Yeshaya 13:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Mu dituku adi, bu mudi ngulungu udibo bihata, ne bu mudi mikoko idi kayiyi ne mulami wa kuyiangisha, muntu yonso neahingane kudi bana babo, muntu yonso neanyemene ku buloba buandi.

MUKANDA WA MYIDI MUKULU

¹⁴ Dituku adi, bantu nebamone, mudi muntu yonsu unyema ku tshisamba tshiabu, upingana kuabu lubilu, bu ngulungu mikuatshika bowa, bu mikoku idi kayiyi ne muyilami.

Yeshaya 13:14 Referans Kwoze

1 Bakalenga 22:17

Yeye wakamuambila ne, Nakatangila Bena Isalele bonso bamuangalashibue ha mutu ha mikuna bu mikoko idi kayiyi ne mulami; Yehowa wakamba ne, Bobo kabena ne mulami, mbimpe bua buonso buabo bahingane ku nsubu yabo talalâ.

Yirmeya 50:16

Nushihe mukunyi wa maminu ne muena muele udi unowa bia kudia bia mu Babulona mu tshikondo tshia kunowa. Bua dishina diabo dia muele wa nvita nebalukile, muntu ne muntu, kudi bana babo, nebanyeme, muntu ne muntu, ku buloba buandi.

1 Bakalenga 22:36

Hakamba diba kubuela, bakelangana mei ne, Bantu bonso baye ku misoko yabo ne ku buloba buabo.

Yirmeya 51:9

Tuakadi kushikisha disama dia Babulona, kadi disama diandi kadiena dishika. Tumulekele, tuye bietu muntu ku buloba buandi, muntu ku buloba buandi; bualu bua kulumbulula kuandi kudi kufika tô ne mu diulu, kudi kubandishibua tô ne ku matutu.

Yeshaya 47:15

Ebu mbualu budi bukuata bintu biakukutonda; bawakuenduluka nʼabo mushinga ku buana buebe badi balenduka muntu ne muntu mu nshila wandi; kakuena kuikala umue wabo wa kukusungila.

Yeshaya 17:13

Ba mu bisamba bia bantu badi mua kuenda lubilu bu dihueka dia lukasa dia mai a bungi, kadi Yehowa neababele, ne nebanyeme kule, nebihatshibue bu mudi bisote bia ku tshituilu tshia ha mukuna bihehudibua halua luhehele, ne bu mudi luhuishi lunyunguluka ne nvunde.

Matayi 9:36

Kadi hakatangileye bisumbu bia bantu, wakadi nʼabo luse, bualu bua bobo bakadi batata, bakadi bamuangalake bu mikoko idi kayi ne mulami.

Marke 6:34

Hakumukeye mu buatu, wakatangila tshisumbu tshinene tshia bantu, wakadi nʼabo luse, bualu bua bobo bakadi bu mikoko yakadi kayi ne mulami; yeye wakabanga kubayisha malu a bungi.

1 Petro 2:25

Bualu bua nuakadi nuhambuka bu mikoko, kadi katataka nuakuhingana kudi Mulami ne Mutangidi wa mioyo yenu.

Yeshaya 21:15

Bualu bua bakanyema miele ya nvita, bakanyema muele muhatula mu luhaha, ne buta bimana, ne dikenga dikole dia nvita.

Yirmeya 25:12

Yehowa udi wamba ne, Hashishe, hakumbana bidimu ebi makumi muanda mutekete, nenkengeshe mukelenge wa Babulona ne tshisamba atshi bualu bua bubi buabo, ne buloba bua Bena Kasada; nembuvuishe bu tshikulu tô ne tshiendelele.

Nahume 3:18

Wewe mukelenge wa Ashû, balami bebe ba mikoko badi balala tulu, bantu bebe banene badi bashikame hatuhu, bantu bebe badi bamuangalake mu mikuna, kakuena mundi wa kubasangisha hohamue kabidi.