Yeshaya 44:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Kadi unvua biebe mpindiu, Yakoba, mutu wanyi, wewe Isalele unakusungula.

MUKANDA WA MYIDI MUKULU

¹ Kadi mpindiewu, teleja, wewe tshisamba tshia Yakobe. Wewe Izrayele, muena mudimu wanyi, undi musungule.

Yeshaya 44:1 Referans Kwoze

Yeshaya 41:8

Kadi wewe, Isalele muntu wanyi. Yakoba unakusungula, kankanunuina ka Abalahama mulunda wanyi,

Yirmeya 30:10

Nunku Yehowa udi wamba ne, Kutshinyi biebe, wewe Yakoba muntu wanyi; wewe Isalele, kuikadi ne buowa; bualu bua, mona, nenkusungile ku buloba budi kule, nensungile bana bebe mu buloba bua buhika buabo. Yakoba neahingane, neikale nolâ ne ditalala, ne kakuena muntu wamutshinyisha.

Yirmeya 4:7

Nyama wa ntambue wakubandaku, mufume mu tshihuka muakadiye, mubutudi wa bisamba bia bantu; udi mu nshila wandi, muhatuke mu muaba wandi bua kuvuisha buloba buenu tshihela, bua misoko yebe ibutuke, ikale kayiyi ne bantu.

Misambu 105:6

nuenu tunkanuniuna tua Abalahama muntu wandi, nuenu bana ba Yakoba, bantu bakasunguleye.

Luke 13:34

Wewe Yelushalema, Yelushalema, utu washiha baprofete, utu wakuma bakukutuminabo mabue! Misangu ya bungi nakasua kusangisha bana bebe bu mudi nsolo usangisha bana bandi mu mahuahua andi, kadi nuenu nuakuhidia.

Yeshaya 55:3

Telejai matshu enu, nulue kundi; nunvue bienu, nenuikale ne muoyo. Bua nempunge nʼenu tshihungidi tshia tshiendelele, tshidi luse lunajadikila Davidi kashidi.

Yeshaya 43:1

Kadi mpindiu, Yehowa, wakakufuka wewe, Yakoba, wakakufuanyikisha wewe, Isalele, udi wamba ne, Kutshinyi, bualu bua nakukuhikula, nakukubikila ku dina diebe, wewe nguanyi.

Yeshaya 42:23

Nganyi wa munkatshi muenu wateleja matshu andi ku bualu ebu, wateleja ne wunvua biandi bua matuku adi kâyi manji kulua?

Genese 17:7

Nenjadike tshihungidi tshianyi hankatshi hetu hebe ne tunkanunuina tuebe to ne bikondo biatu bionso bu tshihungidi tshia tshiendelele, bua meme kuikala Nzambi webe ne wa tunkanunuina tuebe.

Misambu 136:22

Wakabufila bu buhianyi kudi Isalele muntu wandi, bua luse luandi ludi lujalame tshiendelele.

Yeshaya 14:1

Bualu bua Yehowa neafuile Yakoba luse, neasungule ba mu Bena Isalele bu bantu bandi kabidi, ne neabashikike mu buloba buabo bua diambedi. Bantu ba bende nebadisangishe nʼabo, nebadilamike kudi ba mu bana ba Yakoba.

Yeshaya 41:9

Wewe unakukuata bua kulua nʼebe kunfudilu kua buloba, unakubikila ku matengu abu, unakuambila ne, Wewe udi mukuatshishi wanyi wa mudimu, nakukusungula ne tshiena mukuhidie.

Yeshaya 44:21

Vuluka malu â, Yakoba, Isalele mene; bualu bua wewe udi muntu wanyi! Nakukufuka, wewe udi muntu wanyi; tshiena nkuhua muoyo, Isalele.

Yeshaya 45:4

Bua bualu bua Yakoba muntu wanyi, ne Isalele unakusungula, nakukubikila ku dina diebe, nakukuinyika dina diebe dibidi, wewe kuyi muanze kumanya.

Yeshaya 48:12

Teleja matshu kundi, wewe Yakoba, Isalele mene unakubikila! Meme ndi yeye; ndi wa kumudilu, ndi wa kunshikidilu kabidi.