Yeshaya 40:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Hashishe butumbi bua Yehowa nebubuluibue, ne bantu bonso nebabutangile diatshimue; bualu bua mukana mua Yehowa muakuamba nunku.

MUKANDA WA MYIDI MUKULU

⁵ Diba adi, butumbi bua Maweja-Nangila nebumueneke. Bantu bonsu nebamumone diakamue. Ke mudi Maweja-Nangila muambe nanku.”

Yeshaya 40:5 Referans Kwoze

Abakuke 2:14

Kadi buloba nebûshibue tente ne kumanya kua Yehowa, bu mudi mai avuisha mai manene onso.

Yowele 2:28

Ku nyima kua malu â nengitshikishile bantu bonso Nyuma wanyi; bana benu ba balume ne bana benu ba bakashi nebambe malu adi kâyi manze kulua, bakulumpe benu nebalote bilota, bansongalume benu nebamone bikena kumona.

Yeshaya 52:10

Yehowa wakuvula tshilulu ha diboko diandi dia tshijila ku mesu kua bisamba bionso bia bantu; ne bonso ba kunfudilu kua buloba bakumona luhandu lua Nzambi wetu.

Luke 3:6

Bantu bonso nebamone luhandu lua Nzambi.

2 Korente 4:6

Bualu bua Nzambi nguakamba ne, Munya neuteme mu mîdima; yeye wakatema mu mitshima yetu bua kutuha dinkenka dia lungenyi lua butumbi bua Nzambi ha mpala ha Yesu Kilisto.

Yeshaya 60:1

Juka, temena; bua munya webe wakulua, ne butumbi bua Yehowa buakubanda, buakukutemena.

Yeshaya 11:9

Kabiena bienzela bikuabo bintu bibi, kabiena bishiha bikuabo, mu mukuna wanyi wa tshijila wonso; bualu bua buloba nebuikale bûle tente ne kumanya kua Yehowa, bu mudi mai a mu mai manene abuikila miaba yau yonso.

Yeshaya 58:14

nunku newikale ne disanka mu Yehowa, ne meme nenkuendeshe ha mutu ha mikuna ya ha buloba. Nenkudishe ne buhianyi bua Yakoba, tatu webe, bualu bua mukana mua Yehowa muakuamba nunku.

Yeshaya 6:3

Bakananukila kuelangana mei, bambilangana ne, Wa Tshijila, Wa Tshijila, Wa Tshijila udi Yehowa wa misumba; buloba buonso budi bûle tente ne butumbi buandi.

Misambu 72:19

Dina diandi dia butumbi divudishibue disanka tshiendelele; buloba bujima bûshibue tente ne butumbi buandi. Amen ne Amen.

Didimanyisha 21:23

Musoko kawena ukengela diba, anyi ngondo bikenkamu; bualu bua butumbi bua Nzambi budi bûtemenamu, ne Muana wa Mukoko udi muinda wau.

Bienzedi 2:17

Nzambi udi wamba ne, Halua matuku a kunshikidilu, Nengitshikishile bantu bonso Nyuma wanyi, Bana benu balume ne bana benu bakashi nebambe malu adi kâi manze kulua, Bansongalume benu nebamone bikena kumona, Bakulumpe benu nebalote bilota,

Yeshaya 66:23

Ku ngondo mutekete tô ne ku ngondo mutekete mukuabo, ne ku dituku dia Lumingu dimue tô ne ku dituku dia Lumingu dikuabo, bantu bonso nebalue kutendelela ku mpala kuanyi, mmudi Yehowa wamba.

Ebrewu 1:3

Yeye udi dinkenka dikole dia butumbi bua Tatu ne tshifuanyikishi mene tshia Bunzambi buandi, ne udi wimanyika bintu bionso ku dî dia bukole buandi; hakamaneye kuhetela bantu diuvua dia ku malu mabi abo, wakashikama ku tshianza tshia bukole tshia Mutambe Bunene wa mulu.

2 Korente 3:18

Kadi buonso buetu, katui ne tshilulu tshikudika ha mpala, tudi tutangila bu mu ludimuenu butumbi bua Mukelenge, tudi tuandamushibua mu tshifuanyikishi tshiotshimue ku butumbi ne ku butumbi; bu mudi kudi Mukelenge Nyuma.

Yowanane 12:41

Yeshaya wakamba malu â, bualu bua yeye wakatangila butumbi buandi; yeye wakamuamba nunku,

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Zekâya 2:13

Huwai ku mpala kua Yehowa, nuenu bonso ba ha buloba; bualu bua yeye wakatabala mu muaba wandi wa tshijila.

