Yeshaya 43:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yehowa, udi uhanda nshila munene mu mai manene, ne nshila udi uhitshila mu mai matambe bukole,

MUKANDA WA MYIDI MUKULU

¹⁶ Kale, Maweja-Nangila uvua mupande njila mu mayi manene. Uvua mupande muaba wa kupitshila mu mayi muondoke.

Yeshaya 43:16 Referans Kwoze

Yeshaya 51:10

Kenguewe, anyi, wakakamisha mai manene, mai a mu ndondo wa mu mai manene; wakavuisha ndondo wa mu mai manene nshila bua bahikudibue kuhitshilamu?

Yeshaya 43:2

Hawahitshila mu mai, nengikale nʼebe; hawahitshila mu misulu, kayena ihasalala ha mutu hebe; hawahita mu kahia, kuena ushila, ludimi lua kahia kaluena lukuosha.

Misambu 77:19

Nshila webe wakadi mu mai manene, nshila yebe yakahita mu mai matambe bukole; ne biendedi biebe kabiakamanyibua.

Yirmeya 31:35

Edi ndi didibo bamba kudi Yehowa, udi utekela bantu diba bua kubatemeshila munya, udi welela ngondo ne mitoto mikenji bua kubakenkelayi butuku, udi uvuandulula mai a mu mai manene tô ne hahatula mavuala au tshiona tshikole; Yehowa wa misumba ndina diandi.

Yeshaya 51:15

Bualu bua meme ndi Yehowa Nzambi webe, udi usonsola mai manene, bua mavuala au abile ne tshiona tshinene; Yehowa wa misumba ndina diandi.

Misambu 106:9

Wakabela Mai Manene Makunze kabidi ne akakama; nunku wakabalombola bua kubahitshisha mu mai a ndondo bu muakadibo mua kuhita ha buloba bûme.

Misambu 78:13

Wakahanda nshila mu mai manene, wakabahitshishamu; wakimanyika mai bu tshimanu.

Nehemya 9:11

Wewe wakahandulula mai ku mpala kuabo, nunku bakahita munkatshi mua mai manene ha buloba bume; wakela bakadi babalonda mu bunene bua mai bu mudibo bela dibue mu mai manene.

Didimanyisha 16:12

Muisambombo wakahongolola luhanza luandi ha musulu munene, Pelata; ne mai akadimu akûma bua nshila alongolodibue bua bakelenge badi bafuma kudi kuhatuka diba.

Ekesode 14:29

Kadi Bena Isalele bakenda mu buloba bûme munkatshi mua mai, mai akadi bu tshimanu kudibo ku tshianza tshia balume ne ku tshianza tshia bakashi.

Ekesode 14:16

Wewe ubishe mujangala webe, wolola tshianza tshiebe ha mai, wahandulule, Bena Isalele nebaye munkatshi mua mai ha buloba bûme.

Yeshaya 44:27

Ndi yeye udi wambila mai male ne, Ukame biebe, ne nenkamishe misulu yebe;

Yeshaya 50:2

Bualu kai, hanakulua, kakuakadi muntu bua kungakidila? Hanakukubikila, kakuakadi muntu bua kuitaba munyi? Tshianza tshianyi tshidi tshitamba buihi bua kukuhikula tshi, anyi? Tshiena ne bukole bua kukusungila, anyi? Tangila, ku kusamina kuanyi ndi ngumisha mai manene; ndi nvuisha misulu bu tshihela tshia lusenga; minyinyi yai idi inunka muhuya mubi bualu bua kakuena mai, idi ifua ne nyota.

Misambu 77:20

Wakalombela bantu bu tshisumbu tshia mikoko, ku tshianza tshia Mose ne tshia Alona.