Yeshaya 33:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Ne bantu nebikale bu mabue adibo bosha alua luhemba, bu mionshi ya meba yakatahabo, idibo bosha mu kahia.

MUKANDA WA MYIDI MUKULU

¹² Bisamba bikuabu nebabioshe, bishale amu butu. Nebabiele mu kapia, bu mudi bantu bela mu kapia mitshi ya meba buabu bakose.

Yeshaya 33:12 Referans Kwoze

Yeshaya 27:4

Tshiji katshiena munda muanyi. Nakadi kusua ne meba ne mingonge bikale ku mpala kuanyi bua kuluangana nʼanyi nvita! Nakadi kubidiata muinshi mua makasa, nakadi kubiosha kaba kamue.

Amosa 2:1

Yehowa udi wamba dî edi ne, Bua malu mabi asatu a Bena Moaba, nansha bua anai, tshiena nkudimuna dikenga dindualua kubakengesha nʼadi; bualu bua bakosha mifuba ya mukelenge wa Edome, yakalua luhemba.

Yeshaya 37:36

Muanjelo wa Yehowa wakaluhuka, wakashiha ba mu tshitudilu tshia Bena Ashû binunu lukama ne makumi muanda mukulu ne bitanu. Hakabika bantu ne dinda dionso, monai, bakasangana bantu aba bonso anu bitalu.

Yeshaya 10:17

Munya wa Bena Isalele newandamuke kahia, ne wandi wa Tshijila neandamuke ludimi lua kahia; neluoshe, nelumane meba andi ne mingonge yandi mu dituku dimue.

Yeshaya 9:18

Bualu bua malu mabi adi osha bu kahia, kadi kosha meba ne mingonge, hashishe kadi katemesha mitshi ya mu bihuka kabidi, ne bidi bibanda mulu mu milanjilanji ya muishi wa kahia.

Misambu 118:12

Badi bannyunguluka bu mbulubulu, badi batema bu mudi kadilu ka mingonga ya meba kajikuka. Mu dina dia Yehowa nembakose bituha.

Yeshaya 9:17

Nunku Mukelenge kena usanka bua bansongalume babo, kena ufuila bana babo ba nshiya ne bakashi babo ba mu lufuila luse. Bualu bua muntu yonso wa munkatshi muabo udi muhidi wa bualu bua Nzambi ne udi muenji wa malu mabi, ne mukana muonso mudi muamba mei mabi. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.