Yeshaya 24:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Kabena banua nvinyo ne kuimba kua musambu, maluvu makole neikale ne bululu kudi bantu badi bânua.

MUKANDA WA MYIDI MUKULU

⁹ Kabena bimba kabidi misambu, padibu banua maluvu basanka to. Maluvu makole akadi umvuika ne bululu kudi badi baanua.

Yeshaya 24:9 Referans Kwoze

Yeshaya 5:22

Mulau wikale kudi badi ne bukitu mu kunua kua maluvu ne badi ne dikima dia kusangakasha maluvu makole;

Muambi 9:7

Ya biebe, udie bidia biebe ne disanka; unue nvinyo yebe ne mutshima wa disanka; bualu bua Nzambi wakumana kuitabusha midimu yebe.

Amosa 8:10

Nenkudimune bikondo bienu bia kudia bia disanka bua kulabi bu bia madilu, ne misambu yenu yonso bua kuluayi miadi; nenvuadike bantu bonso bilulu bikayabala mu bifuka biabo, nentule dibala ha mutu wonso; nenvuishe tshikondo atshi bu tshia madilu adibo bashila muana umuehele muledibue, ne kunshikidilu kuatshi nekuikale bu dituku dia kanyinganyinga kakole.

Amosa 8:3

Mukelenge Yehowa udi wamba ne, Misambu ya mu nsubu wa mukelenge neyandamuke miadi dituku adi. Bitalu bia bafue nebikale bia bungi; nebabimashe mu miaba yonso, bahuwe talalâ.

Yeshaya 5:20

Mulau wikale kudi badi babikila bualu bubi ne, Mbualu buakane, ne bualu buakane ne, Mbubi; badi babala midima bu munya, badi babala munya bu midima; badi babala bintu bia bululu bu bintu bisheme ne bintu bidi bisheme bu bintu bia bululu!

Misambu 69:12

Badi bashikama mu tshibuelelu tshia ku musoko badi bayikilangana bualu buanyi; bakuatshiki ba maluvu badi bimba misambu bualu buanyi.

Zekâya 9:15

Yehowa wa misumba neabalame, ne bobo nebatshimune, nebadiate badi bahela mabue; nebanue mashi abo, nebateke diyoyo bu badi bakuatshike nvinyo; nebukute bu malonga adi ne mashi a mulambu, bu matumba a tshioshelu.

Yezekiyele 26:13

Nempuwishe dî dia misambu yebe, kabena bunvua muadi wa bisanji biebe kabidi.