidi; kakuena muntu udi mua kubasungila mu tshianza tshianyi.

Dielulula 4:35

Wakunuenzela nunku bua kunumanyisha ne, Yehowa udi Nzambi; kakuena Nzambi mukuabo.

Yobe 12:21

Udi ulengulula bakokeshi, udi usulula mukaba wa bantu bakole.

Misambu 18:39

Bualu bua wewe wakajingila ne bukole bua kuluangana nvita; wakinamisha bantu bakabika bua kuntantamena muinshi muanyi.

Dielulula 4:39

Numanye bienu lelu, nubueshe bualu ebu mu mitshima yenu ne, Yehowa udi Nzambi wa mu diulu ne hanshi ha buloba kabidi: kakuena mukuabo.

Misambu 18:32

Nzambi mene udi unjingila ne bukole, udi uvuisha nshila wanyi mululame tshishiki.

Yowanane 1:1

Ku tshibangidilu Dî diakadiku, Dî diakadi ne Nzambi, Dî diakadi Nzambi.

Ezela 1:2

Kolesha, mukelenge wa Pelasa, udi Wamba ne, Yehowa, Nzambi wa mu diulu, wakumpa makelenge onso a ha buloba; nyeye wakungelela mukenji bua meme kumuashila nsubu mu Yelushalema, udi mu buloba bua Yuda.

Yeshaya 22:21

nemmuluatshishe tshivualu tshiebe, nemmujingile mukaba webe, nenfile bukokeshi buebe mu bianza biandi; ne yeye neikale tatu kudi ba mu Yelushalema ne kudi ba mu Bena Yuda.

Yobe 12:18

Udi usulula nkanu idi banfumu basuika nʼai bakuabo, udi ubasuika mikaba mu bifuka.

Ekesode 9:14

Musangu eu nentume milau yanyi yonso ku mutshima webe ne kudi bena mudimu bebe ne kudi bantu bebe, bua kukumanyisha ne, Kakuena nzambi mukuabo bu meme mu buloba buonso.

Misambu 18:31

Bualu bua Nzambi udi nganyi, bikaleye kayi Yehowa nkayandi? Udi dibue nganyi, bikaladi kadiyi Nzambi wetu?

Yeshaya 43:10

Yehowa udi wamba ne, Nuenu nudi bamanyi banyi, ne nudi muntu wanyi unakusungula, bua nummanye ne nuitabushe dî dianyi, ne nujingulule bu mundi yeye mene. Kakuakadi nzambi mukuabo mufukibue ku mpala kuanyi, kakuena kuikala mukuabo ku nyima kuanyi.

Yeshaya 45:1

Yehowa udi wamhila muntu wandi udiye muele manyi ha mutu dî, Kolesha mene, unakukuata ku tshianza tshiandi tshia bukole, bua kutulula bisamba bia bantu ku mpala kuandi, ne bua kusulula mikaba ya ku bimono bia bakelenge; bua kunzulula bibi ku mpala kuandi, ne bua bibi kabinshidi kabidi.

Yeshaya 45:6

bua bantu ba kudi kuhatuka diba, ne ba kudi kubuela diba bamanye ne kakuena mukuabo muomumue nʼanyi. Meme ndi Yehowa, ne kakuena mukuabo nansha.

Yeshaya 47:8

Nunku unvua bualu ebu, wewe udi udikebela masanka, udi mushikame talalâ kuyi ne bualu, udi wamba mu mutshima webe ne, Meme ndiku, kakuena mukuabo nʼanyi hohamue; tshiena mushikame bu mukashi wa mu lufuila, tshiena mmona lufu lua bana banyi.

Yezekiyele 30:24

Nenkoleshe maboko a mukelenge wa Babulona, nenteke muele wa nvita mu bianza biandi, kadi nentshibule maboko a Palô, ne yeye neatue mikemu ku mpala kuandi, mikemu bu ya muntu udi mutahibue mputa ya lufu.

Misambu 18:33

Udi uvuisha makasa anyi bu mikono ya ngulungu mukashi, udi ungimanyika ha mutu ha mikuna yanyi mile.

Misambu 86:10

Bualu bua wewe udi munene, ne udi wenza malu a kukema; anu wewe nkayebe udi Nzambi.

Yeshaya 37:20

Nunku, ndi nkusengelela, Yehowa Nzambi wetu, utusungile mu tshianza tshiandi, bua ba mu makelenge onso a ha buloba bamanye ne wewe Yehowa udi Nzambi nkayebe.