Yeshaya 1:20

kadi binuabenga ne binuatomboka, nebanushihe ku muele wa nvita; bualu bua mukana mua Yehowa muakuamba dî edi.

Yowanane 17:2

bu muwakumuha bukole bua kukokesha bantu bonso bua kuheye bonso bawakumuha muoyo wa tshiendelele.

Mika 4:4

Kadi nebashikame, mu ntu ne muntu, muinshi mua muonshi wandi wa tumuma tua nvinyo ne muinshi mua mutshi wandi wa nfigi; kakuena muntu wabakuatshisha buowa; bualu bua mukana mua Yehowa wa misumba muakamba nunku.

Yirmeya 9:12

Muena meji udi nganyi, bua yeye amanye mua kujingulula bualu ebu? Mukana mua Yehowa muakuambila muntu kai bualu ebu bua yeye amanye mua kumanyisha bakuabo? Buloba budi bubutudibua, budi buoshibua bu tshihela, bua kakuyi muntu uhitshilamu bua tshinyi?

Yeshaya 49:6

mpindiu Yeye udi wamba ne, Mbualu budi butamba bukese bua wewe kuikala muntu wanyi bua kubisha kabidi bisamba bia Yakoba, ne bua kuhingasha ba mu Isalele badi bashala ne muoyo; ka nenkuyishe bu munya kudi ba bisamba bia bende, bua luhandu luanyi lufike tô ne kunfudilu kua buloba.

Yeshaya 35:2

netshimeneshe bilongo bia bungi, netshisanke ne disanka ne misambu mene. Nebatshiheshe butumbi bua Lebanona, bulengele bua Kâmele ne Shalona; nebatangile butumbi bua Yehowa ne bulengele bua Nzambi wetu.

Misambu 102:16

Bualu bua Yehowa neibake Siona kabidi, neamueneke mu butumbi buandi.

Misambu 96:6

Butumbi ne buneme bidi ku mpala kuandi; bukole ne bulengele bidi mu tshitendelelu tshiandi.

Luke 2:32

Munya wamueneka kudi bisamba bia bende Ne butumbi bua Isalele, bantu bebe.

Yirmeya 32:27

Tangila, meme ndi Yehowa, Nzambi wa bonso ha ha buloba; bualu budiku budi mua kumpita bukole, anyi?

Yeshaya 66:16

Bualu bua Yehowa neashikishe dikosa diandi dia bilumbu ne kahia, ne ku muele wa nvita hamʼbidi ha bantu bonso; ne badi bashihibua kudi Yehowa nebikale bangi.

Ekesode 16:7

ne dinda nenumone butumbi bua Yehowa, bualu bua Yehowa udi munvue munudi numujiana, tuetu tudi banganga bua nudi nutujiana?

Misambu 97:6

Bia mu diulu bidi bimanyisha bantu buakane buandi, ba ha buloba bonso bakumona butumbi buandi.

Yeshaya 34:16

Nukebe dî edi mu mukanda wa Yehowa, nudibale; kakuena umue munkatshi mua nyama ne nyunyu yaya udi uhanga kuikalaku, kakuena umue wai udi uhanga kuikala ne muanʼabo mu muaba wawa; bualu bua mukana mua Yehowa mudi muele mukenji, ne Nyuma wandi wakuyisangishaku.

Yeshaya 40:4

Tshibanda tshionso netshibandishibue, mukuna mule wonso ne mukuna muihi wonso neyihikidishibue; miaha idi mibuiyika neyilulame bu mpata, ne miaba idi bizakalabizakala neyikale milandakane.

Yeshaya 41:20

bua bantu batangile, bamanye, bele meji ne bajingulule diatshimue ne, Tshianza tshia Yehowa tshiakuenza bualu ebu, Wa Tshijila wa Isalele wakubufuka.

1 Bakalenga 14:11

Hafua wa mu nsubu wa Yalobama mu musoko, mbua neyimudie; biafuileye mu mpata, nyunyu ya mulu neyimuzokole; bualu bua Yehowa wakuamba dî edi.

Misambu 102:17

Neateleje matshu andi ku kulomba kua bakengi, kena ulengulula mulombu wabo.

Yeshaya 26:15

Wewe wakuvudisha ba mu tshisamba tshietu, Yehowa, wakuvudisha ba mu tshisamba tshietu; wewe udi mutumbishibue; wakulehesha mikalu yonso ya buloba buetu.

Yeshaya 66:18

Bualu bua ndi mumanye midimu yabo ne meji abo, ndualua bua kusangisha bisamba bionso bia bantu ne nuaku yonso; nebalue, nebamone butumbi buanyi,