Yeshaya 28:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bua mukenji ha mutu ha mukenji udiku, mukenji ha mutu ha mukenji, luidi ha mutu ha luidi ludiku, luidi ha mutu ha luidi; tshituha eku ne tshituha kuakua.

MUKANDA WA MYIDI MUKULU

¹⁰ Umvuayi mudiye ukukumina ne: B-A-BA, B-A-BA, B-E-BE, B-E-BE; ku dileta ku dileta, ku muaku ku muaku.”

Yeshaya 28:10 Referans Kwoze

Yeshaya 28:13

Nunku dî dia Yehowa nedikale mukenji ha mutu ha mukenji kudibo, mukenji ha mutu ha mukenji, luidi ha mutu ha luidi, luidi ha mutu ha luidi; tshituha eku, tshituha kuakua; bua bobo baye kudishinda luanyima, batshibuke, bahone mu mateyi, bakuatshibuemu.

2 Timote 3:7

badi bayilayila misangu yonso, kadi tshiendelele kabena bamanye mua kufika ku dimanya dia bualu bulelela.

Yirmeya 11:7

Bualu bua nakasengelela bankambua benu bikole mu dituku dinakabaluhula mu buloba bua Ejipitu tô ne ku dituku edi, mbika ne lunkelu bua kubadimusha ne, Nutumikile dî dianyi.

Ebrewu 5:12

Bualu bua musangu wakamana kuleha unuakadi kuikala bayishi, kadi nudi ne bualu kabidi bua bakuabo banuyishe nuenu mayisha a kumudilu a tshibangidilu tshia mei mamba kudi Nzambi; ne nuakulua bu badi ne mabele bualu, kanuena bu badi ne bia kudia bikole bualu.

Yeshaya 5:4

Nakadi kumanya mua kuenza tshinyi mu budimi buanyi tshindi tshiyi muanze kuenza? Bualu kai, hanakatekemena ne, Nebukuamishe tumuma tuimpe tua nvinyo, buakakuamisha anu tumuma tuzaza?

Filipe 3:1

Tshiashadidi mpindiu, bana betu, nusanke mu Mukelenge. Kunufundila malu momumue kakuena kuntonda, kadi kudi kunukuatshisha nuenu.