Yeshaya 2:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mesu a diambu a bantu neinamishibue, dihetu dia bantu banene nedihuekeshibue, ne Yehowa nkayandi neatumbishibue mu dituku adi.

MUKANDA WA MYIDI MUKULU

¹¹ Muena ditambisha neiname panshi. Muena kapeja, nebamupuekeshe. Dituku diadia nebamanye ne: amu Maweja-Nangila nkayende udi ne bukole.

Yeshaya 2:11 Referans Kwoze

Misambu 18:27

Bualu bua udi ubandisha bantu badi badihuekesha; kadi udi uhuekesha badi ne mesu a dihetu,

Yeshaya 2:17

Diambu dia bantu nedihuekeshibue, kudisua kua bantu nekukeheshibue; anu Yehowa nkayandi neatumbishibue mu dituku adi.

Malaki 4:1

Yehowa wa misumba udi wamba ne, Monai, dituku nedilue didi diosha bu kahia ka mu tshikutu, ne bonso badi badisue ne benji ba malu mabi honso nebikale bu bisonsa; ne dituku adi didi dilua nedibashidishe, kadiena dibashila nansha muji nansha ditamba.

Yeshaya 24:21

Mu dituku adi Yehowa neakengeshe tshisumbu tshia bakokeshi ba mu diulu ne bakelenge ba hanshi ha buloba.

Yeshaya 13:11

Nenkengeshe ba ha buloba bua bubi buabo, ne bantu babi bua malu mabi abo; nempuwishe kudilesha kua badi badisue, nempuekeshe kudibandisha kua bakokeshi badi bakengesha bantu babo.

Yeshaya 12:4

Mu dituku adi nenuambe ne, Sakidilai Yehowa, tumbishai dinu diandi! Ambilai bantu bienzedi biandi munkatshi mua bisamba bionso, nubamanyishe ne, Dina diandi didi ditumbishibua.

Mika 4:6

Yehowa udi wamba ne, Mu dituku adi nensangishe tua benda bazobele, nenkunguishe bantu bakuihatabo, ne bantu banakukengesha.

Osheya 2:18

Mu dituku adi kabidi nembahungile tshihungidi ne nyama ya mu mpata, nyunyu ya mulu ne bintu bidi bidikoka hanshi; nentshibule buta ne muele wa nvita ne bielelu bia nvita, nemmumushe mu buloba, nembaladike hanshi kabayi ne ntatu.

Yezekiyele 39:22

Nunku mu dituku adi tô ne tshiendelele Bena Isalele nebamanye ne, Meme ndi Yehowa Nzambi wabo.

1 Petro 5:5

Muomumue, nuenu bansongalume, nukokele bakulumpe. E, buonso buenu nudiluatshishe ne buhuekele, bua kukuatshishangana; bualu bua Nzambi udi uhidia badi badisue, kadi udi uha badi badihuekesha ngasa.

2 Korente 10:17

Kadi muntu udi utumba, atumbile biandi mu Mukelenge.

2 Korente 10:5

bidi bishimbula meshi onso ne tshintu tshionso tshidi tshileha mulu tshidi tshibandishibua bua kuhumbisha nʼatshi lungenyi lua Nzambi, bidi bivuisha meshi onso mu buhika bua kutumikilau Kilisto;

Luke 18:14

Ndi nuambila ne, Muntu au wakuhueka ku nsubu kuandi mubinge, mukuabo muhile; bualu bua wadibandisha nebamuhuekeshe, wadihuekesha nebamubandishe.

Zekâya 9:16

Yehowa Nzambi wabo nebahandishe mu dituku adi, nealame bantu bandi bu tshisumbu tshia mikoko; bualu bua nebikale bu mabue a mushinga mukole mu tshifulu tshia mukelenge, bakenka mu buloba buandi.

Sefanya 3:16

Mu dituku adi nebambile Yelushalema ne, Kutshinyi, wewe Siona; bianza biebe kabiteketshi.

Sefanya 3:11

Mu dituku adi kuena ufuishibua bundu bua bienzedi biebe bionso biwakuntombokela nʼahi; bualu bua mu dituku adi nengumushe munkatshi muenu bantu bebe badi baditumbisha ne dihetu diabo; wewe kuena wikala ne dihetu kabidi mu mukuna wanyi wa tshijila.

Mika 5:10

Yehowa udi wamba ne, Mu dituku adi nembutule tubalu tuenu tudi munkatshi muenu, nentshibule makalu enu a nvita kabidi.

Obadya 1:8

Yehowa udi wamba ne, Tshiena nshiha bena meji ba mu Edome dituku adi, anyi? Tshiena ngumusha bajinguludi ba malu ku mikuna ya Esau, anyi?

Amosa 9:11

Mu dituku adi nengibake kabidi nsubu wa Davidi wakadi muhuke, nengibake kabidi bituha bia bimanu biandi bidi bishimbuke; nengibake bituha biandi biakanyanguka, nemmuase bua kuikaleye bu muvueye diambedi.

Yowele 3:18

Hashishe, mu dituku adi mikuna minene neyimatshishe nvinyo idi ne kushemakana, mikuna mikese neyihatule mabele, ne tusulu tuonso tua mu Yuda ne bile tente ne mai. Mushimi wa mai neuhatuke mu nsubu wa Yehowa, neutume mai au mu tshibanda tshia Shitima.

Osheya 2:21

Yehowa udi wamba ne, Mu dituku adi nengitabe, nenkudimune diulu dî ne diulu nedikudimune buloba dî;

Osheya 2:16

Yehowa udi wamba ne, Mu dituku adi yeye neambikile ne, Bayanyi; kena umbikila ne, Nfumu wanyi.

Yezekiyele 39:11

Mu dituku adi mene nempe Gogo muaba wa kujikibua mu Isalele, mu tshibanda tshia Abalima mene, ku luseke lua esete lua Dishiba dia Lufu. Bakuabo nebele nkila ku mutu kua Tshibanda tshia Abalima bua kutshijibika, ne mu muaba wawa nebajike Gogo ne tshisumbu tshiandi tshionso tshia bantu; nebaubikile ne, Tshibanda tshia Hamona-Gogo.

Yezekiyele 38:19

Mu mukau wanyi ne mu kahia ka tshiji tshianyi tshikole nakamba ne, Mu dituku adi kuzakala kunene nekuikale mu buloba bua Isalele;

Yezekiyele 38:14

Bua malu â, muana wa muntu, amba mei ebe a buprofete, ambila Gogo ne, Mukelenge Yehowa udi wamba ne, Mu dituku didi bantu banyi Bena Isalele bashikameku kabayi ne bualu budi bubahumbisha, wewe kuena mumanye muanda eu, anyi?

Yirmeya 9:24

kadi muntu udi utumba atumbile mu bualu ebu ne, Ndi mmujingulula, ndi mumumanye ne, Yeye, Yehowa mene, ngudi wenzesha luse ne kulumbulula kuimpe ne buakane ha buloba. Bua Yehowa udi wamba ne, Ndi nsanka mu malu â.

Yeshaya 52:6

Nunku bantu banyi nebamanye dina dianyi; nunku nebamanye halua difuku diadia ne, Mmeme Yehowa udi wamba dî edi; ka meme ndiku.

Yeshaya 37:23

Wewe wakufunyina nganyi bulobo, wakuhenda nganyi? Wakubishila nganyi dî diebe? Wakubandishila nganyi mesu ebe ne diambu? Wakuenzela Wa Tshijila wa Isalele nunku!

Yeshaya 30:23

Yeye neakutumine nvula bua maminu ebe audi ukuna mu buloba, ne bidia bia ku matete adi buloba budiundisha nebikale ne manyi, nebikale bia bungi. Mu dituku adi bimuna biebe nebidie mashinde mu madimi manene.

Yeshaya 29:18

Mu dituku adi badi ne mahaha nebunvue mei a mu mukandu, ne mesu a bafofo neamone mu mufitu ne mu mîdima.

Yeshaya 28:5

Mu dituku adi Yehowa wa misumba neikale tshifulu tshia butumbi ne tshitotolo tshia bulengele kudi difuka dia bantu bandi.

Yeshaya 26:1

Mu dituku adi nebimbe musambu eu mu buloba bua Yuda, bimba ne, Tudi ne musoko mukole; yeye neajadike luhandu bua kuikalalu ngumbu yau ne bibumba biau bikole.

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Yeshaya 12:1

Mu dituku adi newambe biebe ne, Nenkusakidile wewe, Yehowa; bualu bua wakankuatshila tshiji diambedi, kadi tshiji tshiebe tshiakukudimuka kundi, wakunsamba.

Yeshaya 4:1

Mu dituku adi bakashi muanda mutekete nebakuate mulume umue ku tshianza, bamba ne, Netudie bidia bietu tuetu, netuluate bilulu bietu tuetu; kadi anji kuitabusha bua batubikile ku dina diebe; utûmushile bundu buetu.

2 Tesalonike 1:10

halueye bua kutumbishibua mu basanto bandi, ne bua kukemibua mu dituku diadia kudi bantu bonso bamane kumuitabusha (bualu bua bumanyishi buetu kunudi buakitabushibua).

2 Samuele 22:28

Wewe neusungile bantu badi mu dikenga; kadi mesu ebe adi kudi badi badisue anu bua wewe kubahuekesha.

Misambu 20:8

Bobo nebiname, nebadishinde hanshi; kadi tuetu nenjuke, netujalame.

Misambu 46:10

Imanai talalâ, numanye bienu ne, Meme ndi Nzambi. Nentumbishibue munkatshi mua bisamba bia bantu, nentumbishibue ha buloba.

Nsumuinu 30:13

Bantu badiku,—mona mudi mesu abo ne dihetu, ne mudibo bahanda mesu mulu!

Yeshaya 23:9

Yehowa wa misumba wakadihangidishila bualu ebu bua kubihisheye butumbi buonso, ne bua bonso badi ne butumbi ha buloba bahetudibue.

Yeshaya 30:18

Nunku Yehowa udi windila bua kunulesha dinanga diandi; ne bua muanda eu neadioshe bua kunulesha luse; bualu bua Yehowa udi Nzambi udi ulumbulula biakane; bonso badi bamuindila badi bavudishibue disanka.

Mika 2:3

Bua malu â Yehowa udi wamba ne, Monai, ndi nnuhangidishila, nuenu ba tshisamba etshi, dikenga dinudi kanuyi mua kumusha ha nshingu yenu, ne kanuena nuenda ne dihetu, bualu bua tshikondo etshi netshikale tshibi.

Misambu 18:28

E, udi untemeshila muinda wanyi; Yehowa Nzambi wanyi udi untokeshila midima yanyi.

Misambu 46:11

Yehowa wa misumba udi nʼetu; Nzambi wa Yakoba udi tshinyemenu tshietu.

Misambu 94:2

Udijule, wewe mulumbuluishi wa ba ha buloba; ufute bena dihetu difutu bu mudi bienzedi biabo.

Nsumuinu 16:5

Muntu yonso udi ne kudisua mu mutshima udi utondesha Yehowa, manya bimpe ne, Kena uhanga kukengeshibua.

Yeshaya 10:12

Kadi halua Mukelenge kushikisha mudimu wandi wonso udiye wenzela mukuna wa Siona ne musoko wa Yelushalema, yeye neakengeshe bienzedi bia mu mutshima wa diambu wa mukelenge wa Ashû, neuhuekeshe butumbi bua kudilesha kuandi.

Yeshaya 14:15

Kadi neuhuekeshibue tô ne ku Muaba wa Bafue, ku ndekelu wa Tshina tshia Bafue.

Yeshaya 40:23

Nyeye udi uvuisha bakokeshi bu bantu ba hatuhu, udi uvuisha balumbuluishi ba ha buloba bu babuelakanyi.

Yirmeya 12:9

Yuda, buhianyi buanyi, wakulua kundi bu nyunyu udi ne matoba matoba udi udia munyinyi, anyi? nyunyu idi idia munyinyi idi imunyunguluka bua kumuluisha, anyi? Yai bienu, nusangishe nyama yonso ya mu mpata, nulue nʼai bua kumudiayi.

Danyele 4:34

Hakahita matuku â, meme, Nebukadenesâ, nakabanduluka ne nakatangisha mesu anyi mu diulu; meji anyi akahingana kundi. Nakavudishila Mutambe Bunene wa mu diulu disanka, nakamutumbisha ne nakamunemeka, Yeye udi ne muoyo tshiendelele. Bualu bua bukokeshi buandi budi bukokeshi bua tshiendelele, ne bukelenge buandi budi bujalame ku tshikondo ku tshikondo.