Yeshaya 24:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Disanka dia mazele didi dihuwa, mbila ya badi basanka yakushika, disanka dia lunzenze diakuhuwa.

MUKANDA WA MYIDI MUKULU

⁸ Muadi wa ngoma, udi upuwa. Mutoyi wa bantu badi basanka mu tshibilu, mmujike. Kabena bimba kabidi nzenze.

Yeshaya 24:8 Referans Kwoze

Osheya 2:11

Nendekeshe miloû yandi yonso, bidia biandi bia masanka, masanka andi a ngondo mihia-mihia, matuku andi a mbingu ne bikondo bionso biakudisu-nguileye bua kusanka.

Didimanyisha 18:22

Kabena bunvua dî dia bimbi ba nkombe ne dia bena misambu ne dia bedi ba nshiba ne ba mpungi munkatshi muebe kabidi tshiendelele; kabena basangana nsende, nasha wa mushindu wonso, munkatshi muebe kabidi tshiendelele; kabena bunvua tshiona tshia mpelu munkatshi muebe kabidi tshiendelele,

Yezekiyele 26:13

Nempuwishe dî dia misambu yebe, kabena bunvua muadi wa bisanji biebe kabidi.

Yirmeya 7:34

Nendekeshe dî mu misoko ya mu Yuda ne mu misesu ya Yelushalema, dî dia tuseku ne dia disanka, dia mubaki wa mukashi ne dia mukashi udiye Ubaka kabidi; bualu bua buloba nebulue tshihela tshia hatuhu.

Yirmeya 25:10

Nembumushile dî dia tuseku, dî dia disanka, dî dia mubaki wa mukashi ne dia mukashi muena dibaka, ne tshiona tshia mabue a mpelu ya blé ne dinkenke dia muinda.

Yirmeya 16:9

Bualu bua Yehowa wa misumba, Nzambi wa Isalele, udi wamba ne, Monai, nendekeshe di dia tuseku ne di dia disanka, dî dia mubaki wa mukashi ne dia mukashi udiye ubaka mu muaba eu, ku mesu kuebe ne mu matuku ebe.

Yeshaya 5:12

Mu bidia biabo bia disanka badi ne tshisanji ne lunzenze, dikasa ne lujiba, ne maluvu kabidi; kadi kabena belangana meji a bienzedi bia Yehowa, kabena bamona mudimu udiye wenza ne bianza biandi.

Yobe 30:31

Kuimba kua lunzenze luanyi kuakuandamuka madilu, ne muadi wa lushiba luanyi wakandamuka dî dia badi badila.

Misambu 137:2

Tuakakudika nkombe yetu ku mitshi ya nshiba yakadi mu buloba abu.

Yeshaya 5:14

Nunku Muaba wa Bafue wakudiundisha kunvua kuau kua nzala, wakubutula mukana muau kamuyi ne nshikidilu, ne badi ne butumbi mu Yelushalema badi bahuekamu, tshisumbu tshiabo tshia bantu bangi, ne tshia badi babishamu diyoyo, ne muntu udi uditumbishamu.

Yeshaya 16:10

Disanka ne tuseku biakumuka mu budimi buakadi ne maminu; ne mu madimi a tumuma tua nvinyo kamuena muikala kuimba kua misambu anyi kuela kua mbila ya disanka. Kakuena mukami wa nvinyo wadiata tumuma mu bikaminu bua kukameye nvinyo, Nakuhuwisha mbila ya disanka ya bahuodi ba tumuma tua nvinyo.

Muadi 5:14

Bakulu kabena bashikama kabidi mu bilumbuluidi bia ku bibi, bansongalume bakulekela kuimba misambu.

Yezekiyele 28:13

Wakadi mu Edene, budimi bua Nzambi. Wakalengeshibua ne mabue a mushinga mukole a mishindu yonso, a rubis, a topaze, a mbonga, a chrysolithe, a onyx, a jaspe, a saphir, a escarboucle ne a émeraude; bakabiteka mu tukanu tua or. Bakakulongoluelabi mu dituku dî wakafidibua.

Yobe 3:7

E, bufuku abu buikale hatuhu; dî dia disanka kadibuedimu.

Amosa 6:7

Bua mianda ai nebadianjile kubuela mu buhika, ne mbila ya disanka ya bakadi badiolola ha matanda neyijimine.