Yeshaya 14:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Hashishe, mu difuku adi hakukuha Yehowa dikisha ku dikenga diebe ne ku malu akadi akutatshisha ne ku mudimu mukole wakakuenzeshabo ku bukole,

MUKANDA WA MYIDI MUKULU

³ Maweja-Nangila neapatule bena Izrayele mu bupika. Bobu bamane kupitshila mu makenga ne ntatu, nebapete dikisha.

Yeshaya 14:3 Referans Kwoze

Yirmeya 30:10

Nunku Yehowa udi wamba ne, Kutshinyi biebe, wewe Yakoba muntu wanyi; wewe Isalele, kuikadi ne buowa; bualu bua, mona, nenkusungile ku buloba budi kule, nensungile bana bebe mu buloba bua buhika buabo. Yakoba neahingane, neikale nolâ ne ditalala, ne kakuena muntu wamutshinyisha.

Yeshaya 32:18

Bantu banyi nebashikame mu miaba ya ditalala, ne mu nsubu idi kayiyi ne njiu hehi, ne mu bikishilu bia ditalala.

Zekâya 8:8

Nembahingashe bua kushikamabo munkatshi mua Yelushalema, nebikale bantu banyi, ne meme nengikale Nzambi wabo mu bushuwa ne mu buakane.

Didimanyisha 18:20

Nusanke bua bualu buau, wewe diulu, ne nuenu basanto, ne nuenu bapostolo, ne nuenu baprofete; bualu bua Nzambi wakamulumbuluisha ne dilumbuluisha dienu.

Yezekiyele 28:24

Ba mu tshisamba tshia Bena Isalele kabena basangana dieba didi mua kubataha, anyi mungonge udi mua kubakengesha, munkatshi mua bena mutumba nʼabo badi babanyunguluka ku nseke yonso, ne bakadi babenzela bibi. Nebamanye ne, Ndi Mukelenge Yehowa.

Yirmeya 50:34

Muhikudi wabo udi mukole; Yehowa wa misumba ndina diandi; yeye neabakuile tshilumbu tshiabo biakane, bua amanye mua kuvuishila buloba dikisha ne bua kutatshisheye ba mu Babulona.

Yeshaya 12:1

Mu dituku adi newambe biebe ne, Nenkusakidile wewe, Yehowa; bualu bua wakankuatshila tshiji diambedi, kadi tshiji tshiebe tshiakukudimuka kundi, wakunsamba.

Yeshaya 11:10

Hashishe mu dituku adi Lutonga lua ku miji ya Yishai neluimane bialu bu dibendela dia kusangishaku bisamba bia bantu. Ba mu bisamba ebi nebaye kudiye bua kumulomba lungenyi, ne muaba udiye mushikame newikale wa butumbi.

Dielulula 28:48

nunku nenukuatshile badi nʼenu lukuna mudimu badi Yehowa unutumina, ne nzala ne nyota ne butaka ne kuhanga kua bintu bionso. Bobo nebanuteke tshikokedi tshia tshiamu ha nshingu yenu tô ne hanuajimishibua kudibo.

Zekâya 8:2

Yehowa wa misumba udi wamba ne, Ndi munvue mukau bua Siona, nakukuatshika tshiji tshikole bua bualu buandi.

Yeshaya 40:2

Nuambile mutshima wa Yelushalema mei makane; numuele dî ne, Tshikondo tshiebe tshia mudimu mukole tshiakushika, bakukubuikidila bubi buebe. Wakuheta makenga ku tshianza tshia Yehowa akuvudisheye misangu ibidi bua malu mabi ebe.

Yirmeya 17:4

Wewe nkayebe neulekele kulama buhianyi bunakukuha; nenkuenzeshe bua wewe kukuatshila badi nʼebe lukuna mudimu mu buloba bûdi kuyi mumanye; bualu bua nsola tshiji tshianyi bu kahia kadi kosha tshiendelele.

Yirmeya 30:8

Yehowa wa misumba udi wamba ne, Mu dituku adi nentshibule mutshi wa tshikokedi bua kûmusha mu nshingu yabo, nentshibule nkanu yabo; bantu ba bende kabena babenzesha mudimu bu bahika babo kabidi,