Yeshaya 40:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Mashinde adi afubidila, tshilongo tshidi tshiumuka; kadi dî dia Nzambi wetu nedijalame tshiendelele.

MUKANDA WA MYIDI MUKULU

⁸ Tshisosa tshidi tshiuma, tshilongu tshifubidila. Kadi muaku wa Mvidi Mukulu wetu, udi ushala ne bukole kashidi.”

Yeshaya 40:8 Referans Kwoze

Marke 13:31

Diulu ne buloba nebijimine, kadi mei anyi kêna ajimina.

1 Petro 1:25

Kadi dî dia Mukelenge didiku tshiendelele. Edi udi dia lumu luimpe diakanuambilabo.

Matayi 24:35

Diulu ne buloba nebijimine, kadi mei anyi kêna ajimina.

Matayi 5:18

Bulelela, ndi nuambila ne, Tô ne hajimina diulu ne buloba, kaleta kamue kakese ka mikenshi ya Mose kakena kajimina ne katoba kamue kakese tô ne hashika malu onso akafundabo.

Yowanane 10:35

Bikaleye mubabikile ne banzambi, aba bakatuminabo dî dia Nzambi (ne dî dia mu Mukanda wa Nzambi kadiena mua kumushibua),

Zekâya 1:6

Kadi mei anyi ne mikenji yanyi, binakuelela bantu banyi baprofete, kabiakafika kudi batatu benu, anyi? Nunku bobo bakakudimuka, bakamba ne, Bu muakadi Yehowa wa misumba muhangidishe bua kutuenzela bua bienzedi bietu ne bua malu etu, mbu mudiye mutuenzele.

Yeshaya 59:21

Yehowa udi wamba ne, Bu mundi ngamba, etshi ntshihungidi tshindi mpunga nʼabo: Nyuma wanyi udi hamʼbidi hebe, ne mei anakuteka mukana muebe, kabiena biumuka mukana muebe, anyi mukana mua bana bebe baledibue, anyi mukana mua bikulu bebe, ku dituku edi to ne tshiendelele. Yehowa udi wamba nunku.

Yowanane 12:34

Bantu bakamukonka ne, Tuakunvua mu mikenshi ya Nzambi ne, Kilisto udi wikala tshiendelele; ahu munyi mûdi wamba ne, Budi nʼabu Muana wa muntu mbua kubishibua? Eu Muana wa muntu nganyi?

Dibadika 23:19

Nzambi kena bu muntu udi wamba mei a mashimi, kena bu muana wa muntu, bua kukudimuneye mutshima. Biambeye dî, kena udishikisha, anyi? Anyi biambeye bualu, kena ubuenza, anyi?

Misambu 111:8

Adi majadikibue tô ne tshiendelele, akenjibua mu lulamatu lua bushuwa ne mu buakane.

Yirmeya 44:29

Yehowa udi wamba ne, Etshi ntshimanyinu tshindi nnulesha ne nennukengeshe mu muaba eu, bua nuenu numanye ne mei anakuamba ne, Nennuenzele bibi, neajalame bulelela.