Yeshaya 42:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Tshihela tshisanke, ne misoko idimu, misoko mene idi Bena Kedâ bashikamemu; badi bashikame mu Sela bimbe biabo, bele biabo mbila ha mutu ha mikuna.

MUKANDA WA MYIDI MUKULU

¹¹ Bantu bimbile Mvidi Mukulu misambu, mu tshipela ne mu bimenga biatshi, ne mu mitanda idi bena Kedare base. Bena mu tshimenga tshia Sela, bele tunkunduluila! Bele mbila ya disanka, pa mitu ya mikuna!

Yeshaya 42:11 Referans Kwoze

Yeshaya 32:16

Mu diba adi kulumbulula kuakane nekushikame mu tshihela, buakane nebushale mu budimi budi bulua ne bia kudia bia bungi.

Yeshaya 60:7

Bisumbu bionso bia mikoko ya ku Kedâ nebisangishibue kûdi, bimpanga bia ku Nebayota nebikukuatshile mudimu; nebibande ha tshioshelu tshianyi bu mulambu undi mua kuitabusha; nendengeshe nsubu wanyi udi ne butumbi.

Nahume 1:15

Monai, ha mikuna hadi makasa a messager udi ulua ne lumu luimpe, udi wela lubila lua ditalala! Uvuluka masanka ebe a bia kudia, Yuda, Shilesha mitshihu yebe; bualu bua mundi mubi au kena uhitshila munkatshi muenu kabidi, yeye wakubutudibua kabutu.

Yeshaya 52:7

Mona makasa a muntu udi ulua ne lumu luimpe bu mudiu malengele ha mikuna, udi umuangalasha lumu lua ditalala, udi ulua ne lumu lua diakalengele, udi umuangalasha lumu lua luhandu, udi wambila Siona ne, Nzambi webe udi ukokesha!

Yeshaya 35:6

Mu diba adi muntu mulema neatuhike bu ngulungu, ludimi lua kamama neluimbe misambu; bualu bua mishimi ya mai neyihatuke mu buloba bua hatuhu, misulu neyihueke mu tshihela tshia lusenga.

Yeshaya 21:16

Bualu bua Mukelenge wakungambila dî edi ne, Hahita tshidimu tshimue, bu mudi muena mudimu wa ditutu ubala bidimu biandi, butumbi buonso bua Kedâ nebuhange.

Yeshaya 16:1

Tuminai bienu mukokeshi wa buloba mulambu wa bana ba mikoko, bumuke biabo nʼau ku Sela, bayile nʼau mu nshila wa mu tshihela, tô ne ku mukuna wa muana mukashi wa Siona.

Misambu 120:5

Mulau udi mikuata bua ndi ndala mu Mesheke, bua ndi mushikame munkatshi mua nsubu ya ntenta ya Kedâ!

Genese 25:23

Yehowa wakamuambila ne, Bisamba bibidi bidi munda muebe, bisamba bibidi bia bantu nebiluhuke munda muebe tshisamba tshimue netshitambe tshisamba tshikuabo bukole, ne mukulu neakuatshile muakunyʼandi mudimu.

Yirmeya 49:16

Bualu bua ditshina diwakutshinyisha nʼadi bakuabo ne dihetu dia mu mutshima webe biakukudinga, Yehowa udi wamba ne, Wewe udi mushikame mu miaba mikole ya mu Sela, udi ulamata miaba idi mibande ha mutu ha mikuna, nansha biwibaka disua diebe kulu bu mudi nyunyu wa mukanku wenza, nenkukulule hanshi.

Yirmeya 48:28

Nuenu badi bashikame mu Moaba, numuke mu misoko, nushikame munkatshi mua mena a mu mabue; nuikaleku bu nyunyu wa nkutshi udi wibaka disua diandi ku kala kua lubû.

Yirmeya 21:13

Yehowa udi wamba ne, Mona, ndi nkuhidia, wewe udi mushikame mu tshibanda, ne ha dibue dia mu mpata, wewe udi wamba ne, Nganyi neahuekemu bua kutuluisha? Anyi nganyi wabuela mu miaba itudi bashikame?

Yeshaya 43:19

Monai, nengenze bualu buhia-buhia; nebumueneke mpindiu, kamina babumanye, anyi? Nengenze nshila mu tshihela, nempatule misulu mu tshihela tshia lusenga.

Yeshaya 35:1

Tshihela ne buloba bûme nebikale ne disanka; tshihela tshia lusenga netshisanke; netshimeneshe bintu bu mudi tshilongo tshia nsungubidi tshienza,

Obadya 1:3

Dihetu dia mu mutshima webe diakukudinga, wewe udi mushikame mu miaba mikole ya mu mabue, udi ne tshishikaminu tshiebe mulu, udi wamba munda munda ne, Nganyi wampuekesha hanshi?

Yeshaya 40:3

Dî dia muntu udi wela lubila ne, Longolola! nshila wa Yehowa mu tshihela; nululamishile Nzambi wetu nshila munene mu tshihela tshia hatuhu.

Yeshaya 12:5

Imbilai Yehowa misambu, bualu bua yeye wakuenza malu adi amuvuishila butumbi; muanda eu umanyibue mu miaba yonso ya ha buloba.

Yirmeya 49:31

Yehowa udi wamba ne, Jukai, yai kuluangana ne tshisamba tshidi tshishikame talalâ, tshidi tshishikame katshiyi ne ntatu, tshidi katshiyi ne nkanu ne bibi, tshidi tshishikame ha nkayatshi.

Yezekiyele 27:21

Ba mu Alaba ne bakokeshi ba mu Kedâ bakakukuatshila mudimu wa bungendʼa mushinga; bakakuhanyisha bana ba mikoko, bimpanga ne mbushi.