Yeshaya 26:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yehowa, hakadibo mu makenga, bakakukeba; bakatuma milombu kûdi bakadi makengesha ebe hamʼbidi habo.

MUKANDA WA MYIDI MUKULU

¹⁶ Maweja-Nangila, patuvua mu dikenga, tuvua bakujinge. Pauvua mutunyoke, tuvua bakusengelela.

Yeshaya 26:16 Referans Kwoze

Osheya 5:15

Nenye, nempingane ku muaba wanyi, tô ne hatondabo bubi buabo ne hakebabo mpala wanyi. Mu makenga abo nebankebe ne lukunukunu, bamba ne,

Misambu 50:15

Umbikile mu dituku dia makenga; nenkuhandishe, ne wewe neuntumbishe.

Didimanyisha 3:19

Bungi bua bandi munange, ndi mbabela, ndi mbakengesha; nunku, wikale ne lukunukunu ne ukudimune mutshima webe.

Osheya 7:14

Kabakudia kundi ne mitshima yabo, kadi badi basa muadi ha malalu abo; badi badisangisha hohamue bua kuangata manvua ne nvinyo muhia-muhia, badi bantombokela.

Muadi 2:19

Juka, asa muadi mu butuku, ku tshibangidilu tshia mpolo ya diba dia batentekedi; uhumune malu a mu mutshima webe bu mai ku mesu kua Mukelenge; bisha bianza kudiye bua kumulomba mioyo ya bana bebe, badi baleuka bua nzala mu misesu yonso.

Yirmeya 22:23

Wewe udi mushikame ha mukuna wa Lebanona, udi wibaka disua diebe mu mitshi ya cèdre, mona bu muwajinga kufuidibua luse halua didinyenga kukukuata, bu kanyinganyinga ka mukashi udi wamba kulela!

Yeshaya 37:3

Bakamuambila ne, Hezikiya udi wamba ne, Edi ndituku dia makenga ne dia kutubela ne dia kutufuisha bundu; bualu bua diba dia kulela bana diakufika, ne kakuenaku hukole bua kubalela.

Misambu 142:2

Ndi mpumuna mei a kuabakana kuanyi ku mpala kuandi, ndi mmulondela ntatu yanyi ku mpala kuandi.

Misambu 91:15

Hambikileye, nengitabe kudiye; nengikale nʼandi habueleye mu dikenga, nemmuhandishe, nemmutumbishe.

Misambu 42:4

Ndi nvuluka malu â handi mpumuna muoyo munda muanyi: bu munakaya ne tshisumbu tshia bantu, bu munakabalombola benda mu mulongo bua kuyabo ku nsuhu wa Nzambi, bela biabo mbila ya disanka ne bimba misambu ya kumutumbisha nʼai. Bakadi tshisumbu tshinene tshia bantu bavuluka biabo dituku dia tshijila.

1 Samuele 1:15

Hana wakamukudimuna ne, Nansha, mukelenge wanyi, ndi mukashi udi ne mutshima munyingalala; tshiakanua nvinyo anyi maluvu makole; kadi nakuambila Yehowa malu onso adi mu mutshima wanyi.

Dibadika 21:7

Bantu bakalua kudi Mose, bakamba ne, Tuakuenza bibi bualu bua tuetu tuakujiana Yehowa ne wewe kabidi, ulombe Yehowa atumushile nyoka munkatshi muetu Mose wakalombela bantu Nzambi.

Yirmeya 2:27

badi bambila tshibasa tshia mutshi ne, Wewe udi tatu wetu; badi bambila dibue ne, Wewe wakatulela; bualu bua bakunkoma nyima yabo, kabakutangisha mpala yabo kundi; kadi mu tshikondo tshialua makenga kudibo nebangele dî ne, Juka, utusungile!

Balombodi 10:15

Bena Isalele bakambila Yehowa ne, Tuakenza bibi, utuenzele bu mûdi musue, kadi anji kutusungila lelu, tudi tukusengelela.

Misambu 27:8

Wewe wakuamba ne, Ukebe mpala wanyi. Mutshima wanyi wakukuambila ne, Yehowa, nenkebe mpala webe.

Misambu 77:3

Ndi nvuluka Nzambi, ndi ntua mikemu; ndi ngelangana meji munda muanyi, nyuma wanyi udi uhanga.

Misambu 78:34

Hakabashiheye, hashishe, bakamukeba; bakahingana kudiye, bakakeba Nzambi ne lukunukunu.

Yirmeya 29:12

Nenumbikile, nenulue kuntendelela, ne nennûnvuile.