Yeshaya 33:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mulau wikale kûdi, wewe udi ubutula, ne kabakubutula; udi mutungidianganyi wa tshitungu kadi kabena banze kukutungila wewe tshitungu. Hawamana kulekela kubutula bakuabo, nebakubutule wewe; hawamana kutungila bantu bakuabo tshitungu, nebakutungile wewe tshitungu.

MUKANDA WA MYIDI MUKULU

¹ Wewe munyangi wa bintu bionsu, udi muena diakabi, bualu kabavua bakunyange wewe nenku to. Udi welela bakuabu tshitungu, padibu kabayi bakuelela wewe tshitungu! Pawamana kulekela kubutula bakuabu, nebakubutule ne wewe kabidi. Pawamana kutungila bakuabu tshitungu, nebakutungile ne wewe kabidi.

Yeshaya 33:1 Referans Kwoze

Matayi 7:2

Nebalumbulule malu adi munda muenu bu munudi nulumbulula malu adi munda muabo; nebanuidikishile bintu ne luidi lunudi nuidikishila nʼalu kabidi.

Yeshaya 24:16

Tuakunvua misambu mufume kunfudilu kua buloba mimbe ne, Muntu Muakane atumbishibue! Kadi nakamba ne, Tshinyanu tshidi tshinkuata, tshinyanu tshidi tshinkuata, mulau wankuatshi! batundianganyi ba tshitungu badi bantungila tshitungu, e, batundianganyi ba tshitungu badi batamba kuritungila tshitungu.

Didimanyisha 17:17

Bualu bua Nzambi wakabuesha bualu ebu mu mitshima yabo bua kuenzabo mudiye wela meshi, ne bua kuikalabo ne meshi amue, ne bua kufilabo bukelenge buabo kudi nyama wa luonji tô ne hashika mei a Nzambi.

Yeshaya 21:2

Bakummanyisha tshikena kumona tshikole; muena lukinu udi wenza malu a lukinu, muhaudi udi uhaula. Bandaku, Elama; tshintshimika, Madai! Nempuwishe kuhumuna kuonso kuakuvuisheye ku luseke alu.

Yeshaya 10:12

Kadi halua Mukelenge kushikisha mudimu wandi wonso udiye wenzela mukuna wa Siona ne musoko wa Yelushalema, yeye neakengeshe bienzedi bia mu mutshima wa diambu wa mukelenge wa Ashû, neuhuekeshe butumbi bua kudilesha kuandi.

Didimanyisha 13:10

Bikala muntu ubuesha bakuabo mu buhika, Uyaya mu buhika; bikala muntu ushiha bakuabo ne muele wa nvita, budiye nʼabu mbua kushihibua ne muele. Eku kudi ditantamana, ne ditabusha dia basanto.

Yeshaya 17:14

Habuela diba, monai, buowa bukole budiku! Dinda kadiyi dianji kulua, kabenaku! Edi ndikenga didi bantu badi batuhaula bahiana, ne bualu bubi buakusunguilabo badi banyenga bintu bietu.

Balombodi 1:7

Adoni-bezeke wakamba ne, Bakelenge makumi muanda mutekete bakadi ne biala biabo ne bana ba nkasa banene bikoseke bakadi badia bidia biabo muinshi mua mesa anyi; bu munakuenza, Nzambi wakunsombuela. Bakaya nʼandi ku Yelushalema, yeye wakafumaku.

Didimanyisha 16:6

Bualu bua bakahongolola mashi a basanto ne a baprofete, ne wewe wakabahesha mashi bua kunua; badi bâkanyine.

Balombodi 9:23

Nzambi wakatuma nyuma mubi hankatshi ha Abimeleke ne bena Shekeme; bena Shekeme bakayila Abimeleke ku tshitungu;

Yeshaya 14:25

mbua kutshibula Muena Ashû bituha mu buloba buandi, nemmudiate muinshi mua makasa anyi ha mutu ba mikuna yanyi; hashishe, mutshi wandi wa tshikokedi neûmushibue ba nshingu ya bantu banyi, ne bujitu buandi nebûmuke ha maha abo.

Yeshaya 31:8

Ne Muena Ashû neahone ku muele wa nvita, kauyi wa bantu; muele wa nvita, kauyi wa bantu, neumubutule. Yeye neanyeme muele wa nvita, ne nebabueshe bansongalume bandi mu mudimu wa buhika.

Yeshaya 48:8

Bushuwa, wewe kuena munvue, kuena mumanye malu â, ne tô ne ku mpindiu matshu ebe kakanza kujikuka. Bualu bua nakamanya ne wewe udi utamba kuikala muena bunsonge, ne wakamanyibua bu muntombokedi katshia bakulela.

Yezekiyele 39:10

Nunku kabena ne bua kudiangatshila nkunyi mu madimi abo, anyi kutaha mutshi mukuabo muitu bua kutshiaba nkunyi, bualu bua nebatemeshe kahia kabo ne bielelu abi bia nvita; nebahaule bantu aba bakabahaula, nebanyenge bintu bia bantu aba bakanyenga bintu biabo. Mukelenge Yehowa udi wamba dî edi!

Nsumuinu 22:23

Bualu bua Yehowa neabalumbuluile tshilumbu tshiabo, neanyenge mioyo ya badi banyenga bintu biabo.

Sefanya 3:19

Mona, mu tshikondo atshi nenshikishe tshilumbu tshia bonso bakadi bakukengesha; nempandishe udi mulema, nempingashe wakuihatabo; nembavuishe bantu badi ne butumbi ne badi ne dina dinene, bakadi bakuatshike bundu mu buloba buonso diambedi